កីឡា

សហព័ន្ធកីឡាសីដក់ ទទួលប្រធានថ្មីបន្តអភិវឌ្ឍន៍កីឡាមួយនេះតទៅមុខទៀត

បានផុស

១ year មុន

នៅ

ថ្ងៃអង្គារ ១៣ ឧសភា ២០២៥

ដោយ

ព្រឹកថ្ងៃទី១៣ ខែឧសភា ឆ្នាំ២០២៥ សហព័ន្ធកីឡាសីដក់ និងសីមេលោនកម្ពុជា បានធ្វើមហាសន្និបាតបញ្ចប់អាណត្តិ ទី៧ ខណៈប្រធានសហព័ន្ធអាណត្តិថ្មីនេះដឹកនាំដោយ លោក សុខ យ់ានិមល បន្តពីព្រឹទ្ធាចារ្យ មាស សារិន ដែលសុំលាឈប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពព្រឹកមិញ

ព្រឹទ្ធាចារ្យ មាស សារិន ប្រធានសហព័ន្ធកីឡាសីដក់អាណត្តិចាស់ បានឲ្យដឹងថា ក្នុងនាមជាអ្នកផ្ដួចផ្ដើម និងប្រមែប្រមូល ចងក្រងកីឡានេះពីដំបូងមករហូតដល់ពេលនេះលោកពិតជាមានចិត្តសប្បាយរីករាយជាខ្លាំងដែលមានអ្នកដឹកនាំបន្តវេនជាធនធានល្អ និងមានសមត្ថភាព។ លោកសង្ឃឹមថា កិច្ចការងារបន្ទាប់របស់សហព័ន្ធនឹងរឹតតែមានភាពរីកចម្រើនថែមទៀត។

ព្រឹទ្ធាចារ្យ មាស សារិន

ព្រឹទ្ធាចារ្យដែលជ្រោមជ្រែង និងបង្កើតសហព័ន្ធកីឡាជាតិជាច្រើនតាំងពីមុនមករូបនេះ ក៏បានផ្ដាំផ្ញើដល់គណៈកម្មការប្រតិបត្តិ និងសមាជិក គ្រូបង្វឹក កីឡាករ កីឡាការិនីទាំងត្រូវបន្តរួមគ្នាជួយអភិវឌ្ឍន៍កីឡាមួយនេះឲ្យកាន់តែរីកចម្រើនទៅមុខបន្តទៀត។ ពីមុនសហព័ន្ធកកើតដំបូងៗគឺមិនមានអ្វីនោះទេ ប៉ុន្តែឥលូវនេះមានធនធាន រួមទាំងអ្វីៗគ្រប់គ្រាន់ដើម្បីអភិវឌ្ឍន៍ហើយ ដូច្នេះត្រូវប្រឹងប្រែងបន្តទៀតជាពិសេសព្យាយាមបង្កើតជាព្រឹត្តិការណ៍ប្រកួតឲ្យបានកាន់តែច្រើន។

ព្រឹទ្ធាចារ្យ មាស សារិន

បញ្ជាក់ដែរថា មហាសន្និបាតបញ្ចប់អាណត្តិទី៧ និងការផ្លាស់ប្ដូរប្រធានថ្មីនេះធ្វើឡើងកាលពីព្រឹកមិញនៅទីស្នាក់ការគណៈកម្មាធិការជាតិអូឡាំពិកកម្ពុជា។ ព្រឹទ្ធាចារ្យ មាស សារិន បានសុំលាឈប់ពីប្រធានសហព័ន្ធ និងធ្វើជាប្រធានកិត្តិយសនៅចាំជួយប្រឹក្សាយោបល់ផងដែរ។ សមាសភាពអាណត្តិទី៨ ឆ្នាំ២០២៤-២០២៨ នេះរួមមាន លោក សុខ យ៉ានិមល ប្រធាន លោក ឯម ហៀង អនុប្រធាន កញ្ញា សួង ចាន់តូរ៉ាទី អគ្គលេខាធិការ កញ្ញា គួយ ស៊ីវឡេង អគ្គហេរញ្ញិក៕