ហ៊ុយ យ៉ាឡេង កៀរគរឧកញ៉ាសហការជាមួយផលិតករ បោះទុនផលិតកុនមានគុណភាពបំពេញទីផ្សារក្នុងស្រុក

ផលិតករល្បីឈ្មោះរឿង “ដើម្បីកូន” លោក ហ៊ុយ យ៉ាឡេង បានប្រកាសកៀរគរថវិកា ដើម្បីចូលរួមផលិតភាពក្នុងស្រុកឲ្យកាន់តែមានគុណភាពនិងការចង់បានសម្រាប់ទីផ្សាបច្ចុប្បន្នខណ:សម្តេចតេជោ ហ៊ុន សែន បានមានប្រសាសន៍ឲ្យបញ្ចប់ការចាក់កុនថៃ ។

លោក ហ៊ុយ យ៉ាងឡេង បានរៀបរាប់ថា បច្ចុប្បន្ននេះចំណូលពីការលក់សំបុត្រពីភាពយន្តខ្មែររឿងល្បីផ្ទុះទស្សនិកជនគាំទ្រអាចរកបាន ១លានដុល្លារហើយដល់ពេលហើយសម្តេចពុកលោកឱ្យពួកយើងប្រឹងធ្វើភាពយន្តសម្រាប់ប្រជាជនយើងបងប្អូនដែលស្នេហាភាពយន្តជួយស៊ែរទៅដល់អ្នកវិនិយោគយើងអ្នកឧកញ៉ា, លោកឧញ៉ា, បានឃើញផង។

លោក ហ៊ុយ យ៉ាឡេង បានបន្តថា លោកចង់ឃើញឧកញ៉ា ចេញមុខជួយគាំទ្រភាពយន្តខ្មែរបោះទុនម្នាក់ ១លានម្នាក់ ១លានដុល្លារ ដោយជឿថាភាពយន្តខ្មែរនឹងដើរទៅមុខលឿនមិនចាញ់បរទេសឡើយ។ លោកថា “ហ៊ានធានាជូនអ្នកឧកញ៉ា បងឧកញ៉ាថា វិនិយោគភាពយន្តពេលនេះមិនខាតឡើយ”។

ផលិតករខ្មែររូបនេះបន្ថែមថា “អ្វីដែលអ្នកវិនិយោគទទួលបានលើសពីប្រាក់ចំណេញគឺបងៗ និងទទួលបានកេរ្តិ៍ឈ្មោះនិងកិត្តិយសជូនជាតិតកូនតចៅសូមជួយ ស៊ែរឱ្យមានព្រឹត្តិការណ៍ជួយភាពយន្តខ្មែរនេះកើតឡើងផង”។

គួររម្លឹកថាលោក ហ៊ុយ យ៉ាឡេងជារឿយៗក៏តែងបង្ហាញឆន្ទ:មិនបោះបង់ចោលក្តីស្រមៃរបស់ខ្លួនក្នុងការនាំភាពយន្តខ្មែរទៅកាន់ឆាកអន្តរជាតិក៏ដូចជាការកៀគរផលិតករឬក្រុមហ៊ុនបរទេសចូលមកស ហការផលិតនិងថតភាពយន្តនៅក្នុងស្រុកផងដែរ៕ ចាន់រ៉ា