ព័ត៌មានអន្ដរជាតិ
ថៃជំរុញការវិនិយោគលើវិស័យឈីប ខណៈជម្លោះពាណិជ្ជកម្មកើនឡើង
ប្រទេសថៃកំពុងរៀបចំបង្ហើយសេចក្តីព្រាងយុទ្ធសាស្រ្តសម្រាប់ឧស្សាហកម្មបន្ទះឈីបរបស់ខ្លួនក្នុងរយៈពេល ៩០ ថ្ងៃ ក្នុងគោលបំណងទាក់ទាញការវិនិយោគថ្មី ខណៈសង្រ្គាមពាណិជ្ជកម្មអាមេរិក-ចិន ជុំថ្មីផ្ទុះឡើង ក្រោមគោលនយោបាយពន្ធគយរបស់លោកប្រធានាធិបតី ដូណាល់ ត្រាំ។ នេះបើតាមការចុះផ្សាយទីភ្នាក់ងារសារព័ត៌មានរ៉យទ័រ។
អគ្គលេខាធិការនៃក្រុមប្រឹក្សាវិនិយោគថៃ (BOI) លោក Narit Therdsteerasukdi បានប្រាប់ទីភ្នាក់ងារសារព័ត៌មានរ៉យទ័រ ថា ក្រុមប្រឹក្សាភិបាលបន្ទះឈីបជាតិរបស់ប្រទេស នឹងជួលអ្នកប្រឹក្សាដើម្បីបង្កើតផែនទីបង្ហាញផ្លូវឧស្សាហកម្ម។
លោក Narit ក៏កំពុងរៀបចំកម្មវិធីបទបង្ហាញផ្សេងៗនៅសហរដ្ឋអាមេរិក និងជប៉ុន ផងដែរ ដើម្បីទាក់ទាញការវិនិយោគលើឧស្សាហកម្មបន្ទះឈីប មកកាន់ប្រទេសថៃ។
គួរគូសបញ្ជាក់ថា ឧស្សាហកម្មបន្ទះឈីបពិភពលោកបានធ្លាក់ចូលទៅក្នុងភាពច្របូកច្របល់ ចំពេលចិន និងអាមេរិក ប្រកួតប្រជែងគ្នាដើម្បីនាំមុខលើឧស្សាហកម្មបច្ចេកវិទ្យាមួយនេះ។ ខ្សែសង្វាក់ផ្គត់ផ្គង់មួយចំនួន ត្រូវបានផ្លាស់ប្តូរទៅកាន់តំបន់អាស៊ីអាគ្នេយ៍ ខណៈពេលដែលគេរំពឹងទុកនូវការរំខានបន្ថែមទៀតក្រោមអាណត្តិទី២របស់លោក ត្រាំ។ កាលពីចុងសប្តាហ៍កន្លងទៅ ប្រធានាធិបតីរូបនេះ បានប្រកាសដំឡើងពន្ធ ១០ ភាគរយ លើការនាំចូលរបស់ចិន ដើម្បីកាត់បន្ថយឱនភាពពាណិជ្ជកម្មរបស់អាមេរិក។
លោក Narit ថា ថៃគឺជាប្រទេសអព្យាក្រឹតក្នុងបរិបទសង្រ្គាមពាណិជ្ជកម្ម ដែលអាចឱ្យថៃទាញការវិនិយោគ រួមទាំងសម្រាប់ឧស្សាហកម្មបន្ទះឈីប។
យោងតាមរបាយការណ៍ឆ្នាំ ២០២៤ ដោយក្រុមហ៊ុនប្រឹក្សា Kearney ថៃ ដែលជាប្រទេសមានសេដ្ឋកិច្ចធំជាងគេទី២នៅអាស៊ីអាគ្នេយ៍បន្ទាប់ពីឥណ្ឌូណេស៊ី បានជាប់ចំណាត់ថ្នាក់ទី២នៅពីក្រោយប្រទេសឥណ្ឌានៅក្នុងការវិភាគនៃប្រទេសមានសេដ្ឋកិច្ចកំពុងរីកចម្រើនកំពូលៗសម្រាប់ផលិតកម្មបន្ទះឈីប។
បើតាមលោក Narit ថៃកំណត់គោលដៅវិនិយោគ ៥០០ ប៊ីលានបាត ក្នុងការវិនិយោគថ្មីលើឧស្សាហកម្មបន្ទះឈីប ត្រឹមឆ្នាំ ២០២៩។ លោកបន្តថា៖ «យើងផ្តោតលើគ្រឿងអេឡិចត្រូនិកថាមពល (គ្រឿងគ្រៅ)។ ឧទាហរណ៍ គ្រឿងអេឡិចត្រូនិកដែលប្រើក្នុងរថយន្តអគ្គិសនី មជ្ឈមណ្ឌលទិន្នន័យ ឬប្រព័ន្ធផ្ទុកថាមពល។ យើងគិតថានេះជាភាពខ្លាំងរបស់យើង»។
យ៉ាងណាមិញ អ្នកវិភាគមើលឃើញថា ថៃប្រឈមមុខនឹងការប្រកួតប្រជែងខ្លាំងក្លាពីប្រទេសម៉ាឡេស៊ី ដែលកាន់កាប់ប្រមាណ ១៣ ភាគរយ លើការធ្វើតេស្ត និងវេចខ្ជប់បន្ទះឈីបសកល ហើយកំពុងកំណត់គោលដៅវិនិយោគ ១០០ ប៊ីលានដុល្លារ សម្រាប់ឧស្សាហកម្មនេះ៕
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoអាមេរិក រឹបយកកប៉ាល់ដឹកទំនិញអ៊ីរ៉ង់ នៅឈូងសមុទ្រអូម៉ង់ ខណៈទីក្រុងតេហេរ៉ង់ គំរាមសងសឹក