កីឡា
U17 កម្ពុជាប្រជែងក្រុមខ្លាំង អាហ្វហ្គានីស្ថាន ខណៈ ហ្វីលីពីន និង ម៉ាកាវអស់ឱកាស
ក្រុមបាល់ទាត់ជម្រើសជាតិកម្ពុជាអាយុក្រោម១៧ឆ្នា (U17) ត្រូវប្រជែងខ្លាំងមែនទែនជាមួយ អាហ្វហ្គានីស្ថាន ដើម្បីចំណាត់ថ្នាក់លេខ១ ឬលេខ២ វគ្គជម្រុះសន្សំពិន្ទុពូល B ពានរង្វាន់ AFC U17 Asian Cup ឆ្នាំ២០២៥។
ឆ្លងកាត់ការប្រកួត២លើក និង៣លើកកន្លងទៅឃើញក្រុមពីរហើយនៅក្នុងពូល B ដែលអស់ឱកាសប្រជែងយកលេខ១ និងលេខ២ក្នុងពូលគឺ ម៉ាកាវ និង ហ្វីលីពីន។ ហ្វីលីពីនបានឆ្លងកាត់៣ប្រកួតដោយបានឈ្នះ ម៉ាកាវ ៧-០ ប៉ុន្តែចាញ់ អាហ្វហ្គានីស្ថាន ០-៨ និងចាញ់ បង់ក្លាដែស ០-១ ដូច្នេះរកបានតែ៣ពិន្ទុ អស់ឱកាសហើយ បើទោះបីជានៅសល់១ប្រកួតទៀតជាមួយម្ចាស់ផ្ទះកម្ពុជា។
ម៉ាកាវ បានចាញ់៣ប្រកួតជាប់គ្នាគឺចាញ់ហ្វីលីពីន ០-៧, ចាញ់កម្ពុជា ០-១ និងចាញ់ អាហ្វហ្គានីស្ថាន ០-៩ នៅបាតតារាង។ យ៉ាងណា ក្រុមដែលទទួលបានជ័យជម្នះលើម៉ាកាវមិនត្រូវបានគិតពិន្ទុ ឬគ្រាប់បាល់ដើម្បីប្រជែងយកចំណាត់ថ្នាក់លេខ២ល្អបំផុតក្នុងពូលទេ ដោយសារពូល B មាន៥ក្រុម ខណៈពូលមួយចំនួនទៀតមានតែ៤ក្រុម។
ពេលនេះមានតែ៣ក្រុមប៉ុណ្ណោះដែលត្រូវប្រជែងគ្នាគឺអាហ្វហ្គានីស្ថាន កម្ពុជា និង បង់ក្លាដែស។ ក្រុមយុវជនអាហ្វហ្គានីស្ថានពិតជាបង្កការភ្ញាក់ផ្អើលខ្លាំងមែនទែនដោយពួកគេបានលត់ក្រុម ហ្វីលីពីន ៨-០ និង ម៉ាកាវ ៩-០ ដើម្បីរកបាន៦ពិន្ទុពេញឈរលើកំពូលតារាង។ ចំណែកក្រុមម្ចាស់ផ្ទះកម្ពុជាក៏មិនទាន់ស្គាល់បរាជ័យដែរគឺឈ្នះ បង់ក្លាដែស ១-០ និង ឈ្នះ ម៉ាកាវ ១-០ ដើម្បីមាន៦ពិន្ទុ ឈរលេខ២ក្នុងពូល ខណៈបង់ក្លាដែសបានឈ្នះ ហ្វីលីពីន ១-០ និងចាញ់ កម្ពុជា ០-១ មាន៣ពិន្ទុ ឈរលេខ៣ក្នុងពូល ប៉ុន្តែមិនទាន់អស់ឱកាសទេដោយត្រូវប្រកួតជាមួយ អាហ្វហ្គានីស្ថាន និង ម៉ាកាវ។
សម្រាប់កម្ពុជាត្រូវតែធ្វើយ៉ាងណារកឲ្យបានពិន្ទុក្នុងលក្ខខណ្ឌស្មើ ឬឈ្នះ អាហ្វហ្គានីស្ថាន ទើបមានលទ្ធភាពប្រជែងក្រុមលេខ១ ឬលេខ២ល្អបំផុតក្នុងពូល ប៉ុន្តែប្រសិនបើចាញ់គឺពិបាកប្រជែងយកលេខ២ល្អបំផុតណាស់ ពីព្រោះកម្ពុជាគ្រាប់បាល់ចំណេញតិចមែនទែម។ ក្រៅពីនោះក៏ត្រូវការឈ្នះគ្រាប់បាល់ឲ្យបានច្រើនលើ ហ្វីលីពីន ទើបកាន់តែប្រសើរ ប៉ុន្តែហ្វីលីពីន ទំនងជាមិនចង់វិលត្រឡប់ទៅស្រុកវិញដោយដៃទទេនោះទេ។
កម្មវិធីប្រកួតបន្ទាប់
- បង់ក្លាដែស vs ម៉ាកាវ (ម៉ោង៤រសៀល ថ្ងៃទី២៥ តុលា)
- កម្ពុជា VS អាហ្វហ្គានីស្ថាន (ម៉ោង៧យប់ ថ្ងៃទី២៥ តុលា)
- អាហ្វាហ្គានីស្ថាន vs បង់ក្លាដែស (ម៉ោង៤រសៀល ថ្ងៃទី២៧ តុលា)
- កម្ពុជា vs ហ្វីលីពីន (ម៉ោង៧យប់ ថ្ងៃទី២៧ តុលា)
អត្ថបទ៖ វីរបុត្រ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត