ចេញហើយលទ្ធផលចាប់ឆ្នោតពាន AFC Women’s Asian Cup ខណៈ កម្ពុជា នៅពូល G

ទីបំផុតចេញជាផ្លូវការហើយលទ្ធផលចាប់ឆ្នោតវគ្គជម្រុះពាន AFC Women’s Asian Cup ដើម្បីដណ្តើមកៅអីឡើងទៅកាន់ជុំចុងក្រោយ ដែល អូស្ត្រាលី ធ្វើជាម្ចាស់ផ្ទះ ខណៈក្រុមជម្រើសនារី កម្ពុជា ស្ថិតនៅពូល G។

តាមរយៈលទ្ធផលចាប់ឆ្នោត ក្រុមជម្រើសជាតិនារីកម្ពុជាស្ថិតនៅពូល G ជាមួយក្រុមជម្រើសជាតិនារី ហុងកុង អារ៉ាប៊ីសាអ៊ូឌីត និងហ្វីលីពីន។ ដោយឡែកនៅពូលផ្សេងវិញ គឺពូល A មាន អ៊ីរ៉ង់ ហ្ស៊ូដង់ លីបង់ សិង្ហបុរី និង ប៊ុយតង់។ ពូល B មាន ថៃ ទីម័រ អ៊ីរ៉ាក់ ម៉ុងហ្គោលី និងឥណ្ឌា។

ពូល C មាន មីយ៉ាន់ម៉ា តួកមេនីស្ថាន បង់ក្លាដែស និង បារ៉ែន។ ពូល D មាន ឥណ្ឌូនេស៊ី កៀហ្ស៊ីស៊ីស្ថាន ចិនតៃប៉ិ និងប៉ាគីស្ថាន។ ពូល E មាន វៀតណាម អារ៉ាប់រួម កោះហ្គាំ និង ម៉ាល់ឌីវ។ ពូល F មាន អ៊ុយបេគីស្ថាន ឡាវ នេប៉ាល់ និង ស្រីលង្ការ។ ពូល H មាន ប៉ាឡេស្ទីន តាជីគីស្ថាន ម៉ាឡេស៊ី និង កូរ៉េខាងជើង។

សូមបញ្ជាក់ថា ការប្រកួតជម្រុះពានរង្វាន់ AFC Women’s Asian Cup នេះនឹងចាប់ផ្តើមចាប់ពីថ្ងៃទី ២៣ ខែ មិថុនា ដល់ថ្ងៃទី ៥ ខែ កក្កដា ឆ្នាំ ២០២៥ នេះ៕

អត្ថបទ៖ សេម កុសល