ជីវិតកម្សាន្ដ

ដួង សុខគា ប្រកាសដំណើរកម្សាន្ត និងការរើសសំរាមតាមតំបន់ទេសចរណ៍មានការប្រគំភ្លេងបុរាណខ្មែរ

បានផុស

៣ years មុន

នៅ

ថ្ងៃចន្ទ ១៣ វិច្ឆិកា ២០២៣

ដោយ

តារាពហុជំនាញលោក ដួង សុខគា ក្នុងគោលបំណងដើរកម្សាន្តផង និងដើម្បីរើសសំរាមសម្អាតតំបន់ទេសចរណ៍ជិតៗនោះផង លោកបានប្រកាសបង្កើតកម្មវិធីជួបជុំមួយជាមួយអ្នកគាំទ្រដែលមានបំណងចូលរួមជាមួយលោក។ ក្នុងនោះលោកក៏បញ្ជាក់ថា ក៏មានការប្រគំភ្លេងបុរាណខ្មែរកំដរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ដួង សុខគា បានបញ្ជាក់ឲ្យដឹងដូច្នេះថា «ខ្ញុំចង់រកថ្ងៃសម្រាកណាមួយបបួលបងប្អូនទៅតំបន់ទេសចរណ៍ជិតៗដើរកម្សាន្តជុំគ្នាផង និងរើសសំរាមសម្អាតតំបន់នោះផង ហើយយើងនឹងយកភ្លេងបុរាណខ្មែរយកទៅលេង និងច្រៀងអាចជាបទយីកេ អាយ៉ៃ ប្រពៃណី ប្រជាប្រិយ និងចាប៉ី សប្បាយៗជាដើម»។

លោក ដួង សុខគា និយាយបន្តទៀតថា «បងប្អូនយើងសុខចិត្តចូលរួមទេ…?ខ្ចប់បាយទៅរៀងៗខ្លួនទៅដល់យើងស្រាយបង្វិចហូបជុំគ្នាបើបានគ្នាច្រើនព្រមព្រៀងលោកនឹងដាក់ថ្ងៃ (Holiday or Weekend) រួមគ្នាដើម្បីបរិស្ថានស្រុកយើង កិត្តិយសជាតិយើង»។

តារាពហុជំនាញ ដួង សុខគា បានបញ្ជាក់បន្ថែមចំពោះអ្នកដែលមានបំណងចូលរួមដែរថា «បើបងប្អូនចង់ចូលរួមសូមតេឡេក្រាមមកខ្ញុំតាមរយៈលេខ, 078 77 75 81ខ្ញុំកំពុងបង្កើតក្រុមហើយណាត់ថ្ងៃចេញដំណើរ។ ជាមួយការប្រកាសនេះ គេសង្កេតឃើញមានការគាំទ្រច្រើនពីសំណាក់មហាជន និងអ្នកប្រើប្រាស់បណ្ដាញសង្គមហ្វេសប៊ុក»។

ជាការពិតគេកត់សម្គាល់ថា តារាប្រុសលោក ដួង សុខគា ជារឿយៗលោកតែងតែចេញមុខបំផុសស្មារតីដល់យុវជនដែលជាកូនខ្មែរគ្រប់រូបត្រូវនាំគ្នាដើម្បីចូលរួមថែរក្សាតម្លៃវប្បធម៌ អរិយធម៌ និងភាសាជាតិ អក្សរជាតិ ដែលជាកេរដំណែលមរតកដូនតាខ្មែរ ។

នាពេលកន្លងមកលោកក៏បានបញ្ចេញសារជាបន្តបន្ទាប់ដោយ ស្នើឲ្យមហាជនគ្រប់រូបចូលរួមយុទ្ធនាការស្រលាញ់បរិស្ថានក៏ដូចជាការប្រើភាសាជាតិដោយការស្រលាញ់ និងទទួលខុសត្រូវផងដែរ៕

អត្ថបទ៖ ចាន់រ៉ា

Related Topics:តារាខ្មែរ ដួង សុខគា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា