ឃើញកណ្ដឹង ក្នុងសុបិន បញ្ជាក់ពីសំណាងល្អក្នុងឆាកជីវិត

កណ្ដឹង​ជា​ធម្មតា​ តែង​បន្លឺ​តាម​វត្តអារាម ​ឬសាលារៀនមួយចំនួនប៉ុណ្ណោះ។ ការ​បន្លឺ​អាច​បញ្ជាក់​ពី​ដំណឹង ដែល​ជិត​មក​ដល់ និងឲ្យ​យើង​បាន​ត្រៀម​ខ្លួន​ទុក​មុន។

យ៉ាងណាមិញ​ ប្រសិន​បើ​កណ្ដឹង​មាន​វត្តមាន​ក្នុង​ក្ដី​សុបិន​ នោះ​សុទ្ធ​តែ​ចង់​បញ្ជាក់​ពី​អត្ថន័យ ​និង​ហេតុភេទ​បម្រុង​កើត​មាន​នៃ​ពិភព​ខាងក្រៅ ​ឲ្យ​យើង​បាន​ដឹង។

ប្រសិនបើឃើញ​កណ្ដឹង​ក្នុង​ក្ដី​សុបិន ​តាម​ការ​ទស្សន៍ទាយ​បញ្ជាក់​ថា​ នៅ​ក្នុង​បញ្ហា​ការងារនាបច្ចុប្បន្ននេះ អ្នក​អាច​នឹង​ត្រូវ​បាន​ដំឡើង​ឋានៈ​ខ្ពស់​ជាង​មុន​ ឬ​មាន​កេរ្តិ៍ឈ្មោះ​ល្អ​ទៅ​ថ្ងៃខាងមុខ ។ នេះក៏ដោយសារតែការខិតខំប្រឹងប្រែង និងការឧស្សាហ៍ព្យាយាមនេះឯង ទើបសម្រចផលមកឲ្យយើងដែរ។

សុបិន​ឃើញ​កណ្ដឹង​បន្លឺ​ដោយខ្លួនឯង​ ​បញ្ជាក់​បាន​ថា ​ក្នុង​អំឡុង​ពេល​នេះ ​អ្នក​អាច​ទទួល​បាន​ដំណឹង​ល្អ​និង​សំណាង​ល្អ​ខ្លះ​ចូល​មកព្រមគ្នា ។ ប៉ុន្តែ​យ៉ាងណា ​ក៏​ត្រូវ​ព្យាយាម​ចាប់​យក​ឱកាស​ពិសេសនេះ​ឲ្យ​បាន ​ហើយ​បោះបង់​ចរិត​ក្រអើត​ចោល​ ​ ទើប​បាន​សុខសាន្តក្នុងជីវិត។

សុបិន​ឃើញ​នរណា​ម្នាក់​បន្លឺ​កណ្ដឹង​ បាន​ន័យ​ថា​ អំឡុង​ពេល​នេះ​ អាច​មាន​នរណា​ម្នាក់​ដែល​មាន​បញ្ហា​​ នឹង​មក​រក​អ្នក​សម្រាប់​សុំជំនួយ។ ដូច្នេះ​ចូរ​ជួយ​គេ​ចុះ​ បើ​សិន​បញ្ហា​នោះ​ស្រាល​ ប៉ុន្តែ​បើ​ធ្ងន់​ជួយ​មិន​បាន​ក៏ ​តាម​ហ្នឹង​ទៅ ។

គ្រូ ណុប សូមបញ្ចាក់ឲ្យច្បាស់ៗថា សុបិនគ្រាន់ជាសុបិនតែប៉ុណ្តោះ​ ដូច្នេះ​ក្នុងនាមជាសាម៉ីខ្លួន ចូរខិតខំត្រួសត្រាយផ្លូវ ខ្លួនឯង និងមានការព្យាយាមខ្លះក្នុងជីវិត ទើបជីវិតបានដូចសេចក្ដីប្រាថ្នាផងដែរ៕

គ្រូ​ ណុប

ចុចអាន៖ខាល ម្សាញ់ វក កុរ ឆុងពេញមួយឆ្នាំ ជីវិតឡាក់ឆុងណាស់ តែក្រោយអានរួច នឹងធូរចិត្តច្រើនជាងមុន

ចុចអាន៖ពណ៌​ពស់ក្នុងសុបិន​ បញ្ជាក់​ពី​រឿង​អាក្រក់​ និង​ល្អ​ក្នុងជីវិត ត្រូវប្រុងប្រយ័ត្នខ្លាំង