សន្តិសុខសង្គម

មន្ត្រីជំនាញ ស្ទាក់ចាប់រថយន្តដឹកសាច់បង្កកនាំចូលពីវៀតណាមខុសច្បាប់ ជិត ៤ តោន

បានផុស

២២ វិនាទី មុន

នៅ

ថ្ងៃអង្គារ ២២ កក្កដា ២០២៥

ដោយ

មន្ត្រីជំនាញបង្ក្រាបបទល្មើសចលនាសត្វ និងផលិតកម្មសត្វ បានចុះឃាត់ចាប់រថយន្ត ១ គ្រឿង ដែលដឹកសាច់បង្កកនាំចូលពីវៀតណាមខុសច្បាប់ សរុបចំនួន ៣៧៩៨ គីឡូក្រាម មកចែកចាយក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីវេលាម៉ោង ៨ និង ៣០ នាទីយប់ ថ្ងៃទី ២១ ខែកក្កដា ឆ្នាំ ២០២៥ ម្សិលមិញ ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានសហការជាមួយការិយាល័យផលិតកម្ម និងបសុព្យាបាលខេត្តកំពង់ចាម ចុះឃាត់ចាប់រថយន្ត ១ គ្រឿង ម៉ាក SSANGYONG ISTANA ដឹកសាច់សត្វបង្កកសរុប ៣៧៩៨ គីឡូក្រាម ចំនួន ១៨៧ កេសក្រដាស ស្មើនឹង ២២៤៨ គីឡូក្រាម (ស្បែកជ្រូក ជើងជ្រូក) និងហតដកសាច់មាន់ ៣១ បាវ ស្មើនឹង ១៥៥០ គីឡូក្រាម ស្ថិតនៅលើផ្លូវបេតុង ឃុំជីហែ ស្រុកកោះសូទិន ខេត្តកំពង់ចាម។ រថយន្តខាងលើបានដឹកសាច់សត្វបង្កកទាំងនេះ ចេញពីប្រទេសវៀតណាម ឆ្ពោះមកលក់ចែកចាយនៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់។

ដោយឡែក វត្ថុតាង និងបទល្មើសខាងលើ ត្រូវបាននាំយកទៅរក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តតាមនីតិវិធីច្បាប់៕

អត្ថបទ និង រូបភាព ៖ ឡេក ចាន់ពេជ្រ