ព័ត៌មានជាតិ
កម្ពុជា-វៀតណាម នឹងខិតខំធ្វើយ៉ាងណាឲ្យបណ្ដាខេត្តតាមបណ្ដោយព្រំដែនប្រទេសទាំងពីរ ក្លាយជាតំបន់សហប្រតិបត្តិការទ្វេភាគី
គណៈប្រតិភូកម្ពុជា-វៀតណាម នឹងខិតខំធ្វើយ៉ាងណាឲ្យបណ្ដាខេត្តដែលស្ថិតនៅតាមបណ្ដោយព្រំដែនប្រទេសទាំងពីរ ក្លាយជាតំបន់ នៃការសហប្រតិបត្តិការទ្វេភាគី។
ការខិតខំនេះ ក្នុងឱកាស ឯកឧត្ដម ហ៊ុន ម៉ានី សមាជិកគណៈអចិន្ត្រៃយ៍ គណៈកម្មាធិការកណ្ដាល និងជាអគ្គលេខាធិការ នៃអគ្គលេខាធិការដ្ឋាន គណៈចលនាមហាជន នៃគណៈកម្មាធិការកណ្ដាល គណបក្សប្រជាជនកម្ពុជា បានដឹកនាំគណៈប្រតិភូគណៈចលនាមហាជន ជួបពិភាក្សាការងារជាមួយ ឯកឧត្ដម PHAM TAT THANG សមាជិកគណៈកម្មាធិការមជ្ឈិមបក្ស និងអនុប្រធានប្រចាំការ នៃគណៈចលនាមហាជន នៃគណៈកម្មាធិការមជ្ឈិមបក្សកុម្មុយនីស្ដវៀតណាម នៅរដ្ឋធានីហាណូយ សាធារណរដ្ឋសង្គមនិយមវៀតណាម កាលពីព្រឹកថ្ងៃទី ៥ ខែកក្កដា ឆ្នាំ ២០២៤។
នាឱកាស នៃជំនួបពិភាក្សាការងារនេះ គណៈប្រតិភូកម្ពុជា-វៀតណាម បានផ្លាស់ប្ដូរយោបល់ពីយន្តការការងារ និងប្រសិទ្ធភាព នៃការអនុវត្តការងាររវាងគណៈចលនាមហាជន នៃគណបក្សប្រជាជនកម្ពុជា និងគណបក្សកុម្មុយនីស្ដវៀតណាម។
ជាមួយនោះ ភាគីកម្ពុជា-វៀតណាម បានប្ដេជ្ញាបន្តកិច្ចសហការល្អជាមួយគ្នាក្នុងក្របខណ្ឌគណៈចលនាមហាជន នៃគណបក្សទាំងពីរ ដោយបន្តផ្លាស់ប្ដូរនូវទស្សនៈ និងប្រតិភូទៅវិញទៅមក ដើម្បីសិក្សារៀនសូត្រ និងស្វែងយល់ពីគ្នា ដែលជារបៀបរបបការងារកិច្ចសហការកន្លងមក។
លើសពីនេះទៅទៀត គណៈប្រតិភូកម្ពុជា-វៀតណាម ក៏បានយល់ស្របក្នុងការខិតខំធ្វើយ៉ាងណាឲ្យបណ្ដាខេត្តដែលស្ថិតនៅតាមបណ្ដោយព្រំដែនប្រទេសទាំងពីរ ក្លាយជាតំបន់ នៃការសហប្រតិបត្តិការទ្វេភាគីផងដែរ។
គួរជម្រាបថា គណៈចលនាមហាជន នៃគណៈកម្មាធិការកណ្ដាលគណបក្សប្រជាជនកម្ពុជា និងគណៈចលនាមហាជន នៃគណៈកម្មាធិការមជ្ឈិម នៃគណបក្សកុម្មុយនីស្ដវៀតណាម តែងតែរក្សាទំនាក់ទំនងល្អ ផ្លាស់ប្ដូរយោបល់ និងផ្លាស់ប្ដូរប្រតិភូទស្សនកិច្ចទៅវិញទៅមក ដើម្បីពង្រឹងទំនាក់ទំនងល្អរវាងគណបក្សទាំងពីរ៕
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន