ជីវិតកម្សាន្ដ

ខាត់ សុឃីម ផ្ទុះកំហឹង ឲ្យម្ចាស់ Account មួយ លុបរូបនាងជាបន្ទាន់ មុនដាក់ពាក្យបណ្ដឹង

បានផុស

១ year មុន

នៅ

ថ្ងៃចន្ទ ១៧ មិថុនា ២០២៤

ដោយ

តារាស្រីពហុជំនាញអ្នកនាង ខាត់ សុឃីម បានផ្ទុះកំហឹង ដោយចេញសារព្រមានដល់ម្ចាស់គណនីហ្វេសប៊ុកមួយ ឲ្យលុបរូបភាពនាងចេញជាបន្ទាន់ មុនពេលខ្លួនដាក់ពាក្យបណ្ដឹងតាមផ្លូវច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមានរបស់តារាស្រីអ្នកនាង ខាត់ សុឃីម នេះ បន្ទាប់មានម្ចាស់គណនីហ្វេសប៊ុកមួយដែលមានឈ្មោះថា Alex Lee បានធ្វើការបង្ហោះដោយមានភ្ជាប់រូបភាពរបស់នាងពាក់ព័ន្ធរឿងលុយ។ គណនីហ្វេសប៊ុកនេះ បានសរសេរខ្លឹមសារថា ”ជនឆបោកទាំងអស់នេះ បានរួមគំនិតជាមួយបុគ្គលឈ្មោះ……ខ្ចីលុយមិនសង ជាជនបោកប្រាស់”។

បន្ទាប់ពីឃើញការបង្ហោះចែករំលែកខ្លឹមសារខាងលើដោយមានរូបភាពរបស់ខ្លួនដែរនោះ តារាពហុជំនាញ ខាត់ សុឃីម បានប្រតិកម្មព្រមានចំពោះការបង្ហោះដែលភ្ជាប់រូបភាពនាងទៅពាក់ព័ន្ធរឿងនេះ ខណៈនាងមិនមានអ្វីពាក់ព័ន្ធសោះឡើយ។

អ្នកនាង ខាត់ សុឃីម បានបញ្ជាក់កាលពីថ្ងៃទី ១៦ ខែមិថុនា ឆ្នាំ ២០២៤ ថា “ម្ចាស់ Account លុបរូបខ្ញុំនេះចេញជាបន្ទាន់ ក្នុងពេលឥឡូវនេះ មុនពេលខ្ញុំដាក់ពាក្យបណ្ដឹងរកម្ចាស់ Account ព្រោះរឿងកម្ចី Online របស់អ្នកណាដាក់រូបអ្នកនោះ កុំយករូបអ្នកដទៃមកពាក់ព័ន្ធបែបនេះ វាធ្វើឲ្យមានការយល់ច្រឡំ អ្នកមិនដឹងអី”៕

អត្ថបទ ៖ ចាន់រ៉ា