ព័ត៌មានអន្ដរជាតិ
ដឹងលោក ត្រាំ ជាប់ឆ្នោតភ្លាម លោក Netanyahu ខលទៅនិយាយពីរឿងអ៊ីរ៉ង់ភ្លែត
កាលពីថ្ងៃ៦ខែវិច្ឆិកាឆ្នាំ២០២៤ លោក Benjamin Netanyahu នាយករដ្ឋមន្ត្រីអ៊ីស្រាអែល បានធ្វើការហៅទូរសព្ទទៅកាន់លោក ដូណាល់ ត្រាំ ដែលជាបេក្ខជនទើបជាប់ឆ្នោតក្លាយជាប្រធានាធិបតីអាមេរិកទី៤៧ ដើម្បីពិភាក្សាគ្នាអំពីការគំរាមកំហែងរបស់អ៊ីរ៉ង់ ខណៈសង្គ្រាមនៅតំបន់ហ្គាហ្សា និងប្រទេសលីបង់ ហាក់គ្មានសញ្ញាឈានដល់ការបញ្ចប់ជម្លោះទាល់តែសោះ។
ការិយាល័យលោក Netanyahu បានប្រាប់នៅក្នុងសេចក្ដីថ្លែងការណ៍ថា នាយករដ្ឋមន្ត្រីអ៊ីស្រាអែល បានអបអរសាទរលោក ដូណាល់ ត្រាំ ចំពោះជ័យជម្នះក្នុងការបោះឆ្នោតសកលនៅសហរដ្ឋអាមេរិក ហើយភាគីទាំងពីរបានយល់ព្រមធ្វើការរួមគ្នាសម្រាប់សន្តិសុខអ៊ីស្រាអែល និងការគំរាមកំហែងពីប្រទេសអ៊ីរ៉ង់។
ក្រុមសកម្មប្រយុទ្ធហេសបូឡា ដែលមានការគាំទ្រដោយអ៊ីរ៉ង់ បាននិយាយកាលពីថ្ងៃពុធថា កងកម្លាំងខ្លួនរាប់ម៉ឺននាក់បានត្រៀមរួចរាល់សម្រាប់ប្រយុទ្ធជាមួយអ៊ីស្រាអែល ដោយបន្ថែមថា លទ្ធផលបោះឆ្នោតនៅអាមេរិកនឹងគ្មានផលប៉ះពាល់ចំពោះសង្គ្រាមនៅលីបង់នោះទេ។
មេដឹកនាំហេសបូឡា បានព្រមានថា គ្មានកន្លែងណានៅអ៊ីស្រាអែលអាចគេចផុតពីការវាយប្រហារឡើយ ខណៈយោធាអ៊ីស្រាអែលវិញ កាលពីថ្ងៃពុធ បានប្រាប់ថាមានការបាញ់គ្រាប់ផ្លោងប្រមាណ ១២០គ្រាប់ចេញពីព្រំដែនលីបង់។ ជាការឆ្លើយតប អ៊ីស្រាអែលបានវាយប្រហារតាមដែនអាកាសទៅលើបន្ទាយដ៏សំខាន់មួយរបស់ហេសបូឡាស្ថិតនៅភាគខាងត្បូងទីក្រុងបេរូត។
សង្គ្រាមរវាងអ៊ីស្រាអែល និងហេសបូឡា បានកើនឡើងខ្លាំងចាប់តាំងពីចុងខែកញ្ញាកន្លងទៅ នៅពេលអ៊ីស្រាអែលបានពង្រីកប្រតិបត្តិការយោធារបស់ខ្លួននៅព្រំដែនភាគខាងជើងជាប់ប្រទេសលីបង់៕
ដោយ៖ ឈាង
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១២ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ១ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៥ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ