សេដ្ឋកិច្ច

ក្រុមហ៊ុនម៉ាឡេស៊ី បោះទុនបង្កើតរោងចក្រផលិតទឹកដោះគោឆៅកំប៉ុងនៅកម្ពុជា

បានផុស

៨ ខែ មុន

នៅ

ថ្ងៃពុធ ២៩ តុលា ២០២៥

ដោយ

ក្រុមហ៊ុនទឹកដោះគោស្រស់ម៉ាឡេស៊ី Farm Fresh Berhad បានចាប់ដៃជាមួយក្រុមហ៊ុនក្នុងស្រុក Alpha group ក្នុងការដាក់ទុនវិនិយោគបង្កើតកសិដ្ឋានចិញ្ចឹមគោយកទឹកដោះ និងបង្កើតរោងចក្រផលិតទឹកដោះគោឆៅកំប៉ុងនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងក្រុមហ៊ុនទាំងពីរកម្ពុជា-ម៉ាឡេស៊ី បានចុះអនុស្សរណៈ នៃការយោគយល់គ្នា (MoU) ក្រោមវត្តមាន លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី២៦ ខែតុលា ឆ្នាំ ២០២៥។

តាមរយៈការចាប់ដៃគូរវាងក្រុមហ៊ុនទាំងពីរនឹងបង្កើតការបោះទុនវិនិយោគដើម្បីបង្កើតកសិដ្ឋានចិញ្ចឹមគោយកទឹកដោះ និងបង្កើតរោងចក្រផលិតទឹកដោះគោឆៅកំប៉ុងនៅកម្ពុជា ខណៈដែល Farm Fresh Group គឺជាក្រុមហ៊ុនធំជាងគេនៅប្រទេសម៉ាឡេស៊ីដែលមានកសិដ្ឋាន ចិញ្ចឹមគោយកទឹកដោះដោយមានគោប្រមាណ១ម៉ឺន ៤ពាន់ក្បាល។

លោក ជី សិលា សហស្ថាបនិកកសិដ្ឋានគិរីសួគ៌ ប្រាប់កម្ពុជាថ្មីថា បច្ចុប្បន្ន កម្ពុជាមានតម្រូវការទឹកដោះគោស្រស់ប្រមាណ ១០ ម៉ឺនលីត្រ ក្នុងមួយថ្ងៃ ខណៈកសិកដ្ឋានចិញ្ចឹមគោយកទឹកដោះធំៗទាំង ៤ របស់កម្ពុជា មានសមត្ថភាពផលិតបានប្រមាណ ២ ម៉ឺន លីត្រ ក្នុងមួយថ្ងៃ៕