កីឡា

អ្នកលេងគុនខ្មែរ ឡុង ពិសិដ្ឋ អំពាវនាវមហាជន និងបណ្ដាក្រុមហ៊ុនជួយគាំទ្រថ្នាលគុនខ្មែរ

បានផុស

៤ ខែ មុន

នៅ

ថ្ងៃព្រហស្បតិ៍ ១៣ មីនា ២០២៥

ដោយ

អ្នកលេងគុនខ្មែរល្បីឈ្មោះលើប្រភេទទម្ងន់ស្រាល ឡុង ពិសិដ្ឋ អំពាវនាវដល់មហាជន និងបណ្ដាក្រុមហ៊ុននានាជួយគាំទ្រកម្មវិធីប្រកួតថ្នាលផ្សេងៗផងដើម្បីបានដំណើរការរៀបចំតទៅមុខទៀតផ្ដល់ឱកាសកីឡាករជំនាន់ក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឡុង ពិសិដ្ឋ

ថ្លែងក្នុងកិច្ចសម្ភាសកីឡាករ ឡុង ពិសិដ្ឋ ថាកម្មវិធីប្រកួតថ្នាលកន្លងទៅពុំសូវមានអ្នកគាំទ្រ ឬឧបត្ថម្ភដូចជាការប្រកួតមនុស្សធំ ឬទម្ងន់ធ្ងន់នោះឡើយ។ ការប្រកួតសម្រាប់កីឡាករធំៗគឺតែងតែមានអ្នកទៅទស្សនាច្រើន និងតាមបណ្ដាញសង្គមផងដែរ។

ការប្រកួតថ្នាលគុនខ្មែរនៅ Jet Fighter

កូនសិស្សលោក រិគី ម្នាក់នេះបន្ថែមទៀតថា បើចង់ឲ្យសំបូរកម្មវិធីថ្នាលគុនខ្មែរ ឬមានកម្មវិធីប្រកួតថ្នាលច្រើនលុះត្រាអ្នកគាំទ្រងាកមកជួយលើកស្ទួយទាំងអស់គ្នារួមទាំងខាងក្រុមហ៊ុនមានធនធានផង។ កាលណាមានការគាំទ្រអ្នករៀបចំក៏មានលទ្ធភាពរៀបចំបង្កើតឲ្យមានជាហូរហែដូចគ្នាស្របពេលកីឡាករថ្នាលក៏មានកន្លែងប្រកួតសន្សំបទពិសោធ និងបញ្ចេញសមត្ថភាព និងទទួលបានថវិកាខ្លះៗដែរ។

ការប្រកួតថ្នាលគុនខ្មែរនៅ Jet Fighter

រំលឹកដែរថា បច្ចុប្បន្ននេះកម្មវិធីប្រកួតតាមស្ថានីយ និងសង្វៀនផ្សេងៗមានមិនតិចជាង ២០កម្មវិធីឡើយក្នុងមួយសប្ដាហ៍ៗ ប៉ុន្តែចំពោះកម្មវិធីថ្នាល(ឈុតតូច)គឺពុំសូវមានច្រើននោះឡើយ។ កម្មវិធីថ្នាលគុនខ្មែរគឺបើកបានតែរយៈពេលខ្លីប៉ុណ្ណោះគឺត្រូវបាត់ទៅវិញ។ ឥលូវនេះគេឃើញមានតែ២-៣កម្មវិធីនោះទេដែលកំពុងដំណើរការនៃការប្រកួតសម្រាប់យុវជនថ្នាល។ ចំណែកការឧបត្ថម្ភគាំទ្រពីបណ្ដាក្រុមហ៊ុនផ្សេងៗក៏នៅមានកម្រិតផងដែរ ព្រោះភាគច្រើនគេចាប់អារម្មណ៍តែទៅលើកម្មវិធីឈុតធំប៉ុណ្ណោះ៕

Related Topics:កីឡាប្រដាល់គុនខ្មែរ