ឃាត់ខ្លួនជនសង្ស័យ៦នាក់ ករណីធាក់ប្លន់ម៉ូតូ

ជនសង្ស័យ៦នាក់ ត្រូវបានកម្លាំងសមត្ថកិច្ចស្រាវជ្រាវបង្ក្រាបបានជាបន្តបន្ទាប់ នៅក្នុងភូមិសាស្រ្តរាជធានីភ្នំពេញ ក្រោយធ្វើសកម្មភាពធាក់ប្លន់យកម៉ូតូ១គ្រឿ កាលពីយប់ទៀបភ្លឺ ថ្ងៃទី២០ ខែវិច្ឆិកា ឆ្នាំ២០២៤ នៅចំណុចស្ពានលេខ២៦ ស្ថិតនៅក្នុងភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចឱ្យដឹងថា ប្រតិបត្តិការនេះធ្វើឡើងក្រោមបញ្ជារបស់ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន បានដឹកនាំកម្លាំងជំនាញនាយកដ្ឋាន សហការជាមួយស្នងការដ្ឋាននគរបាលខេត្តកំពង់ចាម និងរាជធានីភ្នំពេញ។

ក្នុងប្រតិបត្តិការកម្លាំងជំនាញបានចាប់ខ្លួនជនសង្ស័យបានចំនួន៦នាក់ រួមមានទី១ ឈ្មោះ ម៉ន សំណាង អាយុ១៧ឆ្នាំ ទី២ឈ្មោះ បញ្ញា បញ្ញាវ័ន្ត អាយុ១៧ឆ្នាំ ទី៣ឈ្មោះ សេន សោភា អាយុ១៩ឆ្នាំ ទី៤ឈ្មោះ កង សល់ ភេទប្រុស អាយុ២១ឆ្នាំ ទី៥ឈ្មោះ វង្ស ប៊ុនសក្តិ អាយុ១៧ឆ្នាំ និងទី៦ឈ្មោះ ស៊ឺន សេងឧត្តម អាយុ១៦ឆ្នាំ ដកហូតម៉ូតូ៥គ្រឿងនិងវត្ថុតាងមួយចំនួន ។

បច្ចុប្បន្នជនសង្ស័យ និងវត្ថុតាង បានប្រគល់ជូនស្នងការដ្ឋាននគរបាលខេត្តកំពង់ចាម ដើម្បីចាត់ការបន្តតាមនីតិវិធី៕

អត្ថបទ៖ សំណាង