កីឡា

ក្រុមបាល់ទះនារី Red Rockets គ្រងជើងឯកលីគនារីជប៉ុន២ឆ្នាំជាប់គ្នា

បានផុស

១ year មុន

នៅ

ថ្ងៃចន្ទ ១១ មីនា ២០២៤

ដោយ

ក្រុមបាល់ទះនារី NEC Red Rockets Kawasaki បានយកឈ្នះក្រុម JT Marvelous Nishinomiya ដែលមានប្រវត្តិមិនធ្លាប់ចាញ់ក្នុងវគ្គសន្សំពិន្ទុដើម្បីក្លាយជាម្ចាស់ជើងលីគបាល់ទះនាទីជប៉ុន V.League ពីរឆ្នាំជាប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ការពារតំណែងជើងឯកឆ្នាំ NEC Red Rockets Kawasaki បានអបអរការឈ្នះជើងឯកជាតិស្ត្រីជាលើកទី៩របស់ពួកគេ បន្ទាប់ពីប្រកួតយ៉ាងស្វិតស្វាញក្នុងលទ្ធផល ៣-១ (២៧-២៥, ៣២-៣០, ១៦-២៥, ២៥-១៧) ធ្វើឲ្យក្រុមJT Marvelous Nishomiya ខកចិត្តយ៉ាងខ្លាំង ដោយសារពួកគេមិនធ្លាប់ចាញ់សោះក្នុងវគ្គសន្សំពិន្ទុចាប់តាំងពីដើមរដូវកាលរហូតដល់វគ្គផ្តាច់ព្រ័ត្រទើបស្គាល់ជាតិបរាជ័យ។

ការប្រកួតវគ្គផ្តាច់ព្រ័ត្រ V-League កាលពីថ្ងៃអាទិត្យនៅចំពោះមុខអ្នកទស្សនាផ្ទាល់ប្រមាណ ៣០០០នាក់ នៅកីឡដ្ឋាន Takasaki Arena ក្នុងទីក្រុង Takasaki។ ក្នុងនោះក្រុម Saitama Ageo Medics បានដណ្ដើមបានមេដាយសំរិទ្ធ បន្ទាប់ពីបានយកឈ្នះក្នុងលទ្ធផល ៣-០ (២៥-២០, ២៥-២២, ២៥-១៨)លើក្រុម Toyota Auto Body Queenseis Kariya ។

កីឡាការិនី Sarina Koga អាយុ២៧ឆ្នាំមកពី NEC Red Rockets Kawasaki បានដឹកនាំក្រុមដោយទទួលបាន២៦ពិន្ទុក្នុងវគ្គផ្តាច់ព្រ័ត្រ ហើយត្រូវបានជាប់ឈ្មោះជាកីឡាការិនីឆ្នើមក្នុងលីគ២ឆ្នាំជាប់គ្នា។ ការប្រកួតលីគបាល់ទះនារីជប៉ុន មានក្រុម១២ចូលរួមប្រកួតប្រជែង។ ចំពោះក្រុមបាល់ទះនារី NEC Red Rockets ជាក្រុមល្អនាពេលបច្ចុប្បន្ន បន្ទាប់ពីពួកគេបានយកធ្លាប់ឈ្នះពានរង្វាន់នេះចំនួន៩លើក គិតចាប់តាំងពីឆ្នាំ១៩៦៧ ជាពេលដែលពានរង្វាន់នេះត្រូវបានបង្កើតឡើង៕

ប្រែសម្រួល៖ ផា រតនា
ប្រភព៖ Asianvolleyball