ព័ត៌មានជាតិ
តម្លៃស្រូវនៅខេត្តព្រៃវែង នាំចេញទៅលក់នៅវៀតណាម មានទីផ្សារល្អ កសិករបានផលចំណេញ
កសិករមួយចំនួននៅភូមិអំពៅព្រៃ ឃុំកោះសំពៅ ស្រុកពាមជរ ខេត្តព្រៃវែង ចាប់ផ្ដើមប្រមូលផលស្រូវបណ្ដើរៗ នាំចេញយកទៅលក់នៅប្រទេសវៀតណាម ខណៈកសិករអះអាងថា តម្លៃស្រូវប្រាំងនៅឆ្នាំនេះ ទទួលបានថ្លៃខ្ពស់ ដែលអាចឱ្យកសិករទទួលផលចំណេញ។
លោក បឿន បូណា កសិករនៅក្នុងឃុំកោះសំពៅ បានប្រាប់ថា រូបលោកមានផ្ទៃដីធ្វើស្រែចំនួន ១០ ហិកតា ដែលក្នុង១ ហិកតាអាចប្រមូលផលប្រមាណពី ៥ តោន ទៅ ៦ តោន។
លោកបូណាបញ្ជាក់ថា តម្លៃទីផ្សារស្រូវបច្ចុប្បន្ននាំទៅវៀតណាម អាចលក់បានប្រមាណ ១ ៣០០ រៀល/គីឡូក្រាម ដែលជាតម្លៃល្អជាងឆ្នាំមុន ធ្វើឱ្យរូបលោកអាចទទួលបានផលចំណេញនៅឆ្នាំនេះ។
លោក សំ សាន់ កសិករនៅភូមិអំពៅព្រៃ ក៏បានប្រាប់ឱ្យដឹងនៅថ្ងៃទី ០២ ខែកុម្ភៈ ឆ្នាំ ២០២៤ នេះដែរថា លោកធ្វើស្រូវប្រាំងប្រមាណ ២ ទៅ ៣ ហិកតា ដែលក្នុងមួយហិកតា ទទួលបានទិន្នផល ៦ តោន ខណៈតម្លៃស្រូវល្អប្រសើជាងឆ្នាំមុន។
យោងតាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង បានឱ្យដឹងថា ត្រឹមរយៈពេល ២២ ថ្ងៃ នៃខែមករា ខេត្តព្រៃវែង បាននាំចេញស្រូវក្រៅផ្លូវការទៅកាន់ប្រទេសវៀតណាម សរុបប្រមាណ ១៦៦.៤៧២តោន ដោយរកចំណូលបានសរុបប្រមាណ ៥៤,៨១ លានដុល្លារអាមេរិក។
របាយការណ៍ដដែលនេះ បង្ហាញថា តម្លៃស្រូវជាមធ្យម ស្រូវ IR504-04 តម្លៃ ១.៣៥០៛/គីឡូក្រាម និងស្រូវ OM5451 តម្លៃ ១៣៥០៛/គីឡូក្រាម។ ចំពោះការនាំស្រូវទៅលក់នៅប្រទេសវៀតណាម គឺមានច្រកពីរសំខាន់ៗ គឺច្រកអន្តរជាតិបន្ទាយចក្រី ស្រុកព្រះស្តេច និងងច្រកអន្តរជាតិកោះរកា ស្រុកពាមជរ ខេត្តព្រៃវែង៕
អត្ថបទ៖ ឡេង ដេត
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ