ម្ដាយ Mbappe ថា កូនប្រុសខ្លួនស្រឡាញ់ក្លិប Real Madrid ខ្លាំងណាស់

ទីបំផុតក្ដីស្រមៃរបស់កីឡាករ Kylian Mbappe បានសម្រេច ក្រោយរូបគេបានផ្លាស់ទៅចូលរួមជាមួយក្លិបអធិរាជស Real Madrid ជាផ្លូវការ បន្ទាប់ពីចាកចេញពីក្លិប Paris Saint-Germain។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយផ្លាស់មកកាន់ក្លិប Real Madrid អ្នកស្រី Fayza Lamari ជាម្ដាយរបស់កីឡាករ Mbappe បានទម្លាយថាកូនប្រុសរបស់ខ្លួន ពិតជាស្រឡាញ់ក្លិប Real Madrid ខ្លាំងណាស់ ហើយតែងតែស្រមៃ​នឹង​ចូល​រួម​នៅថ្ងៃណាមួយ។ ជាពិសេសរូបគេបានប្រាប់ទៅប្រធានក្លិប Paris Saint-Germain អំពីក្ដីស្រមៃនេះ។

អ្នកស្រី Fayza Lamari បាននិយាយថា ៖«Kylian មិនដែលកុហកទេ។ គាត់តែងតែប្រាប់ប្រធានក្លិប PSG ថា ថ្ងៃណាមួយគាត់នឹងផ្លាស់ទៅ Real Madrid។ ជាក់ស្តែង មុនពេលរឿងនេះកើតឡើង វាមានភាពស្មុគស្មាញណាស់។ ប៉ុន្តែបើក្រៅពីក្លិប Real Madrid រូបគេនឹងមិនចាកចេញពីក្រុមបារីស​ទេ។ វាមិនងាយស្រួលទេ តែវាក៏មិនមានការ​ស្តាយក្រោយអ្វី​ដែរ»។

ចំពោះខ្សែប្រយុទ្ធ Kylian Mbappe ជាអ្នកគាំទ្ររបស់កីឡាករ Cristiano Ronaldo និងក្រុម Real Madrid តាំងតែពីក្មេងមក។ បច្ចុប្ប​ន្នរូបគេបានសម្រេចក្ដីស្រមៃទាំង២របស់ខ្លួនហើយ ក្នុងនោះជាធ្លាប់បានលេងតទល់ជាមួយកីឡាករ Cristiano Ronaldo ទាំងនៅក្លិប និងនៅជម្រើសជាតិ។

ការ​សម្រេច​ចិត្ត​របស់ Mbappe ​មកកាន់ក្លិប Real Madrid គឺ​ចង់​ឈ្នះ​ពាន​រង្វាន់​ UEFA Champions League៕

ប្រែសម្រួល៖ ផា រតនា