កីឡាអូឡាំពិកបារីស​ ជាព្រឹត្តិការណ៍មាន​អត្ដពលិកសុំរៀបការច្រើនបំផុត

ព្រឹត្តិការណ៍កីឡាអូឡាំពិក ឆ្នាំ​២០២៤​បានក្លាយជាកន្លែងដែលអត្ដពលិកសំណើសុំ​មិត្ត​ស្រី​រៀបការច្រើនជាងគេ​បំផុត។ នេះជារឿងមួយ​មិនស្មានដល់ ក្នុងចំណោមរឿង​រ៉ាវ​ជា​ច្រើន​ដែល​បាន​ កើតមានក្នុងព្រឹត្តិការណ៍លំដាប់ពិភពលោក។

ក្នុង​ពិធី​បិទ​អូឡាំពិក​​​ប៉ារីស​ គណៈកម្មាធិការ​រៀបចំ​អូឡាំពិក​ទីក្រុង​ប៉ារីស​បាន​បង្ហើប​ថា​ នេះ​ជា​កីឡា​អូឡាំពិក​​មាន​សំណើ​សុំ​រៀបការ​ច្រើន​ជាង​គេ​គឺ​មានអត្តពលិកចំនួន៨គូបានស្នើ​សុំមិត្ត​ស្រី​រៀប​ការ​។ គូស្នេហ៍ដំបូងសុំរៀបការ​គឺកីឡាករ​បាល់​គប់​​អាហ្សង់ទីន Pablo Simonet បានស្នើសុំ​កីឡាការិនី​វាយកូនគោល​ទឹកកក Maria Pilar Campoy នៅភូមិអូឡាំពិក កាល​ពី​ថ្ងៃ​ទី​២៦ ខែ​កក្កដា ជា​ពេល​​ព្រឹត្តិការណ៍អូឡាំពិកចាប់ផ្តើម​បើក​ជា​ផ្លូវ​ការ។

គូស្នេហ៍ទី២គឺកីឡាការិនីចិន Huang Yaqiong ក្រោយឈ្នះមេដាយមាស​កីឡាវាយសីចម្រុះមានការភ្ញាក់ផ្អើលនៅពេលមិត្តប្រុសកីឡាករ Liu Yuchen ​បាន​ស្នើសុំ​រៀបការ ​កាល​ពី​ថ្ងៃទី២ ខែសីហា។ ចំណែកគូស្នេហ៍ទី៣គឺកីឡាករ​​ទូក​អាមេរិក Justin Best បានស្នើសុំ​មិត្តស្រី​ Lainey Duncan នៅ​ម៉ម​ Eiffel ជាមួយ​ផ្កាកុលាប​ពណ៌​លឿង​ជិត ៣,០០០ទង កាលពីថ្ងៃទី៥ ខែសីហា បន្ទាប់ពីឈ្នះមេដាយមាសអូឡាំពិក។

គូស្នេហ៍ទី៤គឺ កីឡាការិនី​​បារាំង Alice Finot បានរត់ទៅ​កន្លែង​អ្នក​គាំទ្រ​ រួចលុតជង្គង់ស្នើ​សុំ​មិត្តប្រុស Bruno Martínez Bargiela ​រៀប​ការ​ កាលពីថ្ងៃទី៧ ខែសីហា ទោះបីជាមិនបានឈ្នះមេដាយក្នុងវគ្គផ្ដាច់ព្រ័ត្រចម្ងាយ​៣,០០០ម៉ែត្រក៏ដោយ។

គូស្នេហ៍ទី៥គឺកីឡាការិនី​ទូកក្តោង​២រូប Sarah Steyaert និង Charlott Picon បាននិយាយថា ពួកគេនឹងភ្ជាប់ពាក្យ ប្រសិនបើពួកគេឈ្នះមេដាយមាសឬប្រាក់ក្នុងប្រកួត​​កីឡាអូឡាំពិក​ប៉ារីស។ ថ្វីត្បិតតែឈ្នះត្រឹមតែសំរឹទ្ធ ប៉ុន្តែពួកគេទាំង២​នៅ​​តឺ​បានភ្ជាប់ពាក្យ​កាល​ពី​ថ្ងៃទី២ ខែសីហា។

គូស្នេហ៍ទី៦គឺកីឡាការិនីកាយសម្ព័ន្ធ​អុីតាលី Alessia Maurelli ​​បាន​ភ្ញាក់ផ្អើល និងរំជើបរំជួលនៅពេល​មិត្តប្រុស​ Massimo Bertelloni ស្នើសុំភ្លាមៗ បន្ទាប់ពីនាង និងមិត្តរួមក្រុមឈ្នះមេដាយសំរឹទ្ធកាលពីថ្ងៃទី១០ ខែសីហា។ គូស្នេហ៍ទាំងពីរបានរួមរស់ជាមួយគ្នាអស់រយៈពេល២ឆ្នាំមក​ហើយ។

គូស្នេហ៍ទី៧គឺកីឡាករបាល់ឱបអាមេរិក Alev Kelter និងកីឡាការិនី Kathryn Treder បានភ្ជាប់ពាក្យ បន្ទាប់ពីឈ្នះមេដាយសំរិទ្ធ។ ចំណែកគូស្នេហ៍ទី៨គឺកីឡាករវាយកូនបាល់អាមេរិក Payton Otterdahl បានលុតជង្គង់​ដើម្បី​ស្នើសុំមិត្តស្រី​ Maddy Nilles នៅ​ម៉ម​ Eiffel បន្ទាប់ពីបានបញ្ចប់​នៅ​ចំណាត់ថ្នាក់លេខ៤ក្នុងវគ្គផ្តាច់ព្រ័ត្រ៕

ប្រែសម្រួល៖ ផា រតនា