កីឡា

សហព័ន្ធកីឡាសីដក់ប្រមូលផ្ដុំជម្រើសជាតិនៅមរកតេជោ ទាំងគ្រូ និងសិស្សមានសរុប ២៤នាក់

បានផុស

៣ ខែ មុន

នៅ

ថ្ងៃសុក្រ ៣ មេសា ២០២៦

ដោយ

សហព័ន្ធកីឡាជាតិទាំង ៤០បានប្រមូលផ្ដុំហ្វឹកហាត់ហើយ ខណៈប្រភេទកីឡាសីដក់វិញនោះគឺហ្វឹកហាត់នៅឯពហុកីឡដ្ឋានជាតិមរតកតេជោ ដែលមានគ្រូ និងសិស្សសរុប ២៤នាក់ចូលជំរុំហាត់ពង្រឹងសមត្ថភាពឈានឆ្ពោះទៅចូលរួមការប្រកួតកីឡាអាស៊ី Asian Games ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រមូលផ្ដុំហ្វឹកហាត់

នេះបើតាមការឲ្យដឹងពីកញ្ញា សួង ចាន់តូរ៉ាទី អគ្គលេខាធិការសហព័ន្ធថា ក្រុមជម្រើសជាតិកីឡាសីដក់កម្ពុជាគឺប្រមូលផ្ដុំហ្វឹកហាត់នៅឯពហុកីឡដ្ឋានជាតិមរតកតេជោ និងដំណើរការហ្វឹកហាត់បានប៉ុន្មានថ្ងៃមកហើយ។ ឆ្នាំនេះគឺការប្រមូលផ្ដុំមានកីឡាករ ១៤នាក់ និងកីឡាការិនី ៨នាក់។ ចំពោះគ្រូបង្វឹកគឺមាន ៤នាក់ បុរស ២ នារី ២ ផងដែរ។

ការប្រមូលផ្ដុំនេះផងដែរគឺត្រៀមចូលរួមព្រឹត្តិការណ៍កីឡាអាស៊ី Asian Games នៅប្រទេសជប៉ុន ដែលជាកម្មវិធីធំសម្រាប់សហព័ន្ធ និងត្រៀមការប្រកួតកម្រិតអន្តរជាតិមួយចំនួនទៀតដែលតាមរយៈការអញ្ចើញពីបណ្ដាប្រទេសជាម្ចាស់ផ្ទះផ្សេងៗ។

ទិដ្ឋភាពប្រមូលផ្ដុំហ្វឹកហាត់

បញ្ជាក់ដែរថា តាមគោលការណ៍របស់ក្រសួងអប់រំ សម្រាប់ឆ្នាំ២០២៦ នេះមាន ៤០សហព័ន្ធកីឡាជាតិ និង ១ប្រភេទកីឡាជនពិការផងដែរដែលត្រូវប្រមូលផ្ដុំហ្វឹកហាត់ពង្រឹងសមត្ថភាពត្រៀមការប្រកួតអន្តរជាតិជាច្រើន។ ចំពោះសហព័ន្ធកីឡាសីដក់ និងឈិនឡូនកម្ពុជា ក៏ជាប្រភេទកីឡាមួយក្នុងចំណោមទាំង ៤០ដែលក្រសួងប្រមូលផ្ដុំផងដែរ៕