មកដឹង ចំនួនគោលដៅទេសចរណ៍ប្រទេសជាប់ភូមិផងរបងជាមួយ កម្ពុជា ទាំងបីក្នុងឆ្នាំ ២០២៤ នេះ

ប្រទេសជាប់ភូមិផងរបងជាមួយកម្ពុជាទាំង ៣ ដូចជា ថៃ វៀតណាម និងឡាវសុទ្ធតែដាក់ចេញមុខព្រួញទាក់ទាញភ្ញៀវទេសចរទាំងជាតិ និងអន្តរជាតិក្នុងកម្រិតផ្សេងៗគ្នាសម្រាប់ឆ្នាំ ២០២៤ នេះ ស្របពេលដែលកាលពីឆ្នាំមុន ប្រទេសទាំងនោះឈានដល់គោលដៅទេសចរណ៍រៀងៗខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលប្រទេសថៃបានកំណត់គោលដៅការមកលេងកម្សាន្តរបស់អ្នកទេសចរជាង ៣៤ លាននាក់សម្រាប់ពេញមួយឆ្នាំ ២០២៤ នេះ ខណៈកាលពីឆ្នាំមុន ប្រទេសដែលសំបូរកន្លែងដើរហើរមួយនេះ សម្រេចផែនការទេសចរណ៍ចំនួន ២៨ លាននាក់ ដោយបង្កើតប្រាក់ចំណូលបាន ១.២ ពាន់លានបាត ស្មើនឹង ៣៤.៩៣ លានដុល្លារ ។

ចំណែកប្រទេសវៀតណាមវិញបានដាក់ផ្ទាំងស៊ីបទាក់ទាញអ្នកទេសចរមកចុះចតលេងកម្សាន្តក្នុងឆ្នាំ ២០២៤ នេះចំនួន ១៨ លាននាក់ ស្របពេលដែលកាលពីឆ្នាំមុន ប្រទេសជាប់ភូមិផងរបងជាមួយកម្ពុជាមួយនេះ កើបបានភ្ញៀវទេសចរបរទេសចំនួន ១២.៦ លាននាក់ ឬប្រហែល ៧០ ភាគរយនៃកម្រិតមុនរោគរាតត្បាតកូវីដ ១៩ ។

ដោយឡែក ប្រទេសឡាវបានបង្ហាញមហិច្ឆិតាទាក់ទាញភ្ញៀវទេសចរជាង ៦ លាននាក់ ក្នុងនោះប្រមាណ ២.២ លាននាក់ជាទេសចរក្នុងស្រុក និងប្រហែល ៤ លាននាក់ជាអ្នកទេសចរបរទេស និងអាចកើបចំណូលបានប្រមាណ ១.៣ ពាន់លានដុល្លារ ខណៈកាលពីឆ្នាំមុន ឡាវទទួលបានភ្ញៀវទេសចរបាន ២.៤ លាននាក់ ។

គួរបញ្ជាក់ថា ចំពោះក្ដីរំពឹងដែលថៃបញ្ចេញក្នុងការទាក់ទាញអ្នកទេសចរក្នុងឆ្នាំនេះ គឺដោយសារតែបរិយាកាសទេសចរណ៍ លក្ខខណ្ឌអំណោយផលនៃការធ្វើដំណើរ គោលនយោបាយលើកលែងទិដ្ឋាការ និងការបង្កើនលទ្ធភាពហោះហើរជាដើម ខណៈដែលឡាវដាក់ផែនការ “ទស្សនាប្រទេសឡាវ ឆ្នាំ២០២៤” ជាពិសេសគឺផ្ដោតលើទិសដៅទេចរណ៍ចម្រុះក្នុងទីក្រុងហ្លួងព្រះបាង ៕

ដោយ ៖ សុខ ជីវ័ន្ត

ចុចអាន ៖ ត្រឹមមួយខែមករា ថៃ ទាញទេសចរបរទេសបានជិត ៤ លាននាក់