វប្បធម៌ ជំនឿ

ទទួលឡានថ្មីចូលមកក្នុងផ្ទះ ម្ចាស់គួរធ្វើបែបនេះ ទើបនាំសិរីសួស្ដី និងសេចក្ដីសុខ

បានផុស

៤ years មុន

នៅ

ថ្ងៃសុក្រ ២៩ មេសា ២០២២

ដោយ

កាលដែលមានរយន្តថ្មីចូលមកនៅក្នុងផ្ទះ ម្ចាស់គួរធ្វើរឿងអ្វីមួយ ដើម្បីឲ្យការធ្វើដំណើរមានតែសុវត្ថិភាព និងសុខសប្បាយជានិច្ច។ អ្នកខ្លះគេជឿលើការប្រោះទឹកមន្តលើករាសី ខ្លះក៏សែនដង្វាយតិចតួច ដើម្បីសុំសេចក្ដីសុខក៏មាន។

យ៉ាងណាមិញ យោងតាមជំនឿពីសង្គមចាស់ គេតែងទម្លាប់ដូចខាងក្រោមនេះ៖

ភួងឬផ្កាក្រអូប

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាស់ៗពីដើមជឿថា គ្រប់ឡានដែលបានទិញថ្មី គួរតែមានរបស់ណានាំសេចក្ដីល្អ សេចក្ដីគោរព និងមានគេកាន់ចង្កូតឲ្យនឹងធឹង ដើម្បីមានសិរីសួស្ដីទាំងម្ចាស់និងឡានផងដែរ។ ជាពិសេសរាល់ការធ្វើដំណើរ សូមឲ្យជួបតែរឿងល្អៗ។ជាពិសេសនោះគឺ ភួងផ្កាម្លិះនិងផ្កាក្រអូបៗ គេតែងជឿថា ដូចមានគេកាន់ឲ្យយើងជួបតែរឿងល្អៗក្នុងជីវិត។

ក្រូច ៥ ផ្លែ

ក្រូចគឺជាផ្លែឈើដ៏ល្អ ដែលគេជឿថានាំសំណាងល្អយ៉ាងខ្លាំងដល់ម្ចាស់ឡាន។ ចូររៀបចំក្រូចចំនួន ៥ផ្លែ ដោយដាក់នៅខាងមុខឡាន និងអុជធូបបួងសួងសុំសេចក្ដីសុខ ដល់ម្ចាសយន្តយានផងដែរ។

ស្រោមសំបុត្រក្រហមចំនួន ៥

ដាក់ស្រោមសំបុត្រក្រហមចំនួន ៥ សន្លឹក ដែលមានក្រដាសប្រាក់ ២ពាន់រៀល នៅខាងមុខឡាន នៅថ្ងៃដែលរថយន្តថ្មីបានមកដល់ផ្ទះ។ យោងតាមជំនឿនេះគេជឿថា វានឹងជួយឲ្យមានលុយកាន់តែច្រើន មានគេអាណិតស្រលាញ់ និងជួបតែសេចក្ដីសុខគ្រប់ប្រការ។

ចុចស៊ីផ្លេលើរថយន្ត៣ដង

ពេលឡានថ្មីមកដល់ផ្ទះ អ្នកដែលជាម្ចាស់ឡានគួរចុចស៊ីផ្លេចំនួន៣ដង ដើម្បីអបអរបុណ្យដល់ខ្លួនឯង និងអ្នកដែលជិះឡានជាមួយយើង។ ការធ្វើដូច្នេះ ដូចជូនពរឲ្យខ្លួនឯងជួបតែរឿងល្អៗ។ ក្នុងការបើកបររថយន្តនេះ។

ទោះយ៉ាងណាក៏ដោយ អ្វីដែលសំខាន់បំផុត គឺស្មារតីនឹងធឹងក្នុងការបើកបរ ហើយកុំភ្លេចពិនិត្យស្ថានភាពរថយន្តមុនពេលចេញដំណើររាល់ពេល៕

គ្រូ ណុប

ចុចអាន៖វត្ថុ ៥ យ៉ាង តាមជំនឿចាស់ៗផ្ដាំថា មិនគួរមានក្នុងរថយន្ត ប្រយ័ត្ននាំគ្រោះដល់ជីវិត

ចុចអាន៖៣ យ៉ាងហាមមានក្នុងផ្ទះ អាចទាញលាភសំណាងចេញ និងនាំភាពក្ដៅក្រហាយដល់គ្រួសារ

Related Topics:ជំនឿខ្មែរ