ព័ត៌មានជាតិ

ថតវីដេអូខ្លីក្រោម ៣ នាទី មានសមត្ថភាពអាចប្រកួតកម្មវិធី “មាតុភូមិខ្ញុំ-ឆ្នេរស្អាត និងព្រែកស្អាតឆ្នាំ ២០២៤”

បានផុស

២ years មុន

នៅ

ថ្ងៃពុធ ២១ សីហា ២០២៤

ដោយ

ដើម្បីជំរុញការផ្សព្វផ្សាយពីសក្ដានុពលតំបន់ឆ្នេរសមុទ្រប្រទេសកម្ពុជា អគ្គលេខាធិការដ្ឋាននៃគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បានរៀបចំការប្រកួតផលិតវិដេអូខ្លី ក្រោមប្រធានបទ “មាតុភូមិខ្ញុំ-ឆ្នេរស្អាត និងព្រែកស្អាត ឆ្នាំ២០២៤” ដើម្បីបំផុសឲ្យអ្នកចូលចិត្តស្រលាញ់ការថតវីដេអូ អាចដាក់ពាក្យចូលរួមប្រកួតប្រជែង ក្នុងគោលបំណងផ្សព្វផ្សាយ និងបំផុសចលនាទេសចរណ៍តំបន់ឆ្នេរសមុទ្រកម្ពុជា ក៏ដូចជាបញ្ជ្រាបការយល់ដឹងជាសាធារណះក្នុងការចូលរួមការពារនិងថែរក្សាឆ្នេរនិងព្រែកដ៍ស្រស់ស្អាតនិងដ៍មានសក្តានុពលរបស់ប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយបែងចែកជាពីរផ្នែកមានផ្នែក Digital (ទូទៅ) និង Cinematic (អាជីព) រាល់វីដេអូដែលបេក្ខជនដាក់ប្រកួតប្រជែង ត្រូវអនុវត្តតាមគោលការណ៍ដូចខាងរក្រោម៖

-ត្រូវមានរយៈពេលមិនលើសពី ៣ នាទី
–ផ្ដោគទៅលើទេសភាពធនធានធម្មជាតិនៃតំបន់ឆ្នេរនិងព្រែក
–ផ្ដោតទៅលើសកម្មភាពកម្សាន្តទេសចរណ៍
–ផ្ដោតទៅលើភាពស្អាត សណ្ដាប់ធ្នាប់ និងរបៀបរៀបរយនៃសហគមន៍
–ផ្តោតទៅលើអរិយធម៌ និងទំនៀមទំលាប់នៃការរស់នៅរបស់ប្រជាជនក្នុងសហគមន៍
– ផ្តោតទៅលើការធ្វើបដិសណ្ឋារកិច្ច
– ផ្ដោតទៅលើផលិតផលទេសចរណ៍ និងសេវាកម្មទេសចរណ៍ក្នុងតំបន់ឆ្នេរនិងព្រែក
– ផ្តោតទៅលើម្ហូបអាហារក្នុងតំបន់
– បង្កប់នូវខ្លឹមសារអប់រំ ផ្សព្វផ្សាយ ថែរក្សាបរិស្ថាននិងធនធានធម្មជាតិ និងលើកស្ទួយវិស័យទេសចរណ៍

បើតាមគណៈកម្មការរៀបចំកម្មវិធី រាល់វិដេអូខ្លីដែលបេក្ខជនផលិត ត្រូវផុសនៅលើគណនីហ្វេសបុក និង Tiktok របស់ខ្លួនជាសាធារណៈ (Public Post) រួមទាំងត្រូវភ្ជាប់នូវគំរូស្តង់ដា Hashtag ទាំងប្រាំមួយមាន #videocompetition, #beachandstream, #tourismcambodia, #coastalzone, #beachsofcambodia, #cambodiabay។

គណៈកម្មការនឹងវាយតម្លៃដាក់ពិន្ទុ រួមទាំងពិន្ទុមួយចំណែកបានពីការបោះឆ្នោតគាំទ្រពីមហាជនតាមបណ្តាញសង្គម។ បើតាមគណៈកម្មការរៀបចំកម្មវិធី កាលបរិច្ឆេទឈប់ទទួលពាក្យគឺនៅថ្ងៃ ១៦ ខែកញ្ញា ឆ្នាំ ២០២៤៕

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា