កីឡា

លោក គង់ ចាន់ធីណា៖ កីឡាហាប់គីដូកម្ពុជាស្ថិតលំដាប់ TOP 3 ក្នុងការប្រកួតនៅតំបន់អាស៊ាននេះ

បានផុស

១ នាទីute មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

លោក គង់ ចាន់ធីណា ថាកម្រិតកីឡាហាប់គីដូកម្ពុជា ស្ថិតនៅក្នុងលំដាប់ TOP 3 ហើយ នៃការប្រកួតជើងឯកអាស៊ីគ្នេយ៍ ឬនៅតំបន់អាស៊ាននេះ ខណៈបច្ចេកទេសមានសន្ទុះរីកចម្រើនគួរឲ្យកត់សម្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់ ចាន់ធីណា

ប្រតិភូ និងជាគ្រូបង្វឹកផងនោះ លោក គង់ ចាន់ធីណា បានឲ្យដឹងថា ការឈ្នះមេដាយរហូត ២៣គ្រឿងដែលមានមេដាយមាសដល់ទៅ ៤គ្រឿងនេះគឺជាលទ្ធផលមួយដ៏ល្អ និងហួសការរំពឹងទុកទៅទៀតរបស់ក្រុមកីឡាហាប់គីដូកម្ពុជា។

ទិដ្ឋភាពមកដល់របស់ក្រុមហាប់គីដូ

បើទោះជាការចូលរួមប្រកួតលើឆាកអត្តរជាតិត្រឹម ២ដងប៉ុណ្ណោះ តែក្រុមកម្ពុជាបង្ហាញពីភាពរីកចម្រើនលើបច្ចេកទេសប្រកួតរហូតអាចប្រជែងជាមួយបណ្ដាប្រទេសខ្លាំងៗដែលមានប្រវត្តិជាយូរឆ្នាំផងដែរ។ គិតពីការប្រកួតនៅជើងឯកអាស៊ីអាគ្នេយ៍នេះវិញក្រុមកម្ពុជាគឺស្ថិតនៅលំដាប់ទី៣ ឬ TOP 3 ហើយតាមការមើលឃើញរបស់លោក គឺនៅក្រោមតែម្ចាស់ផ្ទះឥណ្ឌូណេស៊ី និងថៃ បន្តិចបន្តួចប៉ុណ្ណោះ។

ទិដ្ឋភាពមកដល់របស់ក្រុមហាប់គីដូ

លោក គង់ ចាន់ធីណា ទន្ទឹមនិងជោគជ័យទាំងនេះលោកក៏មើលឃើញពីចំណុចខ្វះខាតរបស់កីឡាករ កីឡាការិនីមួយចំនួនផងដែរ ពិសេសច្បាប់ទម្លាប់នៃការចូលរួមប្រកួត និងស្មារតីក្នុងអំឡុងពេលប្រកួតដែលត្រូវតែពង្រឹងក៏ដូចជាកែប្រែឡើងវិញ។

ទិដ្ឋភាពមកដល់របស់ក្រុមហាប់គីដូ

បញ្ជាក់ដែរថា ក្រុមជម្រើសជាតិកីឡាហាប់គីដូកម្ពុជា បានវិលត្រឡប់មកដល់កម្ពុជាវិញហើយកាលពីល្ងាចម្សិលមិញនេះបន្ទាប់ពីចូលរួមការប្រកួតជ្រើសរើសជើងឯកអាស៊ីអាគ្នេយ៍ លើកទី២ នៅឯប្រទេសឥណ្ឌូណេស៊ី ថ្ងៃទី១៤-១៥ ខែមិថុនា ២០២៥ នេះ។ កម្ពុជាបញ្ជូនកីឡាករ កីឡាការិនីសរុប ១១នាក់ និងបានឈ្នះមេដាយចំនួន ២៣គ្រឿងរួមមានមាស ៤ ប្រាក់ ៧ សំរឹទ្ធ ១២៕