ដើមឆ្នាំថ្មីនេះ Vogue បានទម្លាក់បញ្ជីរឿងដែលត្រៀមនឹងផ្ទុះក្នុងឆ្នាំ ២០២៣ ជាមួយនឹងថ្ងៃខែគេចេញផ្សាយ ៖

១. Chevalier (ថ្ងៃទី០៧ ខែមេសា)

Chevalier de Saint-Georges ជាតួអ្នកលេងវីយូឡុងកើតនៅការីបៀន និងត្រូវម្ចាស់ក្សត្រីនៃប្រទេសបារាំង Marie Antoinette សព្វព្រះរាជហ​ឫទ័យ ។ រឿងនេះដឹកនាំសម្ដែងដោយ Stephen Williams ។

២. The Little Mermaid (ថ្ងៃទី២៦ ខែឧសភា) 

គឺជារឿងថតឡើងវិញមានតារាសម្ដែង Halle Bailey ដើរតួជាមច្ឆា Ariel លោក Javier Bardem ជាព្រះបិតា និងអ្នកស្រី Melissa McCarthy ជាបិសាចមឹក Ursula ។ 

៣. Asteroid City (ថ្ងៃទី១៦ ខែមិថុនា)

Margot Robbie, Scarlett Johansson, Tilda Swinton និង Tom Hanks សុទ្ធតែជាតារាសម្ដែងជួរមុខបញ្ជី A មកផ្ដុំគ្នាថតរឿងមួយនេះ ។ រឿងនេះសម្ដែងពីព្រឹត្តិការណ៍ផ្លាស់ប្តូរពិភពលោកយ៉ាងអស្ចារ្យ ។

៤. Oppenheimer (ថ្ងៃទី២១ ខែកក្កដា)

តួ J Robert Oppenheimer សម្តែងដោយ Cillian Murphy អំពីការបង្កើតគ្រាប់បែកបរមាណូ។ 

៥. Barbie (ថ្ងៃទី២១ ខែកក្កដា)

មួយរឿងនេះនឹងបង្ហាញពីសម្លៀកបំពាក់ស្អាតៗប្លែកៗ ហើយតួ Barbie គឺសម្ដែងដោយ Margot Robbie ចំណែកឯ Ken វិញ សម្ដែងដោយ Ryan Gosling ។

៦. Challengers (ថ្ងៃទី១១ ខែសីហា)

Tashi សម្ដែងដោយ Zendaya ដើរតួជាអ្នកលេងកីឡាវាយកូនបាល់ ហើយប្រែក្លាយស្វាមីរបស់នាងពីអ្នកលេងធម្មតាទៅជាជើងឯក Grand Slam ដ៏ល្បីល្បាញលើពិភពលោក ។ 

៧. Dune វគ្គ ២ (ថ្ងៃទី០៣ ខែវិច្ឆិកា) 

Paul Atreides  សហការជាមួយ Chani និង Fremen ដើម្បីធ្វើការសងសឹកអ្នកសមគំនិតដែលបានបំផ្លាញគ្រួសាររបស់គាត់ ។ គាត់មាននាទីការពារអនាគតដ៏គួរឱ្យរន្ធត់ ហើយប្រឈមមុខនឹងជម្រើសរវាងសេចក្ដីស្រឡាញ់ និងជោគវាសនានៃសកលលោក ។

៨. The Ballad of Songbirds and Snakes (ថ្ងៃទី១៧ ខែវិច្ឆិកា)

The Ballad of Songbirds and Snakes គឺជាប្រលោមលោកបែបសកម្មភាព-ដំណើរផ្សងព្រេង និពន្ធដោយអ្នកនិពន្ធជនជាតិអាមេរិក Suzanne Collins ។ 

៩. Wonka (ថ្ងៃទី១៥ ខែធ្នូ)

រឿងនេះផ្តោតលើ Willy Wonka វ័យក្មេង និងរបៀបដែលគាត់បានជួប Oompa-Loompas នៅលើដំណើរផ្សងព្រេងដំបូងបំផុតរបស់គាត់ ។

១០. The Color Purple (ថ្ងៃទី២០ ខែធ្នូ)

និយាយអំពី ការតស៊ូពេញមួយជីវិតរបស់ស្ត្រីជនជាតិអាមេរិក ដើមកំណើតអាហ្រ្វិក រស់នៅភាគខាងត្បូងដើមទសវត្សរ៍ឆ្នាំ ១៩០០ ៕

ប្រែសម្រួលដោយ ៖ វារី

ចុចអាន ៖ ត្រឹមរយៈពេល ១០ ថ្ងៃ រឿង Avatar វគ្គ ២ រកចំណូលបានរាប់លានដុល្លារឯណោះ