ជីវិតកម្សាន្ដ

ឌីជេ ក្តិប បង្ហាញបំណងចង់វិលរកអាជីពចាស់

បានផុស

១ year មុន

នៅ

ថ្ងៃសុក្រ ១៤ មិថុនា ២០២៤

ដោយ

ទស្សនិកជន និងអ្នកនិយមតាមដានវិស័យសិល្បៈបានដឹងហើយថា តារាចម្រៀងរ៉េបលោក ចាន់ សំណាង ហៅ ឌីជេ ក្តិប កន្លងមកហាក់ឃ្លាតឆ្ងាយពីវិស័យសិល្បៈស្ទើរទាំងស្រុង។ ចំណែកឯអ្នកគាំទ្រ វិញនៅតែបង្ហាញបំណងចង់ឃើញលោកចេញបទចម្រៀងស្នាដៃថ្មីៗដើម្បីបម្រើអារម្មណ៍ទស្សនិកជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការកត់សម្គាល់ថ្វីត្បិតមួយរយៈកន្លងទៅលោក ចាន់ សំណាង ឬ ឌីជេ ក្តិប មិនសូវមានវត្តមានលើវិថីសិល្បៈក្តី តែលោកមិនបានបង្ហាញពីការបោះបង់នោះទេ ពោលគឺលោកតែបង្ហាញពីឆន្ទៈស្រលាញ់ និងវិលចូលវិស័យមួយនេះ។ អ្វីដែលធ្វើឲ្យគេចាប់អារម្មណ៍ទៀតនោះគឺ ឌេជេ ក្តិប មុននេះបានបង្ហើបពីបំណងចង់វិលរកអាជីបចាស់ផ្នែក DJ ផងដែរ។

លោក ក្តិប បានលើកឡើងថា «លោកស្រលាញ់ណាស់ដោយចង់វិលរកអាជីបចាស់ណាស់ដើម្បីរកលុយតែដោយសារតែបញ្ហាសុខភាពបូករួមនិងចំណង់ចំណូលចិត្តស្រលាញ់ខាងផ្នែកតែងនិពន្ធខ្លាំងជាងទើបស៊ូទ្រាំឃ្លាតឆ្ងាយ»។

លោកបញ្ជាក់ទៀតថា «បើបាន ១ឈុតនេះទុកគ្រាន់រំលឹកក្បាច់គុនខ្ញុំនឹងទទួលចាក់តាមកម្មវិធីជប់លៀង មង្គលការ ឬក៏កម្មវិធីផ្សេងនាពេលដែលមានគេហៅទៅច្រៀង (គ្រាន់តែគិតក៏សប្បាយចិត្ត)»។

គួរម្លឹកដែរថា នាពេលកន្លងមក ឌីជេ ក្តិប ក៏ធ្លាប់ថ្លែងប្រាប់ពីគោលបំណងចុងក្រោយរបស់ខ្លួនដោយបញ្ជាក់ឲ្យដឹងថា សម្រាប់ក្តីស្រមៃដ៏ធំបំផុតចុងក្រោយរបស់លោកគឺ បង្កើតសាលារៀនដើម្បីបានបង្ហាត់បង្រៀន និងចែករំលែកជូននូវចំណេះជំនាញដល់ក្មេងៗជំនាន់ក្រោយ៕

អត្ថបទ៖ ចាន់រ៉ា