ព័ត៌មានជាតិ

ញាំកាហ្វេមួយថ្ងៃប៉ុន្មានកែវទើបសមស្រប គួរញាំប្រភេទ Arabica ឬ Robostar?

បានផុស

៩ ខែ មុន

នៅ

ថ្ងៃចន្ទ ២៩ កញ្ញា ២០២៥

ដោយ

ទម្លាប់នៃការញាំកាហ្វេបានក្លាយជារសនិយមថ្មី ហើយអ្នកខ្លះទទួលទានកាហ្វេមិនលស់ថ្ងៃនោះទេ។ អ្នកជំនាញផ្នែកកាហ្វេបានបង្ហាញពីអត្ថប្រយោជន៍នៃការទទួលទានកាហ្វេដែលផ្តល់ផលល្អចំពោះសុខភាពរាងកាយ ប៉ុន្តែមិនណែនាំឲ្យទទួលទានកាហ្វេលើសបរិមាណនាំឲ្យប៉ះពាល់ដល់សុខភាពនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សរ សំរិត ប្រធានផ្នែកលក់និងទីផ្សារនៃក្រុមហ៊ុន 3 Corner Coffee Roaster បានប្រាប់កម្ពុជាថ្មីក្នុងឱកាសចូលរួមពិព័រណ៍ផលិតផលខ្មែរកាលពីចុងសប្តាហ៍ថា កាហ្វេពេញនិយមនៅលើទីផ្សារមានពីរប្រភេទគឺប្រភេទ Arabica និង Robostar។ ប្រភេទ Arabica មានរសជាតិស្រាលងាយស្រួលសម្រាប់មនុស្សទូទៅទទួលទាន ខណៈប្រភេទ Robostar មានរសជាតិធ្ងន់។

ពាក់ព័ន្ធការទទួលទានកាហ្វេ លោកណែនាំឲ្យជ្រើសរើសអាស្រ័យតាមសុខភាព។ លោកមិនណែនាំឲ្យអ្នកមានសុខភាពខ្សោយទទួលទានប្រភេទ Robostar ដោយសារកម្រិតកាហ្វេអ៊ីនខ្លាំង អាចឲ្យអ្នកទទួលទានមានអារម្មណ៍ធីងធោងខុសពីពពួក Arabica ដែលមានកម្រិតកាហ្វេអ៊ិនស្រាលជាងអាចទទួលបានសម្រាប់មនុស្សគ្រប់គ្នា ជាពិសេសសម្រាប់យុវវ័យ សិស្សសាលាក្មេងៗ។

យ៉ាងណាមិញ បើតាមលោក សរ សំរិត តាមហាងជាទូទៅ លោកសង្កេតឃើញថាមានការប្រើប្រាស់ប្រភេទលាយចម្រុះ (Arabica និង Robostar)។

នៅពេលសួរថា តើគួរទទួលទានកាហ្វេមួយថ្ងៃប៉ុន្មានកែវ? អ្នកជំនាញរូបនេះគូសបញ្ជាក់ថា វាពាក់ព័ន្ធសុខភាពអ្នកទទួលទានដោយអ្នកខ្លះមួយថ្ងៃអាច ២ ឬ ៣ កែវ តែអ្នកខ្លះក៏តិចតាមហ្នឹង៕