ព័ត៌មានជាតិ

អាជ្ញាធរសង្កាត់ចោមចៅទី ៣ ចុះសម្អាតលើដងផ្លូវវិមានឈ្នះឈ្នះ ក្រោយមេឃភ្លៀងមានដក់ទឹក

បានផុស

១១ ខែ មុន

នៅ

ថ្ងៃអង្គារ ២០ ឧសភា ២០២៥

ដោយ

នៅព្រឹកថ្ងៃទី ២០ ខែឧសភា ឆ្នាំ ២០២៥ នេះ កម្លាំងប្រជាការពារសង្កាត់ចោមចៅទី ៣ ខណ្ឌពោធិ៍សែនជ័យ បានចុះបោសសម្អាតលើដងផ្លូវវិមានឈ្នះឈ្នះដែលមានការដក់ទឹក និងកាកសំណល់ច្រើន បង្កឲ្យប៉ះពាល់ដល់បរិស្ថាន អនាម័យ ដោយសារតែប៉ុន្មានថ្ងៃមកនេះ មេឃបានធ្លាក់ភ្លៀងស្ទើរជារៀងរាល់ថ្ងៃ។

លោក ចែន ចាន់ ប្រធានប្រជាការពារសង្កាត់ចោមចៅទី ៣ បានឲ្យដឹងថា ដោយមានការបញ្ជាផ្ទាល់ពី លោក វ៉ា សាវឿន ចៅសង្កាត់ចោមចៅទី ៣ ឲ្យលោកដឹកនាំក្រុមការងារចុះសម្អាតផ្លូវខាងលើ ចាប់ពីរង្វង់មូលស្ពានអាកាសផ្លូវជាតិលេខ ៤ ភូមិជម្ពូវ័ន ២ សង្កាត់ចោមចៅទី ៣ រហូតទៅដល់ផ្សារបឹងបៃតង ជាប់ព្រំប្រទល់ជាមួយសង្កាត់សំរោងក្រោម និងសង្កាត់ត្រពាំងក្រសាំង នៃខណ្ឌពោធិ៍សែនជ័យ ដើម្បីថែរក្សាសោភ័ណភាព អនាម័យ និងបរិស្ថានស្អាត។

ជាមួយនេះ អាជ្ញាធរ ក៏បានសំណូមពរដល់ប្រជាពលរដ្ឋទាំងអស់ សូមមេត្តាវេចខ្ចប់ទុកដាក់សំរាមឲ្យបានត្រឹមត្រូវ ជៀសវាងបោះចោលគ្មានសណ្ដាប់ធ្នាប់ គ្មានរបៀបរៀបរយ ត្រូវដាក់ក្នុងធុងសំរាមឲ្យបានត្រឹមត្រូវ ងាយស្រួលដល់ក្រុមរថយន្តដឹកសំរាមមកទទួលយកទៅបោះចោល និងជួយថែរក្សាអនាម័យ បរិស្ថាន ទាំងអស់គ្នា៕

អត្ថបទ ៖ សុខា