ព័ត៌មានអន្ដរជាតិ

កំណើនកម្ដៅក្នុងប្រទេសថៃឈានដល់កម្រិតគ្រោះថ្នាក់ដល់សុខភាព

បានផុស

១ year មុន

នៅ

ថ្ងៃពុធ ១៩ មីនា ២០២៥

ដោយ

អាកាសធាតុក្តៅកំពុងកើនឡើង ខណៈដែលរដូវក្ដៅបានឈានចូលមកដល់ ហើយអាជ្ញាធរសុខាភិបាលថៃកំពុងព្រមានប្រជាជនចៀសវាងពីការទទួលឥទ្ធិពលកម្តៅផ្ទាល់ពីព្រះអាទិត្យ ប្រសិនបើអាចធ្វើទៅបាន ដោយសារកំណើនកំដៅបានឈានដល់កម្រិតពណ៌ទឹកក្រូច «គ្រោះថ្នាក់ដល់សុខភាព» រួចទៅហើយ។ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី១៩ខែមីនានេះ។

កំណើនកម្ដៅក្នុងប្រទេសថៃសម្រាប់ថ្ងៃទី ៥-១៤ខែមីនា បានបង្ហាញថាសីតុណ្ហភាពឈានដល់ទៅ ៤២-៥១.៩ អង្សាសេនៅ តំបន់ខ្លះដែលត្រូវបានចាត់ទុកថាមានគ្រោះថ្នាក់ដល់សុខភាព។

ក្រសួងសុខាភិបាលថៃបានជូនដំណឹងថាប្រជាជនគួរតែពិនិត្យមើលការព្យាករណ៍អាកាសធាតុ និងជៀសវាងសកម្មភាពនៅខាងក្រៅ ប្រសិនបើអាចធ្វើទៅបាន ហើយផឹកទឹកឱ្យបានច្រើននិងញឹកញាប់។ ការឡើងកម្ដៅខ្លួន ការអស់កម្លាំងបណ្តាលមកពីកម្ដៅ និងជំងឺដាច់សរសៃឈាមខួរក្បាលដែលអាចបណ្ដាលឲ្យស្លាប់។ ក្រុមដែលប្រឈមមុខនឹងគ្រោះថ្នាក់ជាងគេគឺមនុស្សចាស់ អ្នកធាត់ អ្នកធ្វើការក្រៅផ្ទះ និងអ្នកផឹកស្រា និងអ្នកដែលមានស្ថានភាពសុខភាពមូលដ្ឋាន។

កាលពីថ្ងៃអង្គារ ក្រសួងឧតុនិយមថៃបានរាយការណ៍ថាខេត្តចំនួន ១០ មានសីតុណ្ហភាពឡើងដល់កម្រិត ៣៨-៣៩អង្សាសេ។ ចំពោះអាកាសធាតុចាប់ពីថ្ងៃទី២៣-២៨ ខែមីនា នឹងមានការឡើងកម្តៅបន្ថែមទៀត រួមជាមួយនឹងមានព្យុះរដូវក្តៅមួយចំនួន ជាពិសេសចាប់ពីថ្ងៃទី ២៩ ខែមីនា ដល់ខែក្រោយ។ ទោះយ៉ាងណាក៏ដោយ រដូវក្តៅក្នុងប្រទេសថៃឆ្នាំនេះមិនត្រូវបានគេរំពឹងថានឹងក្តៅដូចឆ្នាំមុននោះទេ៕