ជីវិតកម្សាន្ដ

ថៅកែ Nawat ចេញសេចក្តីប្រកាស ហាមមិនឲ្យទូរទស្សន៍ក្នុងស្រុកមួយផ្សាយពីកម្មវិធី Miss Grand

បានផុស

៣ years មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

ក្រុមហ៊ុន Miss Grand International ប្រទេសថៃបានប្រកាសហាមប្រាមយ៉ាងច្បាស់លាស់ចំពោះទូរទស្សន៍ tao_tvpool និងសហម្ចាស់កម្មវិធីទាំងអស់ ហាមមិនឲ្យចាក់ផ្សាយឬបង្ហោះពត័ព៌មានទាក់ទងនឹងកម្មវិធីប្រលងសម្រស់សូម្បីតែបន្តិច។

ទោះយ៉ាងណាក៏ដោយ រឿងរ៉ាវដ៏រសើបនេះបានធ្វើឲ្យពិភពស្រីស្អាតមានភាពច្របូកច្របល់ បន្ទាប់ពីស្ថាបនិក Miss Grand លោក Nawat Issara ចេញមុខផ្តល់បទសម្ភាសន៍ និងត្រៀមប្រកាសហាមអ្នកសារព័ត៌មានល្បីៗ និយាយពីកម្មវិធី Miss Grand Thailand និង Miss Grand International។ ព្រោះជាច្រើនដង Grand ត្រូវបានខូចខាត ដោយសារព័ត៌មានបង្ហាញថាមិនពិតនិងចោតទាំងស្រុងលើកម្មវិធី។ នៅពេលនេះ អ្នកគាំទ្រ រាជិនីសម្រស់ ថែមទាំងចង់ដឹងថា អ្នកសារព័ត៌មានដែលថៅកែរូបនេះសំដៅលើជានរណា?

ក្រោយមក ទើបតែពេលថ្មីៗនេះ ក្រុមហ៊ុន Miss Grand International Limited បានចេញសេចក្តីប្រកាសមួយតាមរយៈទំព័រ Facebook របស់ Miss Grand Thailand ដើម្បីជម្រាបជូនអ្នកគាំទ្រថា ក្រុមហ៊ុនបានសម្រេចចិត្តប្រកាសជាផ្លូវការចំពោះពិធីករដ៏ល្បីល្បាញដោយបញ្ជាក់ថា៖

“សេចក្តីប្រកាសផ្លូវការរបស់គណៈកម្មាធិការប្រតិបត្តិនៃក្រុមហ៊ុន Miss Grand International Public Limited ដែលជាអ្នករៀបចំកម្មវិធីប្រកួតបវរកញ្ញា Miss Grand Thailand និង Miss Grand International សូមប្រកាសជូនដំណឹងជាផ្លូវការដល់លោក Phumiphat Thammaphan ឬ Tao TV Pool រួមទាំងសហពិធីករទាំងអស់នៃកម្មវិធីរបស់គាត់ផងដែរ។ ឈប់បង្ហាញព័ត៌មាន ឬយោងទៅក្រុមហ៊ុន Miss Grand International Public Company Limited រួមទាំងការប្រលង Miss Grand Thailand និង Miss Grand International ក៏ដូចជាអ្នកពាក់ព័ន្ធ មិនថាដោយផ្ទាល់ ឬដោយប្រយោលក្នុងគ្រប់ករណីចាប់ពីពេលនេះតទៅ នេះបើយោងតាមព័ត៌មានលម្អិត”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញការប្រកាសផ្លូវការនេះធ្វើឡើងស្របពេលដែលទូរទស្សន៍ tao_tvpool និងសហការីទាំងអស់បានចេញផ្សាយនូវពត័ព៌មានមិនពិតពីកម្មវីធី Miss Grand International។ ដែលនេះបានធ្វើឲ្យសាធារណជនមានការយល់ច្រឡំ និងចោទទាំងស្រុងលើអ្នកដឹកនាំកម្មវិធី។ ដូច្នេះទើបលោកណាវ៉ាត់បានសម្រេចចេញសេចក្ដីប្រកាសដោយបើកចំហបែបនេះតែម្ដង៕