វប្បធម៌ ជំនឿ

មានវត្ថុទាំង ៥ នេះក្នុងរថយន្ត ប្រញាប់ដកចេញឲ្យបានលឿនមុនឆ្នាំ ២០២៤ មកដល់

បានផុស

២ years មុន

នៅ

ថ្ងៃសុក្រ ២៩ ធ្នូ ២០២៣

ដោយ

នាសម័យបច្ចុប្បន្ននេះ មនុស្សជាច្រើនប្រហែលជាមានគ្រឿងអលង្កាជាប់នឹងរថយន្តរបស់ពួកគេ ដើម្បីជាយុថ្កាដើម្បីធ្វើដំណើរទៅកាន់គោលដៅរបស់ពួកគេដោយសុវត្ថិភាព។ ប៉ុន្តែតើអ្នកដឹងទេថាមានរបស់សំណាងមួយចំនួន ដែលមិនគួរទុកក្នុងរថយន្តរបស់អ្នក? ពិសេសក្នុងអំឡុងពេលឆ្លងចូលឆ្នាំថ្មីឆ្នាំ២០២៤នេះ។

១ ផ្កាក្រៀមស្រពោន ម្ចាស់រថយន្តជាច្រើនទិញផ្កាដើម្បីគោរពបូជាវត្ថុស័ក្តិសិទ្ធិក្នុងរថយន្តរបស់ពួកគេ។ ប៉ុន្តែការទុកដៃកម្រងផ្កាឲ្យក្រៀមស្រពោនក្នុងរថយន្ត ក៏អាចក្លាយជាសំណាងអាក្រក់ដែរ។ វាក៏ធ្វើឲ្យរថយន្តកខ្វក់មានធូលីនៅខាងក្នុងឡាន ឬអាចបង្កើតបញ្ហាសុខភាពផ្សេងទៀតផងដែរ។

២ នាឡិកាអស់ថ្ម នាឡិកាស្លាប់អាចប្រៀបធៀបទៅនឹងចុងបញ្ចប់នៃជីវិតរបស់មនុស្ស។ ដូច្នេះហើយមិនគួរយកទៅដាក់ក្នុងរថយន្តឡើយ។ ព្រោះមានជំនឿថា នឹងនាំមកនូវរឿងអាក្រក់ វាអាចបណ្តាលឲ្យមានគ្រោះថ្នាក់ផ្សេងៗ នេះបើយោងតាមអបិយជំនឿពីបរមបុរាណមក។

៣ វត្ថុនៃមរណៈ មនុស្សជាច្រើនប្រមូលវត្ថុពីអ្នកដែលបានទទួលមរណៈភាពទុកជាអនុស្សាវរីយ៍ ឬជាមធ្យោបាយសម្រាប់តម្កល់វិញ្ញាណរបស់ពួកគេ។ ប៉ុន្តែវត្ថុទាំងនេះគួរតែរក្សាទុកនៅផ្ទះប៉ុណ្ណោះ។ មិនគួរទុកក្នុងឡានដាច់ខាត។ នេះក៏ព្រោះតែគេជឿថានឹងធ្វើឲ្យអ្នកដែលបានលាចាកលោកនោះមិនស្ងប់។ ចំណែកម្ចាស់រថយន្តក៏មិនសូវសប្បាយចិត្ត ហើយបញ្ចេញតែអាការខឹងសម្បារខុសទំនងមកដែរ។

៤ កញ្ចក់បែក តាមគោលការណ៍ហុងស៊ុយ កញ្ចក់បែកមានន័យថាទំនាក់ទំនងខូចខាត ឬមានការឈ្លោះប្រកែកគ្នាជានិច្ច។ ដូច្នេះបើកញ្ចក់រថយន្តប្រេះគួរដូរភ្លាមៗមិនថាជាកញ្ចក់ឡានឬបង្អួចមានប្រេះស្នាមកន្លែងណាមួយទេ។

៥ កាក់ឬប្រាក់ដែលខ្ចាត់ខ្ចាយ មិនមានអ្វីខុសទេក្នុងការមានកាក់ឬប្រាក់តិចតួចនៅក្នុងឡានរបស់អ្នក។ ប៉ុន្តែវាគួរតែត្រូវបានរក្សាទុកតាមរបៀបផ្លូវការ។ កុំឲ្យវាធ្លាក់ចូលទៅគ្រប់គន្លុកគន្លៀតរថយន្តឬរាយប៉ាយគ្មានសណ្នាប់ធ្នាប់ នេះគឺដោយសារតែមានជំនឿថា កាក់ឬប្រាក់ដែលនៅរាយប៉ាយ នឹងធ្វើឲ្យចំណូលរបស់អ្នកចុះទាប ឬរកពុំសូវបាន ខាតឡុងចុងដោយមិនដឹងខ្លួន។

ទោះជាយ៉ាងណាក៏ដោយ អ្វីដែលសំខាន់បំផុតក្នុងការប្រើប្រាស់រថយន្តនៅលើផ្លូវគឺការប្រុងប្រយ័ត្ន។ គោរពច្បាប់ចរាចរណ៍ឲ្យបានម៉ឺងម៉ាត់ជានិច្ច។ វានឹងជួយអ្នកទៅដល់គោលដៅរបស់អ្នកដោយសុវត្ថិភាពរាល់ពេល៕