កីឡា

Pep Munoz លេងចិត្តសាស្ត្រ សំដីទាំងនេះកីឡាករផ្ដោតអារម្មណ៍ប្រកួតមិនខ្វល់ថ្ងៃចូលឆ្នាំ

បានផុស

៤៣ នាទីutes មុន

នៅ

ថ្ងៃសៅរ៍ ១៩ មេសា ២០២៥

ដោយ

លោក Pep Munoz គ្រូបង្វឹកក្លឹបបាល់ទាត់ព្រះខ័នរាជស្វាយរៀង លេងចិត្តសាស្ត្រខ្លាំងដោយប្រាប់យ៉ាងខ្លីទៅកូនក្រុមថា ពិធីបុណ្យចូលឆ្នាំមានជារៀងរាល់ឆ្នាំ ប៉ុន្តែឱកាសឆ្ពោះការប្រកួតផ្ដាច់ព្រ័ត្រមិនមានច្រើនទេសម្រាប់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Pep Munoz

ថ្លែងក្រោយមកដល់អាកាសយានដ្ឋានអន្តរជាតិភ្នំពេញលោក លោក Pep Munoz បានឲ្យដឹងថា លោកពិតជាគោរពចំពោះភាពជាអាជីពរបស់កូនក្រុមរបស់លោកណាស់។ ពួកគេបានយល់ដឹងច្បាស់ពីភារកិច្ច និងភាពជាអាជីពរបស់កីឡាករបាល់ទាត់ ដូច្នេះហើយមិនមានបញ្ហាចោទអំពីរឿងចូលរួមពិធីបុណ្យចូលឆ្នាំប្រពៃណីខ្មែរនោះទេ។

ព្រះខ័នរាជស្វាយរៀងពេលមកកម្ពុជាវិញ

គ្រូបង្វឹកឆ្នើមរបស់ព្រះខ័នរាជស្វាយរៀងខាងលើបន្ថែមទៀតថា មុនការប្រកួតមកដល់លោកក៏បានបញ្ជាក់អំពីរឿងចូលឆ្នាំនេះដែរថា «ចូលឆ្នាំខ្មែរគឺមានជារៀងរហូត យើងខានពេលនេះ យើងអាចចូលរួមបាននៅឆ្នាំក្រោយៗទៀត។ ប៉ុន្តែឱកាសឡើងទៅវគ្គផ្ដាច់ព្រ័ត្រគឺមិនមានច្រើនទេសម្រាប់ពួកគេ»។ ការលើកឡើងបែបនេះហើយទើបកីឡាកររបស់លោកបានផ្ដោតតែការហ្វឹកហាត់ ត្រៀមខ្លួនឲ្យបានល្អ និងផ្ដោតបំផុតលើទីលានជាពិសេសការប៉ះ ម៉ាឌូរ៉ា ជើងទី២ លើទឹកដីឥណ្ឌូណេស៊ីនេះ។

កីឡាករព្រះខ័នរាជស្វាយរៀងពេលមលដល់កម្ពុជា

បញ្ជាក់ដែរថា ក្រុមបាល់ទាត់ព្រះខ័នរាជស្វាយរៀង បានឡើងទៅវគ្គផ្ដាច់ព្រ័ត្រពានរង្វាន់ AFC Challenge League ហើយក្រោយឈ្នះលើក្រុមបាល់ទាត់ ម៉ាឌូរ៉ា នៅជើងទី១ ទឹកដីកម្ពុជា ក្នុងលទ្ធផល ៣-០ និងជើងទី២ ស្មើ ៣-៣ លើទឹកដីឥណ្ឌូណេស៊ី។ ការប្រកួតជើងទី២ របស់ព្រះខ័នរាជស្វាយរៀង នេះដែរធ្វើឡើងនៅថ្ងៃទី១៧ ខែមេសា ឆ្នាំ២០២៥។ យ៉ាងណាតំណាងឲ្យក្រុមកម្ពុជាមួយនេះធ្វើបានយ៉ាងល្អឡើងទៅវគ្គផ្ដាច់ព្រ័ត្រជាប្រវត្តិសាស្ត្រ និងនាំមោទកភាពជាខ្លាំងជូនបាល់ទាត់ និងអ្នកគាំទ្រកម្ពុជា។ នាល្ងាចម្សិលមិញនេះ ព្រះខ័នរាជស្វាយរៀង បានវិលត្រឡប់មកដល់ប្រទេសកម្ពុជាវិញហើយ៕