សេដ្ឋកិច្ច

ឱនភាពពាណិជ្ជកម្មហ្វីលីពីនបន្តរួមតូចនៅខែមីនា បើធៀបនឹងខែមុនៗ

បានផុស

២ years មុន

នៅ

ថ្ងៃពុធ ៨ ឧសភា ២០២៤

ដោយ

ឱនភាពពាណិជ្ជកម្មហ្វីលីពីនប្រចាំខែមីនា ឆ្នាំ ២០២៤ នេះ បានរួមតូចជាងខែមុនៗ បើរាប់តាំងពីខែឧសភា ឆ្នាំ ២០២១ ដោយទិន្នន័យផ្លូវការបឋមបានបង្ហាញថា វាមានត្រឹមតែ ៣,២ ប៊ីលានប៉ុណ្ណោះ។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។

អាជ្ញាធរស្ថិតិហ្វីលីពីន (PSA) បានឱ្យដឹងថា ការនាំចូលរបស់ប្រទេសបានធ្លាក់ចុះ ២០ ភាគរយ មកនៅត្រឹម ៩,៣ ប៊ីលានដុល្លារកាលពីខែមីនា បើប្រៀបធៀបនឹងរយៈពេលតែមួយកាលពីឆ្នាំមុន ខណៈដែលការនាំចេញ បានធ្លាក់ចុះ ៧,៣ ភាគរយ ពោលគឺមកត្រឹម ៦,១៣ ប៊ីលានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរ៉យទ័រ ការធ្លាក់ចុះការនាំចូលរបស់ហ្វីលីពីនប្រចាំខែមីនា ដែលធ្វើឱ្យទំហំឱនភាពពាណិជ្ជកម្មរួមតូចនេះ គឺជាការធ្លាក់ចុះដ៏ធំបំផុតចាប់តាំងពីខែកក្កដា ឆ្នាំ ២០២០ (២០,៨ ភាគរយ)។

គួរគូសបញ្ជាក់ថា ឱនភាពពាណិជ្ជកម្ម សំដៅលើស្ថានភាពសេដ្ឋកិច្ច នៅពេលដែលប្រទេសមួយនាំចូលទំនិញច្រើនជាងការនាំចេញ។ ការប្រឈមមុខនឹងឱនភាពសេដ្ឋកិច្ច មានន័យថា ហ្វីលីពីននៅតែបន្តដកប្រាក់ដុល្លារបន្ថែមទៀត ដើម្បីចំណាយលើតម្រូវការនាំចូលនៃសេដ្ឋកិច្ចដែលកំពុងអភិវឌ្ឍ ជាជាងរកបានពីការលក់ផលិតផលនាំចេញរបស់ខ្លួន។ ភាពកាន់តែអាក្រក់នៃអតុល្យភាពពាណិជ្ជកម្មនេះ អាចធ្វើឱ្យប្រាក់ប៉េសូរបស់ប្រទេសចុះខ្សោយ ដែលបង្កហានិភ័យធ្ងន់ធ្ងរដល់សេដ្ឋកិច្ច។ បើតាម PSA ឱនភាពសេដ្ឋកិច្ចហ្វីលីពីន ហាក់មានភាពប្រសើរឡើងក្នុងរយៈពេលប៉ុន្មានខែដើមឆ្នាំ ២០២៤ នេះ ដោយនៅខែកុម្ភៈ វាមានទំហំ ៣,៦៤ ប៊ីលានដុល្លារ ថយចុះ ៦ ភាគរយ បើធៀបនឹងខែកុម្ភៈឆ្នាំមុន។ នៅខែមករា វាមានទំហំ ៤,២២ ប៊ីលានដុល្លារ ដោយថយចុះ ២៤,៧ ភាគរយ បើធៀបនឹងរយៈពេលដូចគ្នា៕