សេដ្ឋកិច្ច

តម្លៃប្រេងកើនឡើង មិនប្រឈមបញ្ហាធ្ងន់ធ្ងរ ដល់ការធ្វើពាណិជ្ជកម្មនោះទេ

បានផុស

៤ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍នៅថ្ងៃព្រហស្បតិ៍ ទី ១២ ខែមីនា ឆ្នាំ ២០២៦នេះថា តម្លៃប្រេងកើនឡើង ជំហានដំបូងប៉ះពាល់តិចតួចដល់ការធ្វើពាណិជ្ជកម្ម ប៉ុន្តែទំហំពាណិជ្ជកម្មអន្តរជាតិ តាំងពីដើមមក មិនថាប្រេង ឬពន្ធទេ ឡើងថ្លៃ គឺថា អ្នកជំនួញ អ្នករស៊ីគឺត្រូវតែបូកថ្លៃដើម ដូច្នេះការធ្វើពាណិជ្ជកម្ម ទាំងក្នុងប្រទេស និងក្រៅប្រទេសនៅតែដំណើរការធម្មតាដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា លឹម ហេង បានលើកឡើងបែបនេះ បន្ទាប់ពីតម្លៃប្រេងឥន្ធនៈបានកើនឡើងជាបន្តបន្ទាប់នៅប៉ុន្មានថ្ងៃកន្លងមកនេះ ក្រោយពីសហរដ្ឋអាមេរិក និងអ៊ីស្រាអ៊ែល បានបើកការវាយប្រហារប្រទេសអ៊ីរ៉ង់កាលពីដំណាច់ខែកុម្ភៈ។

អ្នកឧកញ៉ា លឹម ហេង យល់ឃើញថា៖ «កាលពីមុនប្រេងយើងតម្លៃជាង ២ ពាន់រៀល ក្នុងមួយលីត្រ ឡើងដល់ ៥ ពាន់រៀល ក៏យើងបូកទៅតាមហ្នឹង។ ជំហានដំបូងអ្នកដែលរងផលប៉ះពាល់ គឺអ្នកដែលមានចំណូលពីប្រាក់ខែ ប៉ុន្តែវានឹងបូកទៅតាមហ្នឹង ប្រសិនបើប្រេងនៅតែបន្តឡើង»។

ប្រជាពលរដ្ឋមួយចំនួនបានបានបង្ហាញក្ដីបារម្ភពីការបង្កើនការចំណាយប្រចាំថ្ងៃ ប៉ុន្តែពួកគាត់អះអាងថា តម្លៃប្រេងខាងលើអាចទទួលយកបានដោយសារស្ថានភាពនៃការកើនឡើងប្រេងជាសកល។

យោងតាមក្រសួងពាណិជ្ជកម្ម តម្លៃសាំងធម្មតាលក់រាយ ៥២០០ រៀល ក្នុងមួយលីត្រ។ ចំណែកឯតម្លៃប្រេងម៉ាស៊ូតលក់រាយក្នុងតម្លៃ ៦០៥០ រៀល ក្នុងមួយលីត្រ ដែលនឹងអនុវត្តចាប់ពីថ្ងៃទី ១១ ដល់ថ្ងៃទី ១៣ ខែមីនា ឆ្នាំ ២០២៦។

ក្រសួងពាណិជ្ជកម្មកម្ពុជា បានបន្តណែនាំឱ្យស្ថានីយ និងដេប៉ូចែកចាយប្រេងឥន្ធនៈនៅតាមបណ្ដារាជធានី-ខេត្ត ត្រូវលក់ប្រេងទៅតាមតម្លៃដែលបានដាក់បង្ហាញជាសាធារណៈ ដើម្បីធានានូវតម្លាភាព៕

អត្ថបទ៖ ឡេង ដេត