វប្បធម៌ ជំនឿ
តើ កំពូលប្រាសាទបន្ទាយឆ្មារជាដុំមាស ហើយត្រូវបានលួចចម្លង និងលក់ឱ្យបរទេស មែន ឬទេ?
ខណៈបច្ចុប្បន្ន មានលើកឡើងផុសផុលជាថ្មីតាមបណ្ដាញសង្គមថា លោហៈកំពូលប្រាសាទបន្ទាយឆ្មារ ជាដុំមាស ហើយមតិខ្លះថា កំពូលនេះត្រូវបានលួចចម្លង និងយករបស់ពិតលក់ឱ្យបរទេសជាដើមនោះ លោក ឆាយ វិសុទ្ធ ប្រធាននាយកដ្ឋានសារមន្ទីរ នៃក្រសួងវប្បធម៌ និងវិចិត្រសិល្បៈ បានបកស្រាយចម្ងល់ទាំងនេះ។
![](https://www.kampucheathmey.com/wp-content/uploads/2024/05/Screenshot-3477-1024x576.png)
លោក ឆាយ វិសុទ្ធ បញ្ជាក់ថា លោហៈកំពូលប្រាសាទបន្ទាយឆ្មារ គឺជា សំរឹទ្ធទឹបទឹកមាស ពោលគឺមិនមែនជាមាសសុទ្ធទេ។ លោកបានរំលឹកថា លោហៈកំពូលប្រាសាទនេះ ត្រូវបានរកឃើញនៅ ថ្ងៃទី២៥ ខែសីហា ឆ្នាំ២០១១ នៅពេលជួសជុលប្រាសាទ។
![](https://www.kampucheathmey.com/wp-content/uploads/2024/05/1-21-1536x1024-1-1024x683.jpg)
លោក ឆាយ វិសុទ្ធ មានប្រសាសន៍បន្តថា៖ “ពេលឃើញស្នាមប្រលាក់កប់ក្នុងដីសើមនាំឱ្យលោហៈប្រែពណ៌ដូចមាស នាំឱ្យមានការសន្និដ្ឋានថា កំពូលនេះជាដុំមាសសុទ្ធ ប៉ុន្តែក្រុមការងារដោយសហការជាមួយក្រុមបរទេសដែលជួយជួសជុលប្រាសាទ បានបញ្ជាក់ថា កំពូលនេះជាលោហៈសំរិទ្ធិទឹបទឹកមាស ឬស្រោបទឹកមាស ដោយមានការទទួលស្គាល់អន្តរភាគីត្រឹមត្រូវ”។
![](https://www.kampucheathmey.com/wp-content/uploads/2024/05/f-39.jpg)
ប្រធាននាយកដ្ឋានសារមន្ទីរ រូបនេះ សំណូមពរកុំបន្តចែករំលែកថា មានការលួចដូរ ឬលក់ឱ្យបរទេសទៀត។ លោកបញ្ជាក់ថា កាលមុនវិបត្តិកូវីដ-១៩ អំឡុងឆ្នាំ២០១៧ ដល់ ២០១៩ មានស្ថាប័នសារមន្ទីរនៅអឺរ៉ុប បានខ្ចីវត្ថុបុរាណខ្មែរ ទាំងលោហៈ ភាជន៍ ថ្ម ជាង មួយរយមុខ ដើម្បីតាំងពិព័រណ៍ចល័ត។ លោកបញ្ជាក់ថា បរទេស គេមានជំនាញ គេស្គាល់វត្ថុបុរាណពិត ហើយគេមិនយកវត្ថុក្លែងក្លាយទៅតាំងពិព័រណ៍ និងហ៊ានធ្វើបណ្ណធានាទឹកប្រាក់លានដុល្លារទេ។
ភាគី កម្ពុជា និង ស្ថាប័នសារមន្ទីរអឺរ៉ុប បានឯកភាពចុះកិច្ចព្រមព្រាងជាមួយគ្នានៅឆ្នាំ២០២១ ដោយបាន និងកំពុងរៀបចំតាំងពិព័រណ៍វត្ថុបុរាណកម្ពុជាទាំងនោះដូចជា៖
ទីតាំងទី១ នៅសារមន្ទីរ កាលីហ្វ័រញ៉ា សហរដ្ឋអាមេរិក ខែកុម្ភៈ ឆ្នាំ២០២២
![](https://www.kampucheathmey.com/wp-content/uploads/2024/05/Screenshot-3491-1024x576.png)
ទីតាំងទី២ នៅ សារមន្ទីរ UTAH សហរដ្ឋអាមេរិក ពីខែតុលា ឆ្នាំ២០២២ ដល់ ខែមេសា ឆ្នាំ២០២៣
![](https://www.kampucheathmey.com/wp-content/uploads/2024/05/Screenshot-3492-1024x576.png)
ទីតាំងទី៣ នៅ សារមន្ទីរ Royal BC ប្រទេសកាណាដា
![](https://www.kampucheathmey.com/wp-content/uploads/2024/05/Screenshot-3493-1024x576.png)
ទីតាំងទី៤ នៅ សារមន្ទីរ RAM ប្រទេសកាណាដា ពីខែកុម្ភៈ ដល់ កក្កដា ឆ្នាំ២០២៤ នេះ
![](https://www.kampucheathmey.com/wp-content/uploads/2024/05/Screenshot-3494-1024x576.png)
ការផ្ដល់វត្ថុបុរាណកម្ពុជាទៅពិព័រណ៍នៅបរទេសនេះ ដើម្បីទាក់ទាញជនបរទេសចូលមកកម្ពុជាដើម្បីទស្សនាប្រាសាទនានាផ្ទាល់។ រាល់ពេលយកវត្ថុបុរាណខ្មែរទៅតាំងពិព័រណ៍នោះ តែងមានអ្នកជំនាញកម្ពុជាទៅតាមពិនិត្យការវេចខ្ចប់ ដឹកជញ្ជូន ដំឡើងជាដើម។
![](https://www.kampucheathmey.com/wp-content/uploads/2024/05/Screenshot-3495-1024x576.png)
លោក ឆាយ វិសុទ្ធ លើកឡើងថា ការបង្ហោះព័ត៌មាន ចែករំលែក និងបញ្ចេញមតិថា មានការលួចលក់វត្ថុបុរាណដែលនាំឱ្យប៉ះពាល់កេរ្តិ៍ឈ្មោះស្ថាប័ន និងរាជរដ្ឋាភិបាល។ លោកសូមថ្លែងអំណរគុណដល់សាធារណជនដែលបង្ហាញការព្រួយបារម្ភទាក់ទងការបាត់បង់វត្ថុបុរាណជាតិ ប៉ុន្តែសូមផ្ទៀងផ្ទាត់ព័ត៌មានមុនជឿ ចែករំលែកបន្ត និងបញ្ចេញមតិរិះគន់នានា។ ប្រសិនចង់បានព័ត៌មានលម្អិត អាចមកសួរ និងទទួលនៅសារមន្ទីរជាតិបាន។
![](https://www.kampucheathmey.com/wp-content/uploads/2024/05/ff-15.jpg)
គួរបញ្ជាក់ថា ប្រាសាទបន្ទាយឆ្មារ ត្រូវបានកសាងឡើងពីចុងសតវត្សរ៍ទី១២ ដល់ដើមសតវត្សរ៍ទី១៣ ក្នុងរជ្ជកាលព្រះបាទជ័យវរ្ម័នទី៧ ដើម្បីឧទ្ទិសដល់បុត្រា និងមេទ័ព ៤ រូបរបស់ព្រះអង្គ ដែលបានពលីនៅក្នុងសមរភូមិដេញចាមនៅឆ្នាំ១១៧៧។ ប្រាសាទបន្ទាយឆ្នា មានទីតាំងស្ថិតនៅ ភូមិបន្ទាយឆ្មារ ស្រុកពួក ខេត្តបន្ទាយមានជ័យ និងមានចម្ងាយប្រមាណ ៧ គីឡូម៉ែត្រខាងជើងពីទីប្រជុំជនខេត្តបន្ទាយមានជ័យ៕
![](https://www.kampucheathmey.com/wp-content/uploads/2024/05/47104638_1979839862098485_8509708738964226048_n.jpg)
-
ព័ត៌មានជាតិ៤ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ១ សប្តាហ៍ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
សន្តិសុខសង្គម៦ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា១ សប្តាហ៍ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៤ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ៧ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម៦ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៥ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង