សេដ្ឋកិច្ច

តម្លៃប្រេងសាំងលក់រាយ កើនឡើងដល់ ៥៥០០ រៀល មួយលីត្រ

បានផុស

៤ ខែ មុន

នៅ

ថ្ងៃអង្គារ ១៧ មីនា ២០២៦

ដោយ

ក្រសួងពាណិជ្ជកម្មបានប្រកាសថា តម្លៃប្រេងឥន្ធនៈក្នុងស្រុកបានបន្តកើនឡើង នៅថ្ងៃអង្គារនេះ ក្នុងនោះតម្លៃលក់រាយសម្រាប់សាំងធម្មតា ៥៥០០ រៀល ក្នុងមួយលីត្រ កើនឡើង ៣០០ រៀល ប្រៀបធៀបនឹងសប្ដាហ៍មុន ចំណែកប្រេងម៉ាស៊ូត ៦៥៥០ រៀល ក្នុងមួយលីត្រ។ តម្លៃនេះអនុវត្តចាប់ពីថ្ងៃទី ១៧ ដល់ថ្ងៃទី ១៩ ខែមីនា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាជរដ្ឋាភិបាលបានបញ្ចុះតម្លៃលក់រាយប្រេងឥន្ធនៈនៅកម្ពុជា ៦,៥ សេនដុល្លារ ក្នុងមួយលីត្រ ដើម្បីសម្រួលជីភាពប្រជាពលរដ្ឋ និងបញ្ចុះ ១ សេនដុល្លារ បន្ថែមទៀត ដោយសារថ្លៃប្រេងសាំងអន្តរជាតិកើនលើស ៩០ ដុល្លារ ក្នុងមួយបារ៉ែល និងប្រេងម៉ាស៊ូតអន្តរជាតិកើនលើស ១០០ ដុល្លារ ក្នុងមួយបារ៉ែល ព្រមទាំងបានកាត់បន្ថយអាករ ៤,១ លានដុល្លារ ក្នុងរយៈពេល ៣ ថ្ងៃ។

ក្រសួងពាណិជ្ជកម្ម បន្តណែនាំឱ្យស្ថានីយ និងដេប៉ូចែកចាយប្រេងឥន្ធនៈនៅតាមបណ្ដារាជធានី-ខេត្ត ត្រូវលក់ប្រេងទៅតាមតម្លៃដែលបានដាក់បង្ហាញជាសាធារណៈ ដើម្បីធានានូវតម្លាភាព។

ស្ថានីយលក់ប្រេងឥន្ធនៈ និងដេប៉ូចែកចាយ ត្រូវធានាសុក្រឹតភាព នៃគុណភាព និងបរិមាណប្រេងដែលត្រូវលក់ជូនអតិថិជន និងត្រូវជូនដំណឹងមុនយ៉ាងតិចមួយថ្ងៃមកមន្ទីររ៉ែ និងថាមពល ឬមន្ទីរពាណិជ្ជកម្ម និងអាជ្ញាធរពាក់ពាក់ព័ន្ធ ក្នុងករណីប្រេងឥន្ធនៈអស់ពីសន្និធិ (ស្តុក) ឬមានបំណងផ្អាកលក់ប្រេងជាបណ្ដោះអាសន្ន៕