ព័ត៌មានអន្ដរជាតិ
ពូទីន មិនឆ្លើយសំណួរអំពីការប៉ងសម្លាប់មេដឹកនាំកំពូលអ៊ីរ៉ង់ Khamenei
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបដិសេធមិននិយាយអំពីការប៉ុនប៉ងធ្វើឃាតដែលអាចកើតមានលើមេដឹកនាំកំពូលរបស់អ៊ីរ៉ង់ លោក Ayatollah Ali Khamenei ដោយអ៊ីស្រាអែល ឬសហរដ្ឋអាមេរិកទេ ដោយហៅប្រធានបទនេះថា «រសើបពេក» ក្នុងការពិភាក្សា។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី១៩ខែមិថុនានេះ។
ថ្លែងនៅក្នុងវេទិកាសេដ្ឋកិច្ចអន្តរជាតិក្នុងទីក្រុង Saint Petersburg លោក ពូទីន បានបដិសេដសំណួរនេះតែជំនួសមកវិញដោយបានសង្កត់ធ្ងន់លើតម្រូវការសម្រាប់ដំណោះស្រាយនយោបាយចំពោះជម្លោះដែលកំពុងកើនឡើងរវាងអ៊ីរ៉ង់ និងអ៊ីស្រាអែល។
លោកពូទីនក៏បានច្រានចោលគំនិតដែលថារដ្ឋាភិបាលអ៊ីរ៉ង់មិនមានស្ថិរភាព ដោយនិយាយថាប្រជាជនអ៊ីរ៉ង់នៅតែគាំទ្រមេដឹកនាំរបស់ពួកគេ ទោះបីជាមានបញ្ហាផ្ទៃក្នុងខ្លះក៏ដោយ។ លោកបានស្នើឲ្យជួយសម្របសម្រួលរវាងអ៊ីរ៉ង់ និងអ៊ីស្រាអែល ប៉ុន្តែបណ្តាប្រទេសលោកខាងលិចមិនទុកចិត្តលោកច្រើនទេ ដោយសារតែទំនាក់ទំនងជិតស្និទ្ធរបស់រុស្ស៊ីជាមួយអ៊ីរ៉ង់។
ស្របពេលការវាយប្រហាររបស់អ៊ីស្រាអែលក្នុងប្រទេសអ៊ីរ៉ង់ តាមសេចក្តីរាយការណ៍បានសម្លាប់មនុស្សយ៉ាងតិច ៥៨៥នាក់ រួមទាំងជនស៊ីវិល២៣៩នាក់ ដែលជំរុញឱ្យមានការភ័យខ្លាចនៃការកើនឡើងបន្ថែមទៀត។ ប្រធានាធិបតីអាមេរិក លោក ដូណាល់ ត្រាំ បានទទួលស្គាល់ថា សហរដ្ឋអាមេរិកដឹងពីទីតាំងរបស់លោក Khamenei ប៉ុន្តែមិនបានប្តេជ្ញាចិត្តចូលរួមសកម្មភាពរបស់អ៊ីស្រាអែលនោះទេ។
យ៉ាងណាលោកពូទីនបានរំលឹកឡើងវិញនូវការគាំទ្ររបស់រុស្ស៊ីចំពោះកម្មវិធីនុយក្លេអ៊ែរស៊ីវិលរបស់អ៊ីរ៉ង់ ដោយបានបដិសេធរាល់ការផ្គត់ផ្គង់អាវុធដល់ទីក្រុងតេហេរ៉ង់ ទោះបីជាមានភាពជាដៃគូយុទ្ធសាស្ត្រក៏ដោយ។ លោកបានបញ្ជាក់ថា រោងចក្រនុយក្លេអ៊ែរអ៊ីរ៉ង់នៅតែដំណើរការ ហើយបុគ្គលិករុស្ស៊ីនៅរោងចក្រថាមពល Bushehr មានសុវត្ថិភាពក្រោមការរៀបចំសន្តិសុខជាមួយអ៊ីស្រាអែល។
ដោយអំពាវនាវឱ្យមានតុល្យភាពរវាងសិទ្ធិនុយក្លេអ៊ែររបស់អ៊ីរ៉ង់ និងសន្តិសុខរបស់អ៊ីស្រាអែល លោក ពូទីន បាននិយាយថា ដំណោះស្រាយដោយសន្តិវិធីគឺអាចធ្វើទៅបាន ប៉ុន្តែតម្រូវឱ្យមានការធ្វើការទូតដោយប្រុងប្រយ័ត្ន៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ