សុបិនជ្រុះក្រចកម្រាមដៃ ជាសុបិនអាក្រក់ចំពោះមនុស្សជាច្រើន ​ព្រោះ​តែ​សុបិន​បែប​នេះ​ផ្ដល់​នូវ​អារម្មណ៍​ភ័យ​រន្ធត់ ឈឺចាប់ និងភាព​ខ្លាចដែល​ថា​ វានឹង​ក្លាយ​ជា​ការ​ពិត​នៅពេល​ភ្ញាក់​ពី​គេងមក។ ដូច្នេះ តើសុបិននេះពិតជាអាក្រក់មែនឬអត់ មកអានអត្ថន័យខាងក្រោមនេះជាមួយគ្នា!

ឃើញ​ក្រចក​ជ្រុះ​ ហើយចេញ​ឈាម អ្នកនឹងត្រូវផ្លាស់ទីលំនៅ ផ្លាស់ប្តូរភារកិច្ចការងារក្នុងទិសដៅប្រសើរជាងមុន។

ឃើញជ្រុះក្រចកម្រាមមេដៃ អ្នក​នឹងទទួល​បាន​លាភ​សំណាងផ្នែកហិរញ្ញវត្ថុ និងសាច់ញាតិដែលនឹងមកលេងពីចម្ងាយ។

ឃើញជ្រុះក្រចកម្រាមដៃចង្អុល បកស្រាយថា នឹងទទួលបានព័ត៌មានល្អពីមិត្តភក្តិ ឬអ្នកស្គាល់គ្នា។

ឃើញជ្រុះក្រចកម្រាមដៃកណ្ដាល បើម្ចាស់សុបិនកំពុងឈឺ នឹងជាពីជំងឺក្នុងពេលដ៏ខ្លីខាងមុខនេះ ឬបើកំពុងជួបទុក្ខលំបាក វាក៏នឹងសាបរលាបទៅឆាប់ៗផងដែរ។

ឃើញជ្រុះក្រចកម្រាមដៃនាង ​អ្នក​នឹង​ទទួល​បាន​ដំណឹង​ល្អ និង​លាភ​សក្ការ​ពី​ការ​ផ្សងសំណាង។

ឃើញជ្រុះក្រចកម្រាមកូនដៃ ជាប្រផ្នូលបង្ហាញថាអ្នកនឹង​​ទទួល​បាន​លាភ​សំណាង​ពីការរកស៊ីជួញដូរ ប៉ុន្តែមិនចំណេញជាដុំកំភួននោះទេ។

ឃើញជ្រុះក្រចកគ្រប់ម្រាម ជីវិតនឹងជួបតែរឿងល្អៗ សំណាងអាក្រក់នឹងរលាយបាត់បង់។

ឃើញជ្រុះក្រចក ហើយដុះវិញ មានន័យថា អ្នកនឹងទទួលបានផ្លែផ្កាពីការងារ ការរកស៊ី ឬកិច្ចការផ្សេងៗ ​ដូច​ការ​រំពឹង​ទុក៕

អត្ថបទ៖ សន្យា

ចុចអាន៖ សុបិនឃើញចោរចូលផ្ទះ ឬចោរប្លន់ ជាប្រផ្នូលអាក្រក់ មិនគួរព្រងើយ

ចុចអាន៖ អត្ថន័យសុបិន ១៤ប្រភេទ ចាស់ៗឱ្យកត់ចំណាំទុក កុំភ្លេចឱ្យសោះ