ព័ត៌មានអន្ដរជាតិ

ពលរដ្ឋថៃម្នាក់ចូលព្រៃបេះផ្សិត ត្រូវដំរីព្រៃវាយប្រហារដល់បាត់បង់ជីវិត

បានផុស

២ ខែ មុន

នៅ

ថ្ងៃចន្ទ ១៩ ឧសភា ២០២៥

ដោយ

ពលរដ្ឋថៃម្នាក់ត្រូវបានដំរីព្រៃវាយប្រហាររហូតដល់ស្លាប់បាត់បង់ជីវិត ក្នុងពេលកំពុងចូលព្រៃដើម្បីរកផ្សិត។ ហេតុការណ៍ដ៏គួរឲ្យរន្ធត់និងកម្រមួយនេះ បានកើតឡើងនៅវេលាម៉ោង៨ព្រឹកថ្ងៃទី១៨ ខែឧសភា ឆ្នាំ២០២៥ នៅក្នុងដែនជម្រកសត្វព្រៃមួយឈ្មោះ «Phu Wua» ស្ថិតក្នុងភូមិសាស្ត្រភូមិបានតង (BanTong) ស្រុកសេកា (Seka) ខេត្តបឹងកាន (Bueng Kan) ភាគខាងជើងប្រទេសថៃជាប់ព្រំដែនជាមួយប្រទេសឡាវ។

ក្រុមជួយសង្គ្រោះ បានទៅដល់កន្លែងកើតហេតុដែលសត្វដំរីព្រៃវាយប្រហារ។ naewna

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានថៃ naewna បានរាយការណ៍ថា ករណីដំរីព្រៃមួយក្បាលបានធ្វើសកម្មភាពវាយប្រហារបណ្តាលឱ្យអ្នកភូមិម្នាក់ស្លាប់បាត់បង់ជីវិតនេះ បានកើតឡើងនៅវេលាម៉ោង៨ព្រឹកថ្ងៃទី១៨ខែឧសភា ឆ្នាំ២០២៥ ក្នុងដែនជម្រកសត្វព្រៃមួយឈ្មោះ «Phu Wua» ស្ថិតក្នុងភូមិសាស្ត្រភូមិបានតង (BanTong) ស្រុកសេកា(Seka) ខេត្តបឹងកាន Bueng Kan។

បន្ទាប់ពីទទួលបានសេចក្តីរាយការណ៍ភ្លាម អង្គភាពការពារព្រៃឈើបានជូនដំណឹងដល់អាជ្ញាធរនិងមន្ត្រីពាក់ព័ន្ធឱ្យចុះត្រួតពិនិត្យនៅតំបន់ដែនជម្រកសត្វព្រៃកើតហេតុ និងបានស្គាល់អត្តសញ្ញាណអ្នករងគ្រោះភេទស្រីឈ្មោះ Kun nya ដែលទើបបានមករស់នៅជាមួយស្វាមីនៅមូលដ្ឋានខាងលើ។

បន្ទាប់ពីមានការស៊ើបអង្កេតបឋមបានឱ្យដឹងថា ស្ត្រីរងគ្រោះបានចូលព្រៃដើម្បីស្វែងរកផ្សិតក្នុងដែនជម្រកសត្វព្រៃខាងលើ ហើយចៃដន្យក៏បានជួបនឹងដំរីព្រៃភ្លាមៗបណ្តាលឱ្យស្ត្រីរងគ្រោះគ្មានឱកាសគេចខ្លួនទាន់ពេលវេលា ទើបបណ្តាលឱ្យសត្វដំរីព្រៃវាយប្រហាររហូតដល់ស្លាប់បាត់បង់ជីវិតតែម្តង។

សេចក្តីរាយការណ៍បានបន្តថា ហេតុការណ៍នេះបានបង្កការភ្ញាក់ផ្អើលនិងសោកស្ដាយយ៉ាងខ្លាំងពីក្រុមគ្រួសារ និងសាច់ញាតិអ្នករងគ្រោះ។ ទន្ទឹមគ្នានេះ អង្គភាពការពារព្រៃឈើ និងអាជ្ញាធរបានអំពាវនាវឱ្យប្រជាពលរដ្ឋដែលរស់នៅជិតតំបន់ដែនជម្រកព្រៃឈើមានការប្រុងប្រយ័ត្នក្នុងការចូលរកអនុផលព្រៃឈើដើម្បីជៀសវាងកើតមានបញ្ហាគ្រោះថ្នាក់ដល់អាយុជីវិតដូចករណីខាងលើ៕

ដោយភ្នាក់ងារ