ព័ត៌មានជាតិ

អភិបាលខេត្តកែប៖ ក្តាមសេះខេត្តកែបមានរសជាតិឆ្ងាញ់ ដោយសារមានស្មៅសមុទ្រជាចំណីពិសេស

បានផុស

១ year មុន

នៅ

ថ្ងៃសៅរ៍ ១ កុម្ភៈ ២០២៥

ដោយ

ក្តាមសេះខេត្តកែបត្រូវបានទទួលស្គាល់មានរសជាតិឆ្ងាញ់ ហើយជាអាហារដ៏ពេញនិយមសម្រាប់ភ្ញៀវទេសចរដែលមកកម្សាន្តខេត្តកែប។ នេះបើតាមលោក សោម ពិសិដ្ឋ អភិបាលនៃគណៈអភិបាលខេត្តកែប ខណៈដែលលោកអះអាងថាខេត្តកែបមានស្មៅសមុទ្រម្យ៉ាងជាចំណីរបស់ក្តាម ដែលជាធនធានពិសេសរបស់ខេត្តស្ថិតនៅក្នុងតំបន់ឆ្នេរនេះ។

លោក សោម ពិសិដ្ឋ បានលើកឡើងថា ខេត្តកែបមានស្មៅសមុទ្រជិត ៣ ពាន់ហិកតា ដែលជាកន្លែងក្តាមពងកូនជ្រកនិងស៊ីជាចំណី។

ខណៈដែលក្តាមខេត្តកែបជាអាហារសមុទ្រ ដែលទេសចរភាគច្រើនមិនអាចរំលងបាន អភិបាលខេត្តកែបក៏បានបញ្ជាក់ពីការបង្កើតធនាគារក្តាម ដែលបានរួមចំណែកក្នុងការបង្កើនការផ្កត់ផ្កង់បរិមាណក្តាម សម្រាប់បំពេញតម្រូវការប្រចាំថ្ងៃ។

បើតាមលោកអភិបាលខេត្ត ធនគារក្តាមជាកន្លែងស្តុកក្តាមពង។ នៅពេលដែលសហគមន៍នេសាទបានក្តាមពង តម្រូវឱ្យយកមករក្សាទុកនៅក្នុងធនាគារក្តាម (បែរ) ដើម្បីជម្រុះទម្លាក់ពងមុនលែងចូលសមុទ្រវិញ៕