ព័ត៌មានអន្ដរជាតិ

មហាសេដ្ឋីថៃ លោក Wanich Chaiyawan ទទួលមរណភាព ក្នុងអាយុ៩៣ឆ្នាំ

បានផុស

២ នាទីutes មុន

នៅ

ថ្ងៃចន្ទ ១៦ មិថុនា ២០២៥

ដោយ

តាមសេចក្តីរាយការណ៍ កាលពីថ្ងៃទី ១៥ ខែមិថុនា បានបញ្ចាក់ឲ្យដឹងថា មហាសេដ្ឋីជនជាតិថៃ លោក Vanich Chaiyawan ស្ថាបនិក និងជាអតីតប្រធានក្រុមប្រឹក្សាភិបាលក្រុមហ៊ុន Thai Life Insurance Public Company Limited បានទទួលមរណភាពដោយរោគាពាធ ក្នុងជន្មាយុ ៩៣ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាណិជ្ជករថៃវ័យចំណាស់រូបនេះ កើតនៅថ្ងៃទី ២៦ ខែវិច្ឆិកា ឆ្នាំ ១៩៣២ និងរស់នៅក្នុងទីក្រុងបាងកក។ ដើមឡើយលោកបានចូលរួមក្នុងការជួញដូរអង្ករ និងត្រូវបានគេស្គាល់តាមរយៈការទិញយកក្រុមហ៊ុន Thai Life Insurance Public Company Limited។

ក្នុងឆ្នាំ ១៩៧០ បន្ទាប់មកបានរៀបចំរចនាសម្ព័ន្ធស្ថាប័នឡើងវិញ និងរៀបចំគោលនយោបាយធានារ៉ាប់រងឲ្យសមស្របទៅនឹងស្ថានភាពសេដ្ឋកិច្ច និងសង្គមរបស់ប្រទេសថៃកាន់តែប្រសើរឡើង។ មុនពេលក្លាយជាម្ចាស់ភាគហ៊ុនប្រហែល ១១.២៧៨% នៃក្រុមហ៊ុនធានារ៉ាប់រងអាយុជីវិតថៃបានបែងចែកដោយផ្ទាល់ជា ១.១២% និងដោយប្រយោល ១០.១៥៨% ផ្សេងទៀតតាមរយៈក្រុមហ៊ុន VC Sombat Co., Ltd. ដែលម្ចាស់ បានបង្កើតជាក្រុមហ៊ុនកាន់កាប់សម្រាប់គ្រួសារ Chaiyawan ។

ក្រោយមក លោក Wanich ទទួលបានអាជ្ញាប័ណ្ណផលិត និងចែកចាយស្រាបៀរនៅប្រទេសថៃ។ ដូច្នេះហើយពួកគេចង់ស្វែងរកអ្នកវិនិយោគរួមគ្នា ហើយនៅពេលនោះក្រុមហ៊ុន Asia Pacific Brewery Limited (APB) មកពីប្រទេសសិង្ហបុរី ដែលមើលការខុសត្រូវលើការចែកចាយស្រាបៀរ Heineken នៅអាស៊ីប៉ាស៊ីហ្វិក គាត់កំពុងសម្លឹងមើលការពង្រីកអាជីវកម្ម និងការវិនិយោគនៅក្នុងប្រទេសថៃ។ លើសពីនេះ Chai Chaiwan ដែលជាកូនប្រុសរបស់ លោកចូលចិត្តការផ្សាយពាណិជ្ជកម្មរបស់ស្រាបៀរ Heineken តាំងពីគាត់បានសិក្សានៅបរទេសមកម្ល៉េះ។

ដូច្នេះហើយទើបលោក Wanich និងក្រុមហ៊ុន APB បានយល់ព្រមសហការ និងអញ្ជើញក្រុមហ៊ុន Thai Namthip Co., Ltd. ដែលជាអ្នកជំនាញខាងផលិតភេសជ្ជៈដែលជាកម្មសិទ្ធិរបស់លោក Pong Sarasin ជាអ្នកវិនិយោគជិតស្និទ្ធរបស់ក្រុមហ៊ុន Wanich រួមជាមួយ វិនិយោគិនផ្សេងទៀត ដែលបានទទួលមូលនិធិពីធនាគារយោធាថៃ ហើយបានបង្កើតក្រុមហ៊ុន Thai Asia Pacific Brewery Co., Ltd. នៅក្នុងឆ្នាំ ១៩៩៣ ដើម្បីផលិត និងចែកចាយស្រាបៀរល្បីៗដូចជា Heineken និង Tiger Beer នៅក្នុងប្រទេសថៃ។

ដោយឡែក នៅក្នុងជីវិតផ្ទាល់ខ្លួន លោក Wanich Chaiyawan បានរៀបការជាមួយអ្នកស្រី Nontana Chaiyawan និងមានកូនចំនួន ៨ នាក់រស់នៅក្នុងទីក្រុងបាងកក។ ក្នុងនោះមានលោក Chai Chaiwan ដែលជាកូនប្រុសច្បង គឺប្រធានក្រុមប្រឹក្សាប្រតិបត្តិនៃក្រុមហ៊ុន ធានារ៉ាប់រងអាយុជីវិតថៃ, លោក Winyu Chaiwan កូនប្រុសគឺជានាយកប្រតិបត្តិនៃធនាគារ Thai Credit Bank, លោកស្រី Worangk Chaiyawan ជានាយកនិងនាយករងនាយកប្រតិបត្តិនៃ Thai Life Insurance PCL, និងលោក Veeravet Chaiyawan ជំនួយការនាយកគ្រប់គ្រង។

សម្រាប់ក្រុមហ៊ុនលក់រាយ និងអចលនទ្រព្យ ធនាគារឥណទានថៃ លោក Wanich Chaiwan គឺជាម្ចាស់ភាគហ៊ុនប្រមាណ ៦០ភាគរយ នៃក្រុមហ៊ុនធានារ៉ាប់រងអាយុជីវិតថៃ ភីអិលស៊ី៕

អត្ថបទ៖ សាង ស្រីល័ក្ខ

ចុចអាន៖អាហារមួយចំនួន មិនគួរទិញនៅក្នុងផ្សារទំនើបដាច់ខាត