សុខភាព
ពេលណា គួរផឹកតែបៃតងមានប្រយោជន៍បំផុតដល់រាងកាយ ?
ប្រសិនបើយើងនិយាយអំពីភេសជ្ជៈដែលពេញនិយមនៅជុំវិញពិភពលោក នោះតែបៃតងគឺពិតជាឈ្មោះដែលស្ថិតនៅកំពូលនៃបញ្ជី។ ដោយសារតែរសជាតិស្រាល និងអត្ថប្រយោជន៍ជាច្រើន។ ប៉ុន្តែតើអ្នកដឹងទេ? ពេលវេលាផ្សេងគ្នាដែលអ្នកជ្រើសរើសផឹកនឹងមានឥទ្ធិពលខុសៗគ្នាទៅលើអត្ថប្រយោជន៍ រួមទាំងផលប៉ះពាល់មួយចំនួន។ ដូច្នេះ តើម៉ោងណាដែលស័ក្តិសមបំផុតសម្រាប់ការផឹកតែបៃតង?
ពេលព្រឹក
មនុស្សជាច្រើនជ្រើសរើសផឹកតែបៃតងជារឿងដំបូងនៅពេលព្រឹកដើម្បីសម្រាក បង្កើនការផ្តោតអារម្មណ៍ និងការប្រុងប្រយ័ត្ន នេះដោយសារតែតែបៃតងមានផ្ទុកជាតិកាហ្វេអ៊ីន និង L-theanine ដែលនឹងជួយឲ្យអ្នកផ្តោតអារម្មណ៍បានកាន់តែច្រើន កាត់បន្ថយការថប់បារម្ភ និងធ្វើឥឲ្យរាងកាយរបស់អ្នកសម្រាក។
ទោះជាយ៉ាងណាក៏ដោយ ការផឹកតែបៃតងនៅលើពោះទទេ អាចបណ្តាលឲ្យមានជាតិអាស៊ីតនៅក្នុងក្រពះ ហើយអាចបង្កជាដំបៅក្រពះផងដែរ។ ដូច្នេះបើអ្នកផឹកតែបៃតងនៅពេលព្រឹក វាជាការប្រសើរក្នុងការផឹកវា បន្ទាប់ពីញ៉ាំអាហារពេលព្រឹករួចរាល់។
មុនពេលធ្វើលំហាត់ប្រាណ
តាមការស្រាវជ្រាវផ្សេងៗ គេបានរកឃើញថា ការផឹកតែបៃតងមុនពេលហាត់ប្រាណបង្កើនការដុតបំផ្លាញជាតិខ្លាញ់ច្រើនជាង ១៧ ភាគរយ។ តែបៃតងជួយឲ្យរាងកាយងើបឡើងវិញលឿនជាងមុនបន្ទាប់ពីហាត់ប្រាណ និងកាត់បន្ថយរបួសសាច់ដុំផងដែរ។
ពេលកំពុងញ៉ាំ
នេះគឺជាពេលវេលាដែលអ្នកមិនគួរផឹកតែបៃតង។ នេះគឺដោយសារតែសមាសធាតុជាច្រើននៅក្នុងតែបៃតងភ្ជាប់ទៅនឹងរាងកាយជាពិសេស tannins និងរំខានដល់ការស្រូបយកសារធាតុរ៉ែផ្សេងៗក្នុងរាងកាយជំនួសវិញ។ ក្នុងនោះ មានការស្រាវជ្រាវផងដែរ ដែលគាំទ្រការផឹកតែបៃតងរវាងអាហារ អាចកាត់បន្ថយការស្រូបយកជាតិដែក នេះអាចនាំឲ្យមានកង្វះជាតិដែកក្នុងរយៈពេលយូរ។
មុនពេលចូលគេង
តែបៃតងមួយពែង (២៣៧ មីលីលីត្រ) មានផ្ទុកជាតិកាហ្វេអ៊ីនប្រហែល៣៥ មីលីក្រាម ទោះបីជាបរិមាណនេះតិចជាងកាហ្វេក៏ដោយ។ ប៉ុន្តែបរិមាណនេះនៅតែអាចធ្វើឲ្យរាងកាយដុតបំផ្លាញជាតិខ្លាញ់បានល្អជាងមុន។ ប្រសិនបើអ្នកផឹកវាប្រហែល ២ ម៉ោងមុនពេលចូលគេង។ ប៉ុន្តែ ប្រសិនបើអ្នកងាយនឹងជាតិកាហ្វេអ៊ីន សូមចៀសវាងការផឹកតែបៃតង ៦ ម៉ោងមុនពេលចូលគេងដើម្បីការពារបញ្ហានៃការគេង។
ទោះបីជា’យ៉ាងណាក៏ដោយ ពេលវេលាដ៏ត្រឹមត្រូវក្នុងការផឹកតែបៃតង ជាធម្មតាវាអាស្រ័យលើរបៀបរស់នៅ ឬចំណូលចិត្តរបស់មនុស្សម្នាក់ៗ។ មនុស្សមួយចំនួនប្រហែលជាចូលចិត្តផឹកវានៅពេលព្រឹក ឬមុនពេលហាត់ប្រាណដើម្បីទទួលបានអត្ថប្រយោជន៍សុខភាព។ ជាពិសេស យើងគួរតែដឹងថា តែបៃតងមានផ្ទុកជាតិកាហ្វេអ៊ីន ក៏ដូចជាសមាសធាតុមួយចំនួនដែលអាចកាត់បន្ថយការស្រូបយកសារធាតុរ៉ែសំខាន់ៗ។ ដូច្នេះហើយ អ្នកគួរចៀសវាងការផឹកតែបៃតងមុនពេលចូលគេង ឬពេលញ៉ាំអាហារ៕
អត្ថបទ៖ សាង ស្រីល័ក្ខ
ចុចអាន៖គេងស្រាតរាល់យប់ នឹងទទួលបានគុណសម្បត្តិ ១០ យ៉ាងជូនដល់សុខភាព
-
ចរាចរណ៍២ ថ្ងៃ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
សេដ្ឋកិច្ច៤ ថ្ងៃ agoអគារប្រណីតពន្ធដារថ្មី ដាក់ឱ្យប្រើប្រាស់នៅថ្ងៃនេះ
-
ព័ត៌មានអន្ដរជាតិ៣ ថ្ងៃ agoសុខភាពបុត្រីស្ដេចថៃ ធ្លាក់ចុះដុនដាបខ្លាំង ដោយសារការឆ្លងមេរោគធ្ងន់ធ្ងរ
-
ព័ត៌មានជាតិ១ ថ្ងៃ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ៦ ថ្ងៃ agoអាជ្ញាធរចិន ដាក់ក្រុមហ៊ុនថៃនាំចេញសាច់មាន់១៧ ក្នុង«បញ្ជីខ្មៅ»
-
ព័ត៌មានជាតិ១ សប្តាហ៍ agoផ្លូវបុរាណចំនួន ៧ ខ្សែ សាងសង់ភ្ជាប់ពីរាជធានីអង្គរទៅតំបន់ឆ្ងាយៗក្នុងដែនដីអាណាចក្រខ្មែរ
-
ព័ត៌មានជាតិ១ ថ្ងៃ agoក្រសួងការងារ សម្ដែងក្តីរន្ធត់ចំពោះករណីគ្រោះថ្នាក់ចរាចរណ៍បណ្តាលឱ្យកម្មករជាង១០នាក់ស្លាប់និងរបួសជាង៣០នាក់
-
កីឡា១ សប្តាហ៍ agoក្រុមកីឡាបាល់បោះ បាល់ទាត់លើតុ រីករាយចំពោះការចូលរួមកាន់តែច្រើនពីវិស័យឯកជនមកលើកីឡានៅកម្ពុជា