ព័ត៌មានជាតិ

អ្នកឧកញ៉ា សំ សុខនឿន ៖ «តម្លៃជីវិតរបស់មនុស្សម្នាក់ៗ មិនស្ថិតលើលុយ និងចំណេះដឹងទេ»

បានផុស

៩ ខែ មុន

នៅ

ថ្ងៃអាទិត្យ ១៩ តុលា ២០២៥

ដោយ

ក្នុងសៀវភៅ «គ្រឹះ នៃជីវិត អ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» បានរំលេចយ៉ាងច្បាស់ពីទស្សនៈ និងមូលដ្ឋានគ្រឹះ នៃជីវិតមនុស្សម្នាក់ៗ។ អ្នកឧកញ៉ា បានសង្កត់ធ្ងន់ថា តម្លៃជីវិតមនុស្សម្នាក់ៗ មិនស្ថិតលើចំណេះដឹងខ្ពង់ខ្ពស់ ឬការរកលុយបានច្រើននោះទេ ប៉ុន្តែវាស្ថិតនៅលើគុណធម៌ ក្រមសីលធម៌ ភាពស្មោះត្រង់ សេចក្ដីស្រលាញ់ និងយកអាសាគ្នាទៅវិញទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“លុយ និងចំណេះដឹង គ្រាន់តែជាធាតុផ្សំមួយប៉ុណ្ណោះក្នុងជីវិត ប៉ុន្តែអ្វីដែលធ្វើឲ្យមនុស្សម្នាក់មានតម្លៃនោះ គឺ គុណធម៌ និងភាពជាមនុស្សល្អ “។ អ្នកឧកញ៉ា សំ សុខនឿន បន្ថែម។

អ្នកឧកញ៉ា លើកឡើងទៀតថា អ្នកខ្លះមានលុយ មានទ្រព្យសម្បត្តិស្ដុកស្ដម្ភ មានចំណេះដឹងខ្ពស់ តែមិនបានជួយសង្គម មិនចេះឱនលំទោន និងឲ្យតម្លៃគ្នា ថែមទាំងគ្មានក្រមសីលធម៌ទៅទៀត។

“ការធ្វើអាជីវកម្ម ត្រូវតែមានគុណធម៌ និងក្រមសីលធម៌ជាមូលដ្ឋាន។ មិនអាចឆ្អិនក្បាលស៊ីក្បាល ឆ្អិនកន្ទុយស៊ីកន្ទុយ បានឡើយ”។ អ្នកឧកញ៉ាបន្ថែម។

អ្នកឧកញ៉ា សំ សុខនឿន ថែមទាំងផ្ដល់ដំបូន្មានដ៏មានតម្លៃចំពោះយុវជនថា ត្រូវប្រឹងប្រែងរៀនសូត្រឲ្យមានចំណេះដឹងខ្ពង់ខ្ពស់ ត្រូវចេះចាប់យកជំនាញឲ្យបានច្បាស់លាស់ បន្ទាប់មកត្រូវរកការងារធ្វើ ឬប្រកបអាជីវកម្ម ដើម្បីទទួលបានប្រាក់ចំណូលសម្រាប់ខ្លួនយើង និងក្រុមគ្រួសារ។ តម្លៃជីវិតរបស់មនុស្សម្នាក់ៗ នឹងកើនឡើងតាមកម្រិត នៃចំណេះដឹង ជំនាញ គុណធម៌ និងការលះបង់របស់អ្នក។

ចង់បានខ្លឹមសារ និងអត្ថន័យល្អៗ បន្ថែម ដើម្បីបំផុសគំនិត និងអភិវឌ្ឍន៍ខ្លួនអ្នកឲ្យកាន់តែប្រសើរឡើង សូមស្វែងរកទិញសៀវភៅ «គ្រឹះ នៃជីវិត អ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» តាមបណ្ណាគារ និងហ្វេសប៊ុកអ្នកឧកញ៉ាបណ្ឌិត សំ សុខនឿន ផ្ទាល់ !!