ជីវិតកម្សាន្ដ

Fan Bingbing នៅតែជើងខ្លាំង ក្នុងវិស័យភាពយន្ត

បានផុស

៧ ខែ មុន

នៅ

ថ្ងៃសុក្រ ៣ តុលា ២០២៥

ដោយ

យោងតាមទំព័រ 163 បានរាយការណ៍កាលពីថ្ងៃទី ១ ខែតុលាថា អ្នករៀបចំកម្មវិធី Golden Horse Awards នៃប្រទេសចិន បានប្រកាសបញ្ជីឈ្មោះបេក្ខភាពសម្រាប់តារាសម្តែងឆ្នើម ដែលនៅក្នុងនោះជាមួយនឹងភាពយន្តមួយក្រោមចំណងជើងថា «Mother Bhumi» តារាស្រី Fan Bingbing បានបង្ហាញពីទេពកោសល្យសម្តែងរបស់នាង និងការត្រលប់មកវិញកាន់តែខ្លាំងជាងមុន។

លើសពីនេះ តួនាទីក្នុងភាពយន្ត «Mother Bhumi» ក៏ត្រូវបានជ្រើសរើសសម្រាប់ពានរង្វាន់សំខាន់នៃមហោស្រពភាពយន្តអន្តរជាតិទីក្រុងតូក្យូ ប្រទេសជប៉ុន មានន័យថា Fan Bingbing ក៏បានប្រកួតប្រជែងដណ្តើមពានរង្វាន់តារាសម្តែងឆ្នើមនៅទីនោះផងដែរ។ ត្រឹមតែមួយថ្ងៃ រូបនាងបានឈានទៅដល់វគ្គចុងក្រោយនៃពានរង្វាន់ភាពយន្តដ៏ល្បីល្បាញបំផុតរបស់អាស៊ីចំនួនពីរ ដែលធ្វើឲ្យមហាជនមានការភ្ញាក់ផ្អើលជាខ្លាំង។

ចាប់តាំងពីឆ្នាំ ២០១៨ បន្ទាប់ពីត្រូវបានហាមប្រាមពីការផ្សាយសម្រាប់ការគេចពន្ធ អាជីពរបស់បានជួបការលំបាកជាតារាចិន ជួបនូវការលំបាកជាច្រើន។ នាងមិនអាចសូម្បីតែចូលប្រឡូកក្នុងវិស័យសិល្បៈនៅប្រទេសចិន ដែលជាស្រុកកំណើតរបស់ខ្លួន ដែលត្រូវបានគេស្គាល់ថាជា «រាជិនីកម្រាលព្រំក្រហម» កាន់តំណែងលេខមួយ ទាំងកេរ្តិ៍ឈ្មោះ ប្រាក់ខែ និងឋានៈជាច្រើនឆ្នាំ។

ហេតុដូច្នោះ Fan Bingbing ត្រូវបង្ខំចិត្តស្វែងរកឱកាសសម្ដែងនៅក្រៅប្រទេសក្នុងប្រទេសដូចជា អាមេរិក កូរ៉េ ជាដើម ប៉ុន្តែទោះជាយ៉ាងណា ស្នាដៃទាំងនេះមិនមានលក្ខណៈដូចនោះទេ។ ដូច្នេះហើយ ទើបមហាជនជាច្រើនគិតថា អាជីពភាពយន្តរបស់តារាស្រីរូបនេះ បានបញ្ចប់ទៅដោយ រូបនាងអាចពឹងផ្អែកតែលើការបើកក្រុមហ៊ុនកែសម្ផស្ស ដើម្បីចិញ្ចឹមជីវិតប៉ុណ្ណោះ។

យ៉ាងណាមិញ ការខិតខំសម្ដែងរបស់ Fan Bingbing គឺនៅតែខ្លាំង។ ទោះអាជីពសម្ដែងនៅចិនត្រូវគេហាមប្រាមក្ដី តែរូបនាងបានដើរតួភាពយន្តនៅប្រទេសផ្សេង ដោយត្រូវតែស្រកទម្ងន់១០គីឡូក្រាម ដើរតួជាស្ត្រីក្រីក្រ រៀនដើរស្រែចម្ការ រៀនរស់នៅដូចកសិករ និងស្លៀកពាក់ឡូយឆាយ ដើម្បីប្រែក្លាយតួឯកស្រីមួយរូប។

«Mother Bhumi» ស្ថិតនៅក្នុងភាពចលាចលនយោបាយនៅចុងទសវត្សរ៍ឆ្នាំ១៩៩០ ដោយប្រាប់ពីរឿងស្ត្រីមេម៉ាយរស់នៅក្នុងភូមិមួយនៅភាគខាងជើងប្រទេសម៉ាឡេស៊ី។ Fengyin ធ្វើការនៅវាលស្រែពេលថ្ងៃ ហើយប្រែខ្លួនទៅជាអាម៉ាប់នៅពេលយប់ ដោយអ្នកភូមិគោរពបូជាថា Mother Bhumi ខណៈពេលដែលជម្លោះដីធ្លីរបស់ជនជាតិដើមភាគតិចកាន់តែកើនឡើង បាតុភូតចំឡែកបានញាំញីពេញភូមិ ហើយអាថ៌កំបាំងនៃការស្លាប់របស់ប្តីនាងត្រូវបានបង្ហាញជាថ្មីម្តងទៀត។ Fengyin ប្រើអំណាចដ៏ប៉ិនប្រសប់របស់នាង ដើម្បីប្រឈមមុខនឹងការឃុបឃិតរបស់កងកម្លាំងងងឹតរវាងនយោបាយ និងជំនួញ។

លើសពីនេះ ខណៈពេលដែល Fan Bingbing ត្រូវបានតែងតាំងសម្រាប់ពានរង្វាន់ធំៗ ប៉ុន្តែ Zhang Ziyi បានរងបរាជ័យជាបន្តបន្ទាប់។ នាងត្រូវបានគេលុបឈ្មោះចេញពីកម្មវិធី Golden Rooster Film Awards។ ភាពយន្ដ Xiangyuan Long សម្តែងដោយ Zhang Ziyi ក៏បរាជ័យក្នុងការបញ្ចូលទៅក្នុងបញ្ជីប្រកួតប្រជែងចុងក្រោយនៃមហោស្រពភាពយន្តអន្តរជាតិតូក្យូផងដែរ។

Fan Bingbing បានឈ្នះពានរង្វាន់តារាសម្ដែងល្អបំផុតនៅមហោស្រពភាពយន្តអន្តរជាតិតូក្យូ (2010) សម្រាប់ខ្សែភាពយន្ត Guanyinshan ប៉ុន្តែ Zhang Ziyi មិនដែលឈ្នះពានរង្វាន់នេះទេ។ ដោយសារតែអ្នកទាំងពីរស្ថិតក្នុងក្រុមតារាសម្ដែងប្រាំបីនាក់ (Zhou Xun, Zhang Ziyi, Zhao Wei, Xu Jinglei, Fan Bingbing, Li Bingbing, Tang Wei, Shu Qi) ហើយកំពុងវិលត្រលប់មកវិញជាមួយនឹងគម្រោងថ្មី ទើបប្រព័ន្ធផ្សព្វផ្សាយបានប្រៀបធៀបអ្នកសិល្បៈទាំងពីរឲ្យគ្នាទៅវិញទៅមក៕

អត្ថបទ៖ សាង ស្រីល័ក្ខ

ចុចអាន៖ផ្ទុះការចាប់អារម្មណ៍លើរូបថត ដែលប្រធានាធិបតី Lee និង J.Y. Park ថតជាប់មេក្រុម BTS