ព័ត៌មានអន្ដរជាតិ
ម៉ាឡេស៊ីគ្រោងផលិតឥន្ធនៈស្អាតសម្រាប់យន្តហោះនៅឆ្នាំ ២០២៧
ម៉ាឡេស៊ីគ្រោងនឹងចាប់ផ្តើមផលិតជីវឥន្ធនៈសម្រាប់យន្តហោះ ឬឥន្ធនៈយន្តហោះប្រកបដោយនិរន្តរភាព (SAF) នៅឆ្នាំ ២០២៧ ជាមួយនឹងសមត្ថភាពផលិតដំបូង ១ លានតោន/ឆ្នាំ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដែលស្រង់សម្ដីរបស់រដ្ឋមន្ត្រីក្រសួងកសិកម្ម និងទំនិញម៉ាឡេស៊ី លោក Johari Abdul Ghani ។
រដ្ឋមន្ត្រីដដែល បានប្រាប់សភាម៉ាឡេស៊ីនៅថ្ងៃអង្គារនេះថា សមត្ថភាពផលិត SAF នឹងកើនឡើងជាបណ្តើរៗ ដោយផ្អែកលើរោងចក្រផលិតកម្ម និងការផ្គត់ផ្គង់វត្ថុធាតុដើម។ លោកបន្តថា ម៉ាឡេស៊ី គឺជាប្រទេសផលិតប្រេងដូងធំជាងគេទី២របស់ពិភពលោក និងស្ថិតនៅក្នុងទីតាំងយុទ្ធសាស្រ្ត ដើម្បីក្លាយជាអ្នកផលិត SAF ឈានមុខគេមួយរបស់ពិភពលោក។
ក្រោមផែនទីបង្ហាញផ្លូវសម្រាប់ការផ្លាស់ប្តូរថាមពលជាតិរបស់រដ្ឋាភិបាល ដែលចេញផ្សាយនៅឆ្នាំ ២០២៣ រដ្ឋាភិបាលកំណត់ឱ្យមានការលាយ SAF ១ ភាគរយ ទៅក្នុងឥន្ធនៈអាកាសចរណ៍ ហើយនឹងបង្កើនវាដល់ ៤៧ ភាគរយ នៅឆ្នាំ ២០៥០។
លោក Johari បានលើកឡើងថា ផលិតកម្ម SAF នឹងផ្តល់អត្ថប្រយោជន៍ដល់កសិករខ្នាតតូច និងអ្នកក្នុងឧស្សាហកម្មដូងប្រេង ដោយសារកាកសំណល់ដូង មានតម្លៃខ្ពស់ជាងប្រេងដូងឆៅ។
គួរគូសបញ្ជាក់ថា ឥន្ធនៈស្អាតសម្រាប់យន្តហោះ គឺជាគោលដៅមួយសម្រាប់បណ្ដាប្រទេសផ្សេងៗក្នុងតំបន់អាស៊ីអាគ្នេយ៍ ដើម្បីប្រយុទ្ធប្រឆាំងនឹងការប្រែប្រួលអាកាសធាតុ ដោយផ្លាស់ទៅរកថាមពលស្អាត ដែលបង្កផលប៉ះពាល់តិចដល់បរិស្ថាន និងជួញពួកគេបំពេញកាតព្វកិច្ច៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន