ព័ត៌មានអន្ដរជាតិ
តំបន់ទេសចរណ៍ចំនួន ៣ នៅ ឡាវ ជួបបញ្ហាខ្យល់ពុលក្នុងកម្រិតប៉ះពាល់សុខភាព
ប្រទេសឡាវកំពុងជួបប្រទះនូវការកើនឡើងនៃកម្រិតខ្យល់ពុលដែលប៉ះពាល់ដល់សុខភាព ពិសេសនៅតំបន់ទេសចរណ៍សំខាន់ៗចំនួន ៣ រួមមានរដ្ឋធានីវៀងចន្ទន៍ ខេត្តហ្លួងព្រះបាង និងខេត្តចំប៉ាស័ក្តិ ។ នេះបើតាមការចេញផ្សាយដោយសារព័ត៌មានឡាវ Laotian Times ។
![](https://www.kampucheathmey.com/wp-content/uploads/2024/02/Laos-30.jpg)
ប្រភពព័ត៌មានដដែលបានឲ្យដឹងថា យោងតាមកម្រិតរង្វាស់គុណភាពខ្យល់ (AQI) នៅរដ្ឋធានីវៀងចន្ទន៍កាលពីថ្ងៃ១៩ កុម្ភៈ គឺមានកម្រិតពី ១៥៥ ដល់ ១៦០ ដែលជាសញ្ញាបង្ហាញថា គុណភាពខ្យល់ឈានដល់ការប៉ះពាល់ទៅដល់សុខភាព ខណៈកម្រិតខ្យល់ដែលមានគុណភាពធម្មតាមិនប៉ះពាល់សុខភាពគឺក្រោម ឬស្មើ ១០០ ។ ដោយឡែក ខេត្តហ្លួងព្រះបាង និងសង្កាត់ប៉ាកសេ ក្នុងខេត្តចំប៉ាស័ក្តិ មានកម្រិតដល់ ១៥៨ ដល់ ១៦០ ផងដែរ ។
អត្រាកម្រិតខ្យល់ពុលនៅក្នុងបណ្ដាខេត្តខាងលើបានកើនឡើង និងធ្ងន់ធ្ងរ ចាប់តាំងពីចុងសបា្តហ៍កន្លងទៅ ពោលចាប់ពីថ្ងៃទី១៧ ខែកុម្ភៈមកម្ល៉េះ ហើយកត្តាសំខាន់ដែលរួមផ្សំក្នុងកំណើនខ្យល់ពុលនេះ គឺមាន ទម្លាប់ដុតសំរាមរបស់ប្រជាជន ការកាប់ព្រៃឈើ និងដុតទន្ទ្រានយកដីសម្រាប់កសិកម្ម ។ នេះបើតាមការបើកបង្ហាញពីក្រសួងធនធានធម្មជាតិ និងបរិស្ថាននៃប្រទេសឡាវ ។
![](https://www.kampucheathmey.com/wp-content/uploads/2024/02/Laos2.jpg)
យ៉ាងណាក្តី នៅក្នុងទិសដៅដើម្បីបន្ថយកម្រិតខ្យល់បំពុលដើម្បីសុខភាពនេះ ក្រសួង និងអជ្ញាធរពាក់ព័ន្ធនៃប្រទេសឡាវបានសហការជាមួយភ្នាក់ងារអង្គការសុខភាពពិភពលោក (WHO) បន្តអនុវត្តយុទ្ធនាការបញ្ជ្រាបការយល់ដឹងទៅដល់ប្រជាពលរដ្ឋឡាវ អំពីបញ្ហាដើមហេតុទាំងនោះ ដើម្បីស្របនឹងទិសដៅរដ្ឋាភិបាលឡាវដែលសង្ឃឹមថា នឹងសម្រេចបានការបន្ថយទម្លាប់ដុតព្រៃឲ្យបានប្រមាណ ៣៥ ភាគរយនៅត្រឹមឆ្នាំ ២០២៥ ។
គួររំឭកថា មិនត្រឹមតែប្រទេសឡាវនោះទេដែលជួបបញ្ហានេះ ប្រទេសថៃក្បែរខាងឡាវ ក៏កំពុងប្រឈមនឹងបញ្ហាខ្យល់ពុលដូចគ្នា និងបានចាត់វិធានការផ្សេងៗជាបន្តបន្ទាប់ដើម្បីឆ្លើយតបបណ្តោះអាសន្នទៅលើករណីខ្យល់ពុល ដែលកើតមានឡើងជាពិសេសនៅតំបន់ប្រជុំជនក្នុងទីក្រុង ៕
![](https://www.kampucheathmey.com/wp-content/uploads/2024/02/Forest-fire-in-Phongsaly-Province-Laos-Photo-Adam-Cohn.jpg)
ដោយ៖ មាន រតនា
-
ជីវិតកម្សាន្ដ៥ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ២១ ម៉ោង ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សេចក្ដីជូនដំណឹង២ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៣ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៥ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ៣ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
សេដ្ឋកិច្ច៥ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៤ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ