ព័ត៌មានជាតិ
អាជ្ញាធរសង្កាត់ចោមចៅទី ៣ ដាក់គ្រឿងចក្រកាយស្តារប្រឡាយតាមដងផ្លូវជាតិលេខ ៤ ដើម្បីរំដោះទឹក
កាលពីព្រឹកថ្ងៃទី ៧ ខែតុលា ឆ្នាំ ២០២៥ នេះ រដ្ឋបាលសង្កាត់ចោមចៅទី ៣ ខណ្ឌពោធិ៍សែនជ័យ បានដាក់គ្រឿងចក្រកាយស្តារប្រឡាយមេអមផ្លូវជាតិលេខ ៤ ដើម្បីរំដោះទឹកជំនន់ក្នុងមូលដ្ឋាន។
លោក សុទ្ធ សុជាតិ ចៅសង្កាត់រងទី ១ នៃសាលាសង្កាត់ចោមចៅទី ៣ បានឲ្យដឹងថា ការកាយស្តារប្រឡាយខាងលើចាប់ពីគល់ស្ពានអាកាសជម្ពូវ័ន ភូមិព្រៃស្វាយ សង្កាត់ចោមចៅទី ៣ ខណ្ឌពោធិ៍សែនជ័យ រហូតទៅដល់ព្រំប្រទល់ខណ្ឌកំបូល។
លោក សុទ្ធ សុជាតិ បានបន្តថា កន្លងមក ដោយសារតែភ្លៀងធ្លាក់មកម្តងៗ ធ្វើឲ្យតំបន់មួយចំនួនមានការជន់លិច ជាពិសេសលើកំណាត់ផ្លូវជាតិលេខ ៤ គល់ស្ពានអាកាសចោមចៅ ដើម្បីបញ្ចៀសការជន់លិចដោយជំនន់ទឹកភ្លៀង ទើប លោក វ៉ា សាវឿន ចៅសង្កាត់ចោមចៅទី ៣ ស្នើសុំគ្រឿងចក្ររបស់បុរី ជោរី មកកាយស្តារយកកាកសំណល់ចេញពីប្រឡាយឲ្យចរន្តទឹកហូរបានលឿន។ ចំពោះកាកសំណល់ដែលកាយចេញពីប្រឡាយ ត្រូវបានដឹកយកទៅចាក់ចោលនៅទីលានចាក់សំរាម។
អាជ្ញាធរ បានអំពាវនាវដល់ប្រជាពលរដ្ឋទាំងអស់ សូមមេត្តាទុកដាក់សំរាមឲ្យបានត្រឹមត្រូវ ចៀសវាងបោះចោលគ្មានសណ្ដាប់ធ្នាប់ អាចធ្លាក់ចូលប្រឡាយ បង្កការកកស្ទះចរន្តទឹកហូរពេលភ្លៀងមកម្តងៗ៕
អត្ថបទ ៖ សុខា
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ