កម្លាំងអាវុធហត្ថខេត្តតាកែវបង្ក្រាបជនសង្ស័យជួញដូរគ្រឿងញៀនជាមួយវត្ថុតាង១៤កញ្ចប់

ខេត្តតាកែវ៖ ជនសង្ស័យជួញដូរ និងប្រើប្រាស់ថ្នាំញៀនម្នាក់ត្រូវបានកម្លាំងកងរាជអាវុធហត្ថខេត្តតាកែវធ្វើការឃាត់ខ្លួនកសាងសំណុំរឿងបញ្ជូនឡើងតុលាការ។

ជនសង្ស័យដែលបានឃាត់ខ្លួនមានឈ្មោះ សួង ពិសិដ្ឋ ភេទប្រុស អាយុ៣៨ឆ្នាំ (ជួញដូរប្រើប្រាស់) រស់ភូមិអណ្ដូងសំរិទ្ធ ឃុំធ្លាប្រជុំ ស្រុកកោះអណ្ដែត ខេត្តតាកែវ។​ ចំណែកវត្ថុតាងដកហូតបានមាន​ ម៉្សៅក្រាមសថ្លាចំនួន១៤កញ្ចប់ទម្ងន់ ៥៣,១៦ក្រាម (ថ្លឹងទាំងសម្បក់)​ ទូរសព្ទ័ចំនួន០១គ្រឿង​ ដាវដែកចំនួន៣ និងដបកែឆ្នៃសម្រាប់សេពថ្នាំញៀនចំនួនមួយផងដែរ។  

ជនសង្ស័ពាក់ព័ន្ធនឹងគ្រឿងញននេះត្រូវសមត្ថកិច្ចឃាត់ខ្លួននៅព្រលប់ថ្ងៃទី០២ ខែមីនា ឆ្នាំ២០២១​ តាមការចង្អុលបង្ហាញពី លោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ​ ដឹកនាំបញ្ជាដោយលោក អនុសេនីយ៍ទោ ហួត វឿន នាយការិយាល័យ ធ្វេីឡេីងនៅចំណុចភូមិអណ្ដូងសំរិទ្ធ ឃុំធ្លាប្រជុំ ស្រុកកោះអណ្ដែត ខេត្តតាកែវ។​ 

បច្ចុប្បន្នជនសង្ស័យនិងវត្ថុតាងត្រូវបានកម្លាំងការិយាល័យជំនាញ់កសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធី៕

អត្ថបទ៖​ វីរ: