Connect with us

វប្បធម៌ ជំនឿ

ខាល ម្សាញ់ វក កុរ ឆុងពេញមួយឆ្នាំ ជីវិតឡាក់ឆុងណាស់ តែក្រោយអានរួច នឹងធូរចិត្តច្រើនជាងមុន

បានផុស

នៅ

យោងតាម​ក្បួន​ហោរាសាស្ត្រ​​​ ២០២២​ នេះ ​មានឆ្នាំមួយចំនួនដែលឆុងជាមួយ ខាល ​ ក្នុងនោះ​មាន ​វក ​ម្សាញ់ កុរ​ និង​ខាល ​ខ្លួនឯងតែម្ដង។

ដូចនេះ ​ដើម្បី​ជួយ​បញ្ចៀស​ខ្លួនឯង ​កុំ​ឲ្យ​ឆុង​នឹង​ឆ្នាំ​ខាល ឆ្នាំ​ទាំង ៤ នេះ​ត្រូវ​ធ្វើ​យ៉ាងណា ជួយយោងលាភសំណាងកាត់គ្រោះ។ ជាពិសេសនោះគឺ ជួយឲ្យសុខភាពផ្លូវកាយ​ និងអារម្មណ៍ បានធូរស្បើយខ្លះដែរ។

១ ឆ្នាំវក (ស្វា)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វក​ក្នុង​ឆ្នាំ​នេះ​ ឆុង​ខ្លាំងជាងគេ គឺ១០០ភាគរយតែម្ដង ដែលគេហៅថា ជាពេលវេលា​ងងឹត​បំផុត​ពេញ​មួយ​ឆ្នាំ។យ៉ាងណាមិញ​ យើង​ក៏​អាច​មាន​វិធី​បញ្ចៀស​គ្រោះចង្រៃ​នេះ​បាន​ គឺ​ត្រូវ​តែ​មានស្មារតី​រឹងមាំ ​ដើម្បី​មើល​ឃើញ​ពន្លឺ​ភ្លឺ​ជាង​មុន។ ទន្ទឹម​នោះ​ សត្វ​ស្វា​ច្រើន​តែ​ធ្វើ​ឲ្យ​ខ្លា​ឆាប់​ខឹង និង​ឈឺក្បាល ព្រោះមនុស្សឆ្នាំវក ច្រើនតែមិន​ចេះ​អត់ធ្មត់ ចូលចិត្ត​តតាំង វាយតប់ និង​មាន​កិច្ច​កលល្បិច​ច្រើន ​អាចប្រឈម​នឹង​ហានិភ័យ បើនៅតែបែបនេះ។ ការបាត់បង់​និង​គ្រោះថ្នាក់ ទាំង​រឿង​ហិរញ្ញវត្ថុ ការ​វិនិយោគ និង​ស្នេហា នឹង​មាន​ក្នុង​ឆ្នាំ​ខាលទាំងអស់។ ប៉ុន្តែ​យ៉ាងណា​ សត្វ​ស្វា​ក៏​អាច​បញ្ចៀស​បាន​ ដោយ​ដោយ​ការ​ធ្វើ​បុណ្យ​រក្សា​សីលទាន ធ្វើ​ចង្ហាន់​ប្រគេន​ព្រះសង្ឃ ​តម​អាហារ និង​​មិន​បរិភោគ​សាច់សត្វ ជាពិសេស​អ្នក​កើត​ឆ្នាំ ២០១៦, ១៩៨០, និង ១៩៥៦ ជោគវាសនា​ឆ្នាំ​នេះ​អាប់អួខ្លាំង។

ស្វា​អាច​ផ្ដល់​លាភ​សំណាង​ដល់​ខ្លួនឯង​បាន ដោយខ្ចី​សំណាង​ពី​សេះ ដើម្បី​​ជួយ​បើក​ផ្លូវ​​ឲ្យ​ភ្លឺ​ថ្លា​ ដោយ​ការ​ស្វែងរក​គ្រឿងអលង្ការ ឬ​និមិត្ត​សញ្ញា​រូប “សេះ” ​ដែល​មាន​ពណ៌​នាំ​សំណាង​ដូចជា​ពណ៌​ស និង ខៀវ​ ដើម្បីជួយ​បង្កើន​ទ្រព្យសម្បត្តិ​របស់​អ្នកបន្ថែមទៀត ។

២ ឆ្នាំ​ម្សាញ់ (ពស់)

ជីវិត​អាច​ជួប​រឿង​ហត់នឿយ និង​ជា​ឆ្នាំ​ដែល​ជួប​រឿង​អកុសល​ម្ដង​ហើយ​ម្ដង​ទៀត ទាំងការងារ ហិរញ្ញវត្ថុ និង​ស្នេហា អ្វីៗ​ហាក់​ដូច​ជា​មិន​ជាទី​ពេញ​ចិត្ត គ្មាន​សំណាង ​​ដោយ​វាសនា​របស់​ពស់​ ត្រូវ​បាន​គេ​គាបសង្កត់ ។ ក្នុង​ឆ្នាំ​នេះ​ដែរ​ ក៏​មាន​បណ្ដឹង​ចម្រូងចម្រាស រងទុក្ខ​ រហូត​​ធ្វើ​ឲ្យ​មនុស្ស​ឆ្នាំ​ម្សាញ់​បាក់ទឹកចិត្ត​ក្នុង​ជីវិត​ផង​ដែរ។

ម្ល៉ោះ​ហើយ​ម្សាញ់​​​ អាច​ខ្ចី​សំណាង​ពី​ឆ្នាំ​ច​មក​ជួយ ដោយ​ស្វែង​រក​និមិត្តសញ្ញា “ឆ្កែ” ដូចជា​តុក្កតា រូបថត ផ្ទាំង​រូបភាព អេក្រង់​ទូរស័ព្ទ សត្វ​ចិញ្ចឹម ឬ​ធ្វើ​ការងារ​ជាមួយ​មនុស្ស​ឆ្នាំ​ច។ មួយទៀត​ អាច​ស្វែង​រក​មិត្ត​ដែល​កើត​ក្នុង​ឆ្នាំ​ច​ ជា​អ្នក​ណែនាំ ហើយ​ធ្វើ​សកម្មភាព​ជាមួយ​គ្នា នឹង​ជួយ​កាត់​បន្ថយ​គ្រោះ​អាក្រក់​ ពី​ធ្ងន់​មក​ជា​ស្រាល។ ជា​ពិសេស ​អ្នក​ទាំងពីរ​អាច​ធ្វើ​បុណ្យ​រួមគ្នា និង​សែន​ដង្វាយ​នៅ​ទីសក្ការៈ ជីវិត​នឹង​កាន់​តែ​រលូន មួយវិញទៀត ​អ្នក​ដែល​កើត​នៅ​ឆ្នាំ ១៩៨៩ ចៀសវាង​ទៅចូលរួមក្នុងពិធី​បុណ្យ​សព ហើយពណ៌​សម្រាប់​លាភ​សំណាង គឺពណ៌​លឿង។

៣ នាំកុរ (ជ្រូក)

ឆ្នាំនេះ​អាច​ថា​នឿយហត់ ពិបាក​កាយ សុខភាព​មិន​សូវ​ល្អ រហូត​ត្រូវ​មាន​និង​ការ​វះកាត់ ដើម្បី​សុវត្ថិភាព​ជីវិត។ ដូច្នេះ​ចូរ​រក​មនុស្ស​ឆ្នាំ​មាន់​មក​ក្បែរ​ខ្លួន ព្រោះ​ឆ្នាំ​២០២២ ​រកា ទទួល​បាន​ការ​សរសើរ​ពី​ទេវតា​ ធ្វើអ្វី​ក៏​រលូន។ ដើម្បី​ជួសជុល​សំណាង​ឲ្យប្រសើរមក​វិញ​បាន​ ​ត្រូវ​រក​គ្រឿង​ឥស្សរិយយស​ដែល​មាន​រាង​ជា «មាន់» ហើយត្រូវ​ស្លៀកពាក់​ខោអាវ និង​អេក្រង់​ទូរស័ព្ទ​ដៃជា​រូបមាន់ ដើម្បី​ជួយបង្វែរ​ឬបញ្ចៀស​សំណាងមិនល្អក្នុងឆ្នាំនេះ។ កុរក៏ត្រូវ​ចៀសវាងការបរិភោគ​សាច់មាន់ ដើម្បី​សុខភាពល្អ រក​ឱកាស​ធ្វើ​បុណ្យ​ជាមួយ​ជន​ពិការ ដើម្បីកាត់បន្ថយគ្រោះ​មហន្តរាយ ជាពិសេស​អ្នក​កើត​ឆ្នាំ ២០០៧, ១៩៧១, និង ១៩៤៧ ចំណែក​ពណ៌​ជា​លាភ​សំណាងគឺ ពណ៌​បៃតង ។

៤ ឆ្នាំខាល (ខ្លា)

ខាលជាឆ្នាំដែលឆុងនឹងឆ្នាំខ្លួនឯង ដើម្បីបើកផ្លូវឲ្យសំណាងមករក ត្រូវប្រញាប់ធ្វើបុណ្យជាមួយ​ជន​ចាស់​ជរា ឬធ្វើចង្ហាន់ប្រគេន​ព្រះសង្ឃ និង​ធ្វើ​សមាធិ ដើម្បី​​ជួយ​សម្រាល​ទុក្ខ​កង្វល់ ​ដែល​បាន​ប្រមូល​ផ្តុំ​តាំង​ពី​ឆ្នាំ​មុន ​ឲ្យ​បាន​ធូរស្រាល​មកវិញ។សម្រាប់​អ្នក​ដែល​កើត​ក្នុង​ឆ្នាំ ១៩៩៨ គួរ​ធ្វើ​បុណ្យ ធ្វើ​ទាន រំដោះ​ជីវិត​សត្វ ដើម្បីរួចផុតពីជំងឺ និង​គ្រោះថ្នាក់ សូមស្វែងរកគ្រឿងអលង្កា ឬនិមិត្តសញ្ញាក្នុង​ទម្រង់​ជា “សេះ” ដើម្បីយកតាមខ្លួន ដូចជា​សម្លៀកបំពាក់ កាបូប ដើម្បីភាព​ស្រស់ស្រាយ និងផាសុកភាព ពណ៌​នាំ​សំណាង ដើម្បីបង្កើនលាភសំណាង មានពណ៌បៃតង ក្រហម ស។

ឆ្នាំទាំង​ ៤​ ដែល​ឆុង​ពេញ​មួយ​ឆ្នាំ​ ២០២២ នេះ​ បើធ្វើ​បាន​ដូច ​គ្រូ ណុប ​ប្រាប់​ នោះ​ជីវិត​នឹង​ប្រសើរ​ឡើង​ខ្លះ​ ជា​ជាង​ទុក​ខ្លួន​ឲ្យ​ទំនេរ​ចោល​អាសាបង់​ដែរ។ ការ​បញ្ចៀស​គ្រោះនាំ​លាភ​ យើង​អាច​ធ្វើ​បាន​ច្រើន​វិធី ​តែ​យ៉ាងណា​ ក៏​ត្រូវ​ធ្វើ​តាម​ក្បួនហោរ​ទើប​លាភ​សំណាង​មិន​រត់​ចោល ​ហើយ​ឧបទ្រពចង្រៃ​ក៏​ចៀស​ឆ្ងាយ​ផងដែរ៕

គ្រូ ណុប

ចុចអាន៖វក​ ម្សាញ់​ កុរ​ និង​ ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ

ចុចអាន៖ចូលឆ្នាំ ២០២២ ហើយ វក ម្សាញ់ កុរ និង ខាល ត្រូវធ្វើរឿងនេះ ជីវិតនឹងឈប់ឡាក់ឆុងពេញមួយឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទី មុន

ការអភិវឌ្ឍន៍​រាជធានី​ត្រូវ​ធ្វើ​ឡើង​ទៅតាម ប្លង់​គោល​រាជធានី​ឆ្នាំ​២០៣៥ ទាំង​ការអភិវឌ្ឍន៍​ប្រឡាយ​ទឹក និង​សំណង់​ផ្សេងៗ

ព័ត៌មានជាតិ៥៦ នាទី មុន

ក្រសួងសុខាភិបាល សម្រេច  បិទបណ្តោះអាសន្ន មន្ទីរសំរាកព្យាបាល ដើមអង្រ្គង កំពង់ស្ពឺ

ព័ត៌មានជាតិ១ ម៉ោង មុន

ខេត្តចំនួន ១៣ហើយ ដែលលោក ឌិត ទីណា រដ្ឋមន្ដ្រីថ្មីក្រសួងកសិកម្ម បានចុះបំពេញការងារ

ព័ត៌មានជាតិ២ ម៉ោង មុន

មន្រ្តី៦៨៣នាក់បានចូលមកប្រកាសទ្រព្យសម្បត្តិ និងបំណុលនៅអង្គភាពACU

សន្តិសុខសង្គម២ ម៉ោង មុន

មន្ត្រីសុខាភិបាល បំភ្លឺច្បាស់ៗ ករណី ពេទ្យយកសពទារកក្នុងផ្ទៃដោយទាំងពោះវៀន ស្លាប់ទាំងម្ដាយ

Sokha Hotels

ព័ត៌មានពេញនិយម