ជីវិតកម្សាន្ដ

ផ្ទុះការចាប់អារម្មណ៍លើរូបថត ដែលប្រធានាធិបតី Lee និង J.Y. Park ថតជាប់មេក្រុម BTS

បានផុស

៩ ខែ មុន

នៅ

ថ្ងៃព្រហស្បតិ៍ ២ តុលា ២០២៥

ដោយ

បណ្ដុំរូបថតរបស់ប្រធានាធិបតី Lee Jae Myung និងតារាចម្រៀង J.Y. Park បាននិងកំពុងរីករាលដាលភ្លាមៗ ក្លាយជាការចាប់អារម្មណ៍ទូទាំងប្រទេសកូរ៉េ។ អ្នកទាំងពីរត្រូវបានគេប្រទះឃើញថតរូបក្នុងកន្លែងថតរូបដោយប្រើស៊ុមរូបថតហត្ថលេខារបស់ RM មេក្រុម BTS ក្នុងរចនាប័ទ្មកាត់បួនដ៏ពេញនិយម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥស្សរជនសំខាន់ៗទាំងពីរត្រូវបានគេមើលឃើញថា បន្ទាប់ពីកម្មវិធីផ្លាស់ប្តូរវប្បធម៌ប្រជាប្រិយត្រូវបានបើកដំណើរការជាផ្លូវការនៅថ្ងៃទី ១ ខែតុលា ដោយមាននាយកប្រតិបត្តិកំពូលមកពីផលិតកម្មធំៗដូចជា HYBE, SM Entertainment និង YG Entertainment ចូលរួមជាសមាជិកផ្នែកឯកជន។ ក្រសួងវប្បធម៌ កីឡា និងទេសចរណ៍ ក៏បានប្រកាសពីការបង្កើតគណៈកម្មាធិការដែលនឹងត្រូវធ្វើជាសហប្រធានដោយរដ្ឋមន្ត្រី Choi Hwi Young និងផលិតករតារាចម្រៀង J.Y. Park។

រូបថតនោះត្រូវបានគេចែករំលែកនៅលើបណ្ដាញសង្គមរបស់ប្រធានាធិបតី។ ក្រោយមក អ្នកលេងអ៊ីនធឺណិត ជាច្រើនបានបញ្ចេញមតិស្របគ្នាថា ទាំំងនេះគឺជារូបថតដែលមើលទៅដូចជាក្លែងក្លាយ។ ប៉ុន្តែ នេះគឺជាការពិតដែលថា លោកប្រធាធិបតីពិតជាបានថតស៊ុបគំរូដែលមាន RM ដែរ។ ជាក់ស្ដែង សូម្បីតែ RM ផ្ទាល់ បន្ទាប់ពីបានឃើញភ្លាម ស្រាប់តែចូលទៅឆ្លើយតបនៅលើវេទិកាអ្នកគាំទ្រ Weverse ដោយការភ្ញាក់ផ្អើល សឹងមិនគួរឲ្យជឿថា នេះជាការពិតឡើយ។

យ៉ាងណាមិញ ក្នុងអំឡុងពេលនៃព្រឹត្តិការណ៍ ប្រធានាធិបតី Lee Jae Myung បានសង្កត់ធ្ងន់លើការប្តេជ្ញាចិត្តរបស់គាត់ក្នុងការជួយដល់ឧស្សាហកម្មវប្បធម៌។

លោកបានមានប្រសាសន៍ថា «គណៈកម្មាធិការប្រធានាធិបតីស្តីពីការផ្លាស់ប្តូរវប្បធម៌ប្រជាប្រិយ គឺជាវេទិកាសាធារណៈ និងឯកជន ដែលរួមបញ្ចូលគ្នានូវសមត្ថភាពគោលនយោបាយរបស់ក្រសួងនានា ជាមួយនឹងភាពច្នៃប្រឌិត និងអ្នកជំនាញនៃវិស័យឯកជន»៕