នេះជាអត្ថន័យពណ៌នាគនៅក្នុងសុបិន!

ជាទូទៅសុបិន​ឃើញនាគ ជាសុបិនល្អណាស់ ព្រោះវាជាប្រផ្នូល​នាំមកនូវ​ទ្រព្យ​សម្បត្តិ ការរកស៊ីរីកចម្រើន ​ទទួលបាននូវសេចក្តីស្រឡាញ់បរិបូណ៌ និងមានតែរឿងល្អៗចូលមកក្នុងជីវិត។

យ៉ាងណាមិញ ប្រភេទនៃសត្វនាគ ដែលបង្ហាញខ្លួនក្នុងសុបិន មានអត្ថន័យខុសៗគ្នា ទៅតាមពណ៌ដូចជា៖

នាគពណ៌បៃតង

វាជាសុបិនដែលចង់ប្រាប់ថា អ្នកនឹងទទួលបានដំណឹងល្អពីភឿនមិត្តដែលនៅឆ្ងាយ ឬបាន​ជួប​ជាមួយ​មិត្ត​ជិត​ស្និទ្ធ​ដែល​​ឃ្លាត​ឆ្ងាយ​គ្នា​ជា​យូរ​មក​ហើយ។

នាគពណ៌ក្រហម

នាគក្រហម ជាសុបិនចង់ប្រាប់ថា អ្នកនឹងទទួលបានដំណឹងល្អអំពីការងារដែលកំពុងធ្វើ ដោយត្រូវចៅហ្វាយនាយជួយឱ្យឡើងតំណែង ឬតំឡើងប្រាក់ខែ។

នាគពណ៌ខ្មៅ

សុបិនឃើញនាគខ្មៅ មានន័យថា ​មនុស្ស​ជុំវិញអ្ន​កនឹងនាំ​សំណាងមកឱ្យ ធ្វើឱ្យរបររកស៊ីរីកដុះដាល ទទួលបានប្រាក់ចំណូលលើសការស្មាន។

នាគពណ៌ស

នាគស ជាប្រផ្នូលនៃសុខមាលភាព និងកិត្តិយស។ មិនថានៅកន្លែងការងារ ឬក្នុងវិស័យជំនួញ អ្នកនឹងទទួលបានកេរ្តិ៍ឈ្មោះល្អសុះសាយពាសពេញសង្គម៕

អត្ថបទ៖ សន្យា

ចុចអាន៖ សុបិនឃើញ “នាគ” អ្នកនឹងទទួលបានដំណឹងល្អ ក្នុងជីវិតពិត